قدر مراهقة

الجزء 43

#قدر_مراهقة
الجزء 43
فقت على صوتو ينوض فيا ذوك هذا لاصق فيا كي لڨرادة ميروحش يخدم راح يقعد فوق راسي يقلق فيا افففففف منو افففف. واش واااش خصك يعني العبد معاك انت مايرقد مايصبح _راهي 13 الظهر آذن وانت مزالك راقدة _بزايد من لكذب ياربي تكون 10_ ياخي انت راسك خشين متصدقيش حتى تشوفي بعينك _مستحيل نصدقك بعد الشي الي درتو فيا لوكان تقولي الجنة راهي جيهة الشرق انا نروح للغرب عكسك تماما _بلعيه برك _متقوليش بلعيه منيش حيوان عندك فهمت ولا لا. نضت فت لدوش توضيت ورجعت نفركت في فاليزات تاوعي كلش مخلط لازم نفرزهم خير، هزيت طقم الصلاة والسجادة وخرجت لشومبرة الثانية صليت الظهر وقضيت صلواتي الي فاتوني.كملت فت ديراكت للكوزينة جعت مت منعرف شبيني اليامات هذو ناكل برك نعوض وش فاتني من ماكلة هههههه نبقى هك نولي بڨرة كيما قالي مجد. دخلت لقيتو يوجد فالطابلة جابلي ثاني همبرغر منعرف شكون قالو بلي نحبو وزاد جاب جاجة روطي ولفريت وحميص وخبز والراعي الرسمي للماكلة طبعا شكون غيرها كوكا كولا حبيبة قلبي بلا بيها ماناكلش. كي عوايدي طحت كول كول حتى خلصت هو غير يشوف_اففففف راح تبقى غير تشوف فيا ومقابلني يوم كامل هاروح تخدم على روحك _منخدمش_باين بلي باباك يصرف عليك انت من جماعة هذوك الي نهار كامل يتلوهطو وباباهم يصرف _شكون قالك بلي بابا هو الي يصرف عليا_ها باينة انت نهار كامل مقابلني وقولتلي بلي متخدمش معناها باباك هو الي يصرف_شكون قالك منخدمش _انت ناوي طرطقلي عرق في راسي شبيك تتمسخر بيا مرة نخدم مرة منخدمش هافهمني _كنت نخدم وحاليا راني في عطلة _شحال العطلة هذي تاعك باين طويلة وعلاه مقلتش إجازة وقولت عطلة _عطلة طويلة عندي شهر ماخدمتش وراح نزيد نقعد شهر هذا نديك ونروحو نديرو شهر العسل تاعنا _شهر نعيك قالو شهر العسل، وزيد شكون الحمار هالي راك تخدم عندو وقبل يمدلك شهرين إجازة ياك كل خدام عندو شهر في العام وفرات _واحد مايدبر عليا نخدم وقت مانحب ونحبس وقت مانحب _كيفاه هذي تخدم عند باباك _نخدم عند روحي _وش تخدم_نخليهالك مفاجأة _قولي برك نحب نعرف _كي يجي وقتها ونقولك مكلاه تعبي حبة القهوة الي في راسك بزاف _ناناك اذا مخي كامل ولا حبة قهوة_هيا روحي وجدي حوايج غدوا رايحين_وين نروحو_لشهر العسل اعمري _قصدي وش من بلاصة _خيري انت وين تحبي خارح لبلاد ولا داخلها_بلادنا خير اصلا اي فيها كلش لوكان تزور ولايات الجزائر كامل معناها راك زرت كل العالم عندنا الصحرا والبحر والجبال والسهول والهضاب والآثار الرومانية ووووو_وش من ولاية حابة تزوري_نحب نزور ولايات الشرق  الغرب كرهت منو كل صيف كان بابا يدينا لولايات الي قراب لينا _اوك غدوا نروحو شهر كامل ندورك في ولايات الشرق الساحلية والداخلية المهم تفرحي.
#فريال