قدر مراهقة

الجزء 63

#قدر_مراهقة
الجزء 63
هو راح فيها خلاص وانا ثاني وليت في عالم ثاني. لاح يدو حا ينحيلي البيستي وانا تقول واحد سيح عليا بيدون ما مڨلاصي خلاني نفيق لواش راهو صاري انا كيفاه نقبل نخليه يقربلي ويبوسني ويحضني وفوق منها يعجنبي الحال ونتفاعل ونزيد ندومندي كثر من هك ، شكون انا وش راهو يصرا معايا علاه تبدلت لهاذ الدرجة بزاف كيفاه قدرت ننسى وش درلي كيفاااه ياك كنت نكرهو ونسبو ومنحملش نشوف وجهووذك راني كي الملهوفة عليه نظرة وحدة منو تذوبني ريحتو تسكرني عينيه يهبلوني ولا كي يبوسني نذوب وندخل لعالم خلاف مافيها والو لا حقد لا كره لا والو غيرانا وياه . دزيتو بيديا لزوج طاح على ظهرو ونضت نقطع في شعري ونخبط روحي بكلفوف ونبكي البكا الي مبكيتوش نهار غتا. صبني بكيتو الليلة هذي نبكي ونعيط ونشكيلو وهو مفهم والو _ انت دمرتني غتا.صبتني ذليتني ديتلي شرفي غدرتني وسختني وليت ق*** كيفي كيف الي يخدمو في الكباري وش الفرق بيني وبينهم ياك هوما يخدمو فلحرام وانا ثاني توسخت فلحرام _وش بيك وش الهدرة هذي ياك هذاوين كنتي لباس _ منيش لباس منيش لباااااس افهم كيفاه حانكون لباس وانا في الحالة هذي كيفاااه قولي فهمني وش من حالة تكونفيها وحدة خامجة كيفي او قلبي واجعني كل مانشوف في وجه ماما وبابا نحشم وقلبي يفسخ نحس موس داخل فيه وهو ينزف انا طيحتلهم قدرهم بين الناس ودنست شرفهم بابا الي طول عمرو يمشي وراسو مرفوع كامل يشهدو على اخلاقو واخلاق عائلتو جيت انا خمجت كلشوهذا كامل بسبابك انت يالخامج خمجتني معاك بصح نقول حسبي الله ونعم الوكيل فيك ربي يجيبهالك ان شاء الله توصل للموت ووقتها انا نبقى نتفرج فيك تعاني ونستفشى _يعني موتي حايريحك _لا مبغيتكش تموت بصح بغيتك تعاني باش قلبي يرتاح شوي (ومكنتش عارفة بلي دعائي في اللحظة هذيك كان مستجاب وصرا واش كنت متمنياتو يصير). نحكب ونتف في شعري ونخبط وجهي بلكفوف هو عيا يسيطر عليا ويهديني  وانا والو نطير وحدي نص شعري طيرتو ونعض في يدي من لاكريز الي حكمتني،  كي عيا يهديني ردلي يديا ورا ظهري وتكاني عندو بقيت نبكي دمعة وخنونة ونشهڨ ونمسح فيخنايني في تريكوه خمجتو (الكلب يستاهل اصلا التريكو مكانش عاحبني جا عليه يهبل خلي نخمجو باش يرميه مع هو يعاف بزاف لازم كلش نظيف)  . حضنو كان دوا ليا مجروحة منو وفي نفس الوقت بغيتو يحضني كارهاتو وحاباتو حاقدة عليه وغايضني حاسة بالتناقض حاجةداحلي تبغيه وعقلي يكرهو ونافرو ورافض وجودو. هو كان جلادي ومنقذي مرضي ودوايا هو الي دمرلي حياتي ونفسو الي بناها من جديد. ماحسبت على والو حضنو والدفئ الي نابع منو خلاوني نغطس في الرقاد ونهرب من الواقع.
#فريال