قدر مراهقة

الجزء 73

#قدر_مراهقة
الجزء 73
بقا يشوف فينا مخلوع ويستنى ننطقو ونفهموه وش صرا وحنا تقول واحد رابطلنا فمنا عينا نحكيو. ذوك تنطقو وتفهموني وش الحالة هذي ولا لا _ هو غير مكان والو يعني انا وهي و غير (بقيت نخلط برك في الهدرة ملقيتش وش نقول وكيفاه نفهمو وانا اصلا مش فاهمة علاش عضيتها هو الضرب تستاهلو بصح العض مفهمتش منين جا) _ بلعيه يرحم باباك اذا حاتبقاي تخلطي كيما هك اسكتي خير دوختيني _ اذا مش عاجبك كلامي هاو الحيط قدامك اخبط راسك واصلا انت الي قولتلي فهميني ولا والله منحكي معاك وش حاسب روحك كاش وزير ولا ملك متكبر متعجرف هذا _ تزيدي كلمة وحدة والله غير نعجب فيك تولي حالتك اسوء من حالتها. انا سكت علبالي بيه يديرها واصلا حالة وجهو برك الي ولا حمر زي الطماطم تبين بلي قلقان وانا زودتها شويتح ماشي بزاف اصلا انا جامي نغلط قراراتي كامل صحيحة. ذوك تفهومي وش صرا ولا نفهم بطريقتي، جيت ننطق انا ونحكيلو كلش نطقت رنيم قالتلو مكان والو غير زلقت وطحت وهي كي جات تعاوني طيحتها من القلقة عضتني هذا ماكان _ وش يبالكم فيا طفل صغير حتى نصدق الكذبة هذي _ علبالك لوكان جيت طفل صغير والله تتاكل باين كي كنت بيبي كنت كعبور ومبطبط وعندك لخدود _ مكلاه تبدليلي الموضوع جاوبيني وش صرا هنا _ نقولك بشرط _ فوق ماكي غالطة تزيدي تتشرطي مليحة هذي _ دبر راسك اذا حاب تفهم وش صرا لازم عليك تقبل بشرطي ولا اقعد ميت بالفضول لانو رنيم تموت ومتحكيلكش وانت اكثر واحد عارف بلي هي تخبي الاسرار _ ايه في هاذي عندك الحق _ وش قولت موافق على شرطي ولا نو _ قابل بصح يكون في المعقول ومن ذوك نقولك اذا كاش حاجة تافهة ولا اني منقبلش _ ايه صاي انت فت عطيت كلمة والراجل ميتراجعش على كلمتو _ هيا احكيلي برك _ شوف انا الصباح نضت قلقانة وكي شفت رنيم زدت قلقت عيت نحملها ايا طحت فيها اضرب اضرب حتى رديتها بالحالة هذي وسامحتها على كلش وتشهيت نعضها وهي قبلت _ متزوج انا كلبة _ حاشاك _ لا هذا الي راني نشوف فيه كلبة وقطة شوفي وش درتي في طفلة حالتها حالة شوهتيها كيفاش ذوك تقابل والديها وش يقولولي مدينالك بنتنا أمانة وانت مقدرتش تحاقظ عليها _ منا على سمانة ميبقى فيها والو وترجع زي الحلوف لبراري تنڨز وحدها _ وشكون قالك حاتزيد تبقى معاك سمانة _ يام تفاهمنا تبقى معايا شهر كامل _ هذيك قبل ماتشوهيها وتوصليها للحالة هذي _ وش دخلك اذا انا وياها متفاهمين انت علاه تلوك فرشيطتك في نص _ عسي لسانك يامات نقصهولك . دار لرنيم عاونها توقف عيات رجليها بالسيف ماتحطهم مسكينة دڨدڨتها (تستاهل بردت قلبي ومزال حابة نزيدلها بصح علبالي مش ماتحمل الضرب).  وين حاتديها _ لسبيطار يشوفو حالتها ونروحها ليماها لوكان تبقى هنا تقتلها الغولة الي عندي _ علاه عندك غولة في دار هذي _ استغفر الله ياربي صبرني فوق ماهي دير المشاكل وتضرب لعباد ظهرت بغلة ومتفهمش _ اي احترم روحك وشنو هاذ الالفاظ عيب عليك مخليتش حيوان معيطتليش بيه ولا حنيت لسلالتك.  هنا رنيم مقدرتش تشد روحها طرطقت بالضحك وهو كي شافها تضحك قلق جا لجيهتي انا زربت هربت لشومبرة علبالي يحكمني اليوم يزرڨني ومكانش الي يفكني منو حتى رنيم ومريضة مسكينة دڨدڨتها.
#فريال