قدر مراهقة

الجزء 06

#قدر_مراهقة
الجزء6
كملنا فطورنا بالضحك والتمسخير بعدها خاوتي وبابا خرجو كل واحد وين راح وماما بدات تعيط كي عوايدها هذا فطور تجيبو فيه ساعة هيا خفو كل وانت طيري تقراي _اوك مكلاه تبداي تعيطي والله شي نهار تنشلي لاقدر الله وتموتي وتخلينا _ايه يا كلبة تحوسي نموت باش تتهناي مني _بعيد الشر فيا ولا فيك انت الحب العشق بلا بيك منقدرش نعيش ونكمل حياتي ونضت بوستها على خدها وحضنتها_الله يبارك وش تعرفي تستغلي المواقف ليه ليه رديتي كلش لصالحك ورجعتي تبوسي وتتمحلسي عليا_والله غير انتوما تظلموني بزاف كي شفتوني نحبكم ونبوسكم ظهرت مصلحجية حرام عليكم _خلاص خلاص صدقتك، هيا روحي تقراي صحيتي مبقاش بزاف اتعبي السمانة هذي وارتاحي بعدها_اوكي عمري، دارت لختي نوضي ياالشاطرة ديري لغدا اتعلمي شوي راكي رايحة لدار الناس يعايروك ويقولو يماك معلماتك والو_ايه ماما صح قوليلها تتعلم فنيانة وش يبالها الزواج حب ورومانسية وتقلاش لا يااختاه راكي غالطة الزواج خدمة وتهنبير فنهار وفليل خدمة كبيرة تستناك وعذاب راح تتوحشي اليامات هذو الي ترقدي وقت ماتحبي _امشي من وجهي متحشميش راني ماماك ماشي صاحبتك _صاي راني رايحة اسلمى _لاحول ولا قوة الا بالله العلي العظيم اتحركي تتحكر بيد لرض ان شاء الله _باي حبي باي، قلتلها هكا وهربت علبالي تحكمني تسلخني على فمي المتبري مني. فاتت سمانة تجري ليه ليه وصل نهار الاحد راح نفوت الصباح نضت كيف عوايدي مشنفة لبست قشي فطرت وخرجت فت على رنيم وروحنا مع بعض كي لعادة روطار، فوتنا زوج مواد وخرجنا قبل الناس يبانو يجريو ورانا. مع نخرجو ونلقى الكلب هذاك متكي على لوطو تاعو ويكيل فيا من ساسي لراسي ويتخنزر مفهمتش وش جابو على العام هنا، هبطت راسي ومشيت ورنيم معايا مع نفوت عليه ويحكمني من يدي امالا انا كلب وع## ميشرفكش تكوني مرتي هكا _ايه هكا بعد ونزيدلك واحد بلا كرامة رفضتك ومازال تبع فيا من قبل قلتلك مبغيتش منحبش يااااو افهم انا معينيش فيك والزواج منيش حاطاتو في راسي _ايه زيدي فرغي قلبك مليح مليح هكا باش كي نكسرلك راسك يكون عندي سبب مقنع _روح تقود منخافكش خلاص طح##كيفك يخوفني نق$$ نقطة روجولة معندكش. رنيم تجبد فيا وانا والو نسب ونطيح مخليت ماقلتلو بردت قلبي وهو غير ساكت خلاني خلصت بردت قلبي وقالي معليش تعياي ونادمة على كل كلمة قولتيها وغير انا الي نديك حطيها في راسك مليح واشفاي على هاذ النهار وكل كلمة قولتيهالي راح ندفعك ثمنها غالي نخليك تبكي الدم _وش في يدك ديريو مش راح نخاف _معليش بيناتنا ليام. ركب لوطو تاعو وطار بيها ورينم تعيط عجبك الحال ذوك وعلاه تسبيه وعلاه كنتي فوتي وخليه علبالك راح يندمك عليها _كلب كيفو مش راح يخوفني _ايه معليش نهار يخليد تبكي الدم لثم وقولي عليه كلب_. وصح كان عند كلمتو وخلاني نبكي الدم ونعض صباعي ندامة ياريتني قفلت فمي ومسبيتوش ياريت مشيت وخليتو ياريت ياريت بصح نهار تطفر ويطيح الفاس في الراس معندها ماتنفع الندامة.
#فريال