قدر مراهقة

الجزء 50

#قدر_مراهقة
الجزء 50
فقت الصباح على صوتو ينوض فيا ويا يما وشنو هذا صوتو شحال حنين لوكاننلقى يبقى ينوض فيا هكا والله مانوض، صوتو فيه بحة تهبل وزيد مع الصباح وجهدو ناض من رقاد من عند ربي يزيد يتبح كثر.درت ورايا لقيتو متكي على ذراعو ويلعب في شعري كي شافني فتحت عينيا نحا يدو وناض للحظة تمنيت لوكانبقا يلعب في شعري ومبعدش نحبو يكون قريب ليا وفي نفس الوقت نكرهو ومنحبش نبقى معاه في نفس لبلاصة شعور متناقض ، نوض خير لوكان نبقى نخمم هك راح نهبل وتخلاص عليا نقطع في قشي ونجري في رود. روحت غسلت وجهي وكي العادة مصارني رديتهم، نسمع فطبطيب راح يطير الباب ومجد يعيط وانا والو طاقتي كامل راحت فشلت بزاف وحا نطيح مزية كان عندو مفتاح دوبل حل الباب ودخل تخلع كي شافني عينيا مومر وتنفخو ووجهي صفر شعري واقف حاكم الريزو الي يشوفني يقول دات طريحة وانا هذا وين نضت مابيا والو شي عجب والله متكون غير لاڨريب حا تحكمني في الصيف هذا. شبيك ياك هذا وين نضتي لباس عليك وش صرالك _ والو . خرجت ديراكت لشومبرة نكركر في رجليا ونمشي على الحيط نخاف نطيح، قعدت على سرير الدوخة تدي فيا وتجيب وهو جا وقف فوق راسي. كيفاه هذي والو شوفي حالتك كيفاش رجعت تباني زي الزومبي الشعر مكشرد العينين منفخين الوجه صفر _ معجبتكش طلقني ياخويا وصاي وش دخلك في حالتي اه قول شادخلك_بلعي برك الغلطة مني انا الي كلب خفت عليك _الحمدلله ياربي كي عرفت روحك وش تسوا_ عمرك ماتتبدلي وديما تشركي في فمك بصح شوفي فيا مليح والله ثلاثا غير يجي نهار وندمك على طولة لسانك هذي ونعاود نريڨلك من اول وجديد _خوفتي ياماما اجريلي راح نموت من الخوف _ اتمسخري برك او قريب يجي نهارك ونخليك تبكي الدم_ نشوفوها _هيا ازربي لبسي قشك خلينا نروحو اصلا رانا تعطلنا بزاف عليهم في جرتك_علاه في جرتي وش درت انا _ مادرتي والو كنتي راقدة برك _هذا الرقاد ولحقتني ليه الاطيف وش راك حسود _كشما لقيتي واحد يحسد رزقو _نو مكاينش علاه وش دخل الرزق ذوك في هدرتنا _بغلة والله مزال مفهمتي _حاشاك لا انا بغلة لعود هذيك ختك _ بديتي ثاني فتشراك الفم نضحك معاك شوي نلقاك تحليتي بزاف وبديتي تخسري في الهدرة _صاي فهمني برك وش قصدك_رزقي هي انت حاجة تاعي هكا فهمتي ولا مزال يالحمارة_ عيب والله غير عيب وبزاف ثاني علاه عليك تسبني هك _تعلمت منك العفسة هذي _عيب راك كبير على الجياحة هذي _ربي يكبرنا في طاعتو هذا مانطلبو_آمين آمين ياعمو _عمو تاع ناناك الي يشوفك تقوليلي هك يقول فايتك بعشرين سنة وهوما غير 11سنة برك_وجاتك قليلة هاو راك كبير عليا بسنوات ضوئية _ههههه  ماماك وباباك شحال بيناتهم_علاه تحوس تفهم  مش حاجتك علاه انا مسقسيتش شحال في عمرك والديك  امالا اسكت ومعندو مدخلك في عمرهم _ياربي وش مسمومة يحكي معاك العبد تاكليه _للآسف مناكلش لحم الخنازير لانو حرام_ اقسم بالله العلي العظيم وتزيدي كلمة غير ندڨدڨلك عضامك عضمة عضمة اليوم _كي شغل خايفة_بلعي ر** بلعععععي كلمة منزيدش نسمعها رخفتلك بزاف وانت غير ماتتفرعني وطيري كل مرة ديري عفسة وانا غير نساعف نقول معليش طفلة صغيرة متعرفش وانت والو حيط متتعلميش وكل مايفوت الوقت تزيدي تطغاي. البسي قشك وهيا نروحو وصوتك منسمعوش لانو جنوني بداو يحضرو فلهذا اتقي شري خيرتلك.
#فريال