قدر مراهقة

الجزء 11

#قدر_مراهقة
الجزء 11
هز روحو وخرج يجري نسمع فصوت روض تاع اللوطو كي ديمارا، نطقت رنيم طريق السد الي تدي ماترد ربي يجيبهالك الرخيس الكلب المكبوت وبقات تسب وتعاير مخلات مابقاتلو كي خلصت باش فاقت بيا وجات _ميرال لباس اسمحيلي والله ماتوقعتو يدير هكا قالي جيبيها نحكي معاها برك ونتفاهمو مقاليش بلي راح يغلط معاك، تحكي وتبكي بالشهقة انا كي شغل مزالني فاللاوعي نشوف ومنيش نقدر نحكي، ميرال انطقي قولي كاش كلمة تعيشي متبقايش ساكتة عيطي ابكي احكي متخليهاش في قلبك تعيشي جابت نص ساعة وهي تحاول تنطقني وانا ساكتة كي يأست مني راحت جابتلي روبة من خزانتها ولبستهالي جات توقفني باش نروح لدوش مقدرتش رجليا فشلو ونحس بلحريق تحتي طحت على ركابيا هي خلعت وكي زادت شافت الدم هابط على سيقاني خلعت ورجعت تبكي ثاني الي يشوفها يقول هي الي راهي تتوجع ماشي انا الي نحس روحي خرجت وكي شغل مواس مرشوقين فيا. هزت تليفونها وعاودت عيطت لمجد تعيط وتعاود محبش يهز بعثتلو ميساج (تعيش ارواح ميرال راهي تنزف ومنعرفش وش نديرلها ازرب ارواح راهي غارقة في دمها)، مفاتتش دقيقة عيطلها شبيها وش صرالها احكي _راهي تنزف منعرف وش ندير تعيش ارواح نخاف تموت_لبسيها قشها ذوك نجي نديها منطولش، كوبات عليه وجابتلي عباية لبستهالي جات تنوضني مقدرتش رجليا يرجفو وطاقتي كامل راحت كنت شبه ديخانة جهدي كامل راح وانا نحاول نقاوم فالكلب وندافع على روحي وكل محاولاتي راحو فالهوا. ربع ساعة باش جا طلع ديراكت عندي كي شافني دمعو عينيه _اسمحيلي اسمحيلي والله ماكنت معول يصرا هكا كنت حاب نحكي معاك برك ونتفاهمو غرني الشيطان ودرتها بيك، يحكي وعينيه حومر دم من لبكا ايه يادنيا انا الي توخذت ودمرت حياتي مبكيتش وهو الي قضا عليا قاعد يبكي. هزني وجا هابط ورنيم من ورانا حطني فلوطو من ثم مافقت بوالو غير على سطر تحتي كي حليت عينيا نشوف في طبيبة تخيط فيا وش نقولكم الموت شفتها بين عينيا روحي خرجت حسيتها تخيط في قلبي بالرغم من المخدر بصح محكمش فيا بزاف، معيطت مابكيت حملت وسكت كي شغل عقاب ليا على سجاذتي وثقتي بالناس هكا عاقبت روحي ومازال نزيد نتعاقب ونعاقب الي ظلمني وغلط معايا ودمرني، كما تدين تدان والله ومنخرجهاش من عينيكم مانيش ميرال بنت ادريس&&&، اصبرو عليا برك وليام بيناتنا نوعدكم دمعة ماطيح من عيني حتى نرد حقي ونخليكم تبكيو الدم.
#فريال