قدر مراهقة

الجزء 104

#قدر_مراهقة
الجزء 104
اليوم ينحي مجد البلاطر ونزيد نفوت لطبيبة نسويفي ، نضت الصباح شوي روطار فشلن بزاف تعبني مجد ميقدر يدير والو بفرد يد كلش عليا شوي مريض شوي يزيد فيها. وحدنا رواحنا وفتنا لطبيب تاعو نحالو لبلاطر وقالو مترفدش ثقيل وسايس يدك شوي وبالشفى عليك ك، كي خرجنا من عندو فتنا لطبيبة تاعي في نفس لكلينيك. دخلت عندها وحدي نفس الاسئلة وزادت دارتلي الايكو لقات الطفلة لباس دخلت لشهر ثامن قالتلي ممكن نولد كي ندخل لتاسع بعد ولازم نكثر المشية والعلاقة الزوجية، ( يا أرض انشقي وابلعيني وانا زي لحمارة مفهمتش مع لول . سقسيتها وش تقصد وهي بسلامتها شرحتلي كلش بالتفصيل  وجهي ولا حمر من الحشمة قالتلي ماتحشمي ماوالو بما انك بالكرش حاجة باينة تكونو درتو الشي هذا ديجا المتزوجين كامل يديروه . خرجت لقيت مجد يستنى فيا سقساني وش لباس قولتلو الحمدلله ركبنا في لوطو درنا شوي وفتنا للمول شريت حوايج للطفلة لقيتهم عجبوني يهبلو . فليل روحنا انا دخلت ديراكت دوشت لبست غوب ميني مع كرشي خارجة جات عليا تهبل اصلا ملي عرفت بحملي وليت نلبس لمعري عادي معندي علاه نحشم . خرجت لشومبرة لقيتو متكي كيف عادتو حاطط يدو فوق راسو ورجل طالقها وثانية مطبقها وقفت فوق راسو بدون أي مقدمات قولتلو مجد حبيت حقي _ وش من حق ثاني في الورث خلي كي نموت وادي كلش _ بغيت حقي الشرعي . تالمو صدمتو تخطف من بلاصتو وجا قاعد _ وشنو عاودي وش قولتي _ كيما سمعت بعد _ وش من حق شرعي بغيتيه فهميني لانو نيتي بدات تهرب _ وش دخلني انا في نيتك تهرب ولا تقعد قولتلك حابة حقي الشرعي وفرات _ قصدك فلفراش _ ايه هكاك بعد . طرطق بالضحك جاب ربع ساعة وهو يضحك ويسكت ويعاود يطرطق. تقولك اذا راكي تتمسخري غير اسكتي عليا العبد او ناشف قريب يطرطق مكلاه طمعيني وتهربي _ اني نحكي صح والله _ كيفاه حتى وجاتك في بالك تطلبي حقك _ الطبيبة قالتلي راكي مزيرة بزاف ولازم تكثري من العلاقة باش تقدري تولدي طبيعي وانا نفضل الولادة الطبيعية على سيزاغيان ومنيش حابة تتحل كرشي ونتوجع مش ناقصني ويقولو لمرا الي متلبيش طلبات راجلها فلراش تلعنها الملائكة وانا مش ناقصني ندخل لجهنامة في جرتك ذنوبي وراني حايرة وين نحطهم _ ايه والمطلوب _ حقي بغيتو _ اوك براحتك انت طلبتي وانا  عليا نلبي طلباتك ورغباتك مرتي العزيزة. هو تقول ماصدق وجيتو برجليها تلاح يبوس فيا بواحد لحنانة خلاتني نذوب ونتفاعل معاه كلش صرا في لحظة عديت معاه اجمل ليلة وندمت الي كنت حارمة روحي من هاذ المتعة.
#فريال