قدر مراهقة

الجزء 32

#قدر_مراهقة
الجزء 32
مع نغمض عينيا وتدخل ماما _وهاتبرادي وشنو هذا في عرسك وراح ترقدي_خليني تعبت _وشنو هذي نخليك هيا نوضي كملي التصديرة تاعك الناس تستنى فيك_منكملش تعبت بزايد_نوضي متقلقينيش وش يقولو علينا الناس بنتهم محبتش تتصدر وراحت رقدت_انت هذا الي هامك غير الناس متهمكش راحت ولادك _مش هكا بصح كلام الناس يلعب دور في حياتنا_نقدرو نتجاهلوه _هيا بنتي نوضي كملي راو راح الحال _شحال الساعة_23:30_مليح وقت الرقاد_هيا كملي تصديرتك. دخلت خالتي واسيل كي شافونا نتناقشو هكاك قالو لماما خليها راهي قريب طيح تعبت ذوم تروح تلبس لاغوب بلونش وتخرج شوي هكا يدخل مجد ذوك راحت يماه تحنيلو ويجي، ماما خرجت هي وخالتي وبقات معايا اسيل اسراء ورنيم عاونوني لبست لاغوب بلونش ستيل برنساس طايحة على لكتاف ونص من صدري يبان (خيرتها اسيل واسراء انا محبيتش نروح هوما راحو في بلاصتي كنت ناوية نجيبها كحلة كيف زهري ومخلاونيش).خرجوني لبنات تصورت شوي هك ودخل مجد مع يماه شطحنا انا وياه شوي على اغنية قصة غرام لفيصل الصغير (فرحت مين ربي كتبني ليك 🎶🎵عرفت النسا بصح نتي Unique🎶🎵 Mon révé  تكوني معايا 🎶🎶انا نصلي وانت مورايا 🎵🎶نعيش معاك قصة غرام🎶🎶C'est a dire ma femme فرحت مين ربي كتبني ليك🎶🎶عرفت النسا بصح انت Unique🎵🎶Mon révé تكوني معايت Impossible نسمح فيك انايا 🎵🎶نعيش معاك قصة غرام C'est a dire ma femme 🎵🎶...... ) كي لحقت لمقطع كل صباح نشوفك قدامي عفستلو على رجلو حتى تخطف.قطعنا لابياس مونتي وركبلي وركبتلو الخاتم تصورنا مع بعض انا وياه وزادت جات ريتال مام هي لبست غوب بلونش تشبه لتاعي تصورت معانا من بعد قالتلي بعدي لهيت نصور معاه وحدنا خير..بعدت وخليتها تتصور وتبوس فيه يبان خوها هي . كانو حايدخلو خاوتو وخاوتي بصك كي شاف لاغوب تاعي وكيفاه معرية عيطلهم وقالهم واحد مايدخل وزاد قال لرنيم تجيبلي البرنوس باش يلبسهولي معجبوش الحال كعاد صدري يبان.قالي راني خارج نكمل القصرة مع صحابي وشوي هكا نرجعلك باش نروحو للاوتال _علاه وش نديرو_من بعد وتفهمي_شوف متفهمني منفهمك الي في بالك غير نحيه والله لاصرات _نشوفوها. هو خرج وانا قعدت مع لبنات نتصور ونشطح بردت قلبي ياك نزوج فرد مرة في حياتي. فاتت ساعة عيط لختو قالها باش تخرجني لبست برنوسي وودعت ماما وخواتاتي مبكيتش ممكن لانو عارفة هاذ الزواج ميدومش ومنطولش ونرجع لعندهم. هزولي لفاليزة وخرجوني لقيتو يستنى فيا وفرحان ايه افرح افرح لوكان منخليش ليلتك كحلة ميسمونيش ميرال. حط لفاليزة من لور وعاوني ركبت ودع ختو وجا، ديمارا راح باتجاه الاوتال جاية مع الخرجة بين ولايتي والولاية الي راك نسكنو فيها، هو فرحان ويضحك معلبالوش وش راهو يستنى فيه وبلي انا مستحيل ننسى وش دارلي ولوكان منخرجهاش من عينو ونبكيه الدم منيش مرا.
#فريال