قدر مراهقة

الجزء 49

#قدر_مراهقة
الجزء 49
دخل مع وقت المغرب صلينا ولبسنا قشنا.هبط لفاليزة وانا وراه كي لعادة وصا العساس وقالو جيب شكون ينظف الدار ويخرج لحوايج كلش تكسر. راح جاب اللوطو ركبت انا ديمارا طريق كامل ساكت وانا ثاني اصلا معنديش وش نحكي معاه.هاي ليك الماكلة محطوطة لورا كولي_شبعت _منيش نشاور فيك قولتلك كولي وبلعيه_بلعو انت _مزالك برك تشركي في فمك محشمتيش _الحشمة خليتهالك ليك وحدك. خبط الفولا بيديه في زوج، ربك انت وش بغيتي عندي ذوك ناوية طرطڨيلي عرق باش يبرد قلبك انت متتسڨميش عيت صابر عليك وانت غير تزيدي تتفرعني شوفي مليح ياتريڨلي روحك يانبدل العقلية معاك ونوريلك وجهي الثاني ومننصحكش بيه لانو ابشع حاجة ممكن تشوفيها في حياتك لهذا اتقي شري خيرتلك وشدي عزرين فمك لانريبهولك _راني نترعد شوف يديا كيفاه خفت منك _خافي وزيدي لانو صبري بدا ينفذ. سكت خليتو اصلا تعبت من المشاكل نظل نعاند فيه وهو مرة يرد مرة يسكت وقبيل كي حرڨتلو دراهم وسكت مدارلي والو عرفتو بلي او صابر عليا وبزاف لانو لو واحد خلاف في بلاصتو او طيشني من البالكو بصح هو مدارهاش قالي كلش يتعوض دراهم تروح وتجي اهم شي راحتك مفهمتش علاه راهو يتعامل معايا هكا الشي الي نبغيه يجيبهولي ميبخلش عليا حقوقو سمح فيهم ويحوس غير على رضايتي ياترى هذا كامل ندم ولا حب، راسي تحرق ومبغيتش نخمم كثر من هك نهرب لنوم كيما عوايدي خير. فقت عليه ينوض فيا حاط صباعو على خدي ويمشي فيهم ستحليت لمستو لوكان لقيت ميحبسش خلاص، فتحت عينيا لقيتو قريب بزاف مني عينيا ديراكت راحو لفمو منعرف وش صرالي في اللحظة هذيك تشهيت نبوسو ومنبعدش عجبني لدرجة كبيرة يهبل خلاص خلاص مزية فاق وبعد عليا ولا راني تلحت عليه . وصلنا_ايه انزلي الليلة نباتو هنا وغدوا صباح نروحو ليهم _علاه _راح الحال اي لوحدة ذوك_معليش حبيت نسقسيك _تفضلي _الاوتال هذا صح تاعك_ايه تاعي ومكلاه تبداي تقولي وعرفتها ومجرم وووو، شريتو بدراهمي وتعبي ومعنديش غير هذا _يا قول والله _والله كلش تاعي وشريتو بعرق جبيني مننكرش بلي بابا هو الي عطاني راس المال وانا ستثمرتو وكي بديت نربح اول حاجة درتها رديتلو دراهمو لانو منحبش نكون مديون لاي شخص حتى ولو كان هاذ الشخص بابا، وبعد ماسلكت ديوناتي كملت نخدم ونستثمر دراهمي في حوانت واوتالات _الله يبارك ربي يزيدلك _يزيدلنا انا وياك واحد اي حاجة نملكها فهي ليك انت.  سكت ملقيتش وش نجاوب ديما يقتلني بكلامو هو بد مايقدر يحسن العلاقة بيناتنا وانا جامدة منعرف والو غيرالتطياح، نزلنا هو جاب الفاليزة ودخلنا نفس الاوتال الي فوتنا فيه ليلة عرسنا هههههه كي نتفكرها يجيني الضحك . طلعنا ودخلنا لنفس الشومبرة تاع هذاك النهار ونتابهت بلي فيها حوايجو _هذي تاعك انت ولا الي يجي يرقد فيها_كانت تاعي وحدي وذوك ولات تاعنا انا وياك ، انا منحب حتى واحد يتوشيلي حوايجي ولا يرقد على مخدتي ولا فراشي _ هاني انا نرقد على فراشك وديفوا ندي مخدتك_علاه انت غريبة عليا انت حبيبتي وعمري وقلبي وبنتي اي حاجة تاعي هي تاعك نظل نعاودلك فيها. العشية هذي قتلني بكلامو انا نسب وهو يرد بظرافة وفوقها مقيمني ويتمعشق. روحت بدلت قشي وحكمت بلاصتي نرقد خير لانو مخي تخربط ونخاف نخلط جدها ونندم من بعد لانو القرارات الي نظيهم في نص الليل ديما غالطة  .
#فريال