قدر مراهقة

الجزء 12

#قدر_مراهقة
الجزء 12
بعد ماخلصت الطبيبة جابتلي لفرملية قشي ولبستني جات تنوضني مقدرتش نوقف دخل هو عندي ومن وراه الطبيبة ورنيم، قدم راح يهزني حبساتو الطبيبة _وين وين رايح بيها متقدرتش تخرج منا حتى يجيو لابوليس، دار تخنزر فيها شوف اسيدي شكون راهي تأمر فيا _منيش نأمر فيك اما القانون هكا لازم يجيو لابوليس يديو اقوالها لانو هي قاصر وباين بلي تعرضت للاغتصاب من الحالة الي جات فيها هنا ولوكان مانزفتش بزاف وخفتها تموت والله مانخيطها حتى يديرو تحقيق وذوك نعيطلهم يجيو لازم المجرم يتعاقب على فعلتو_شوفي مانكثرش الهدرة معاك بزاف انا الطفلة مخرجها ذوك وواحد مايمنعني وتحبي تعيطي لابوليس عيطي مانخاف حتى واحد _معليش كيما تحب اصلا يكونو قريب يوصلو عيطلهم قبيل وباين بلي انت هو المجرم الي دمرلها حياتها متحشمش الطفلة مزالها صغيرة وانت غتاص. بتها بوحشية لا رحمة لا شفقة قطعتها تقطاع لدرجة خيطناها ب3 مساسك_وش دخلك انت درتي خدمتك وصاي بلعي ر$$فمك ماتخلينيش نغلط معاك ونخلط جدك _مش راح نخافك _شوفي منكثرش الهدرة معاك انت لاعبتها انسانة تخدم بضمير ونسيتي بلي موالفة ترقعي لبنات بدراهم وتزوري التقارير وعندك قداش من قضية رفعوها ضدك النصب والاحتيال والتزوير _تكذب انا بريئة وهوما ظلموني_ظلمومي _ظلموم الالة شوفي نقولك قبل مانجيبها هنا عندك علبالي شكون انت ووش تسواي ومن لخر اطلبي المبلغ الي بغيتيه وسكتينا _انا مطلبتش الدراهم بصح اذا بغيت تعطيني منقولش لالا موالفة نحكم 20مليون هكاك، نطقت رنيم ظهرتي قح$$من لكبار قالو منطلبش دراهم.جبدت ساشي فيها دراهم مدتهملها نطق مجد تخرج كلمة نحيك من الدنيا هذي، هزني وخرج بيا الظلمة برا تبان 23 هكاك درت ورايا شفت لكلينيك بريفي زعما معروفة واحسن وحدة زعما بصح ظهرو يخدمو لتحت لتحت كلاب الله لاتربحهم كيما راهم ضيعو حقوق الناس وفي جرتهم وجرت امثالهم البلاد ضاعت. رجعنا لدار رنيم حطني فالشمبرة تاعها وخرج شوي هكا جابتلي ناكل مبغيتش ضربت معايا والو خشنت راسي وكلمة ماقلتهالها كي شافتني هكاك خرجت. رقدت من التعب مافقت بوالو حتى لغدا من ذاك نضت على صوت الآذان شفت مع التاقة لقيتها ظلمة يكون لعشا آذن ايه وش رقدت قعدت نخمم في حياتي الي بين ليلة ونهار ضاعت وانا مع تخمامي تحل الباب.
#فريال