قدر مراهقة

الجزء 62

#قدر_مراهقة
الجزء 62
_علاه _ علبالك بلي كان ناوي يتزوج بنت خالتو ويخليها وهي كي عرفت داتو للاوتال وقالت لصاحبتها تعيطلنا وتخبرنا بكلش انا مع لول مصدقتش وقولت غير سماح مديرهاش بصح كي روحت ولقيتها معاه تمنيت نهار هذاك لوكان مت ومشفتهاش بالوضع هذاك صاحبي عشيري مع ختي يخونو فيا ، علبالك صح شفتهم وبقيت نحاول نمكر الوضع وهيكي روحناها لدار نكرت وقالت بلي هو الي غتا. صبها وبقا يهددها اذا متروحش ليه او ينشر فوطواتها وهي كعاد خافت راحت ليه، لثم روحت ليه قتلتو بالضرب وش خسر عليا مدافعش على روحو خلاني فرغت غشي وورالي فوطواتهم مع بعض في كل بلاصة وكاين فوطوات كارثية هي في حجرو وتبوس فيه و..  افففففف ياربي اففففف كي نتفكر نحب نقتلها بيديا زوج الكلبة غلطت بزاف وهكاك مزا لعندها وجه تقابل بيه الناس وردت اللوم علينا قالت لبابا انت الي خليتني على هوايا عليها غلطت هك ومديتلي الحرية _بصح باباك وش دخلو هو مدلها حريتها وهي كبيرة تعرف صلاحها _اي ملي كانت صغيرة جامي تحملت ثمن اغلاطها ديما ترد اللوم على غيرها الكلية انانية تحب غير روحها كانت مستعدة تفضح عائلتنا برك باش تزوجو _ ربي يهديها متقلقش روحك _ ندمت كي جيت لهنا غدوا نروحو لدارنا لانو لوكان نزيد دقيقة هنا نقتلها ونشر بدمها _اوك براحتك اي حڨا تفكرت حاجة اذا ممكن _ وش بغيتي _رنيم حبت تروح معانا اذا معندكش مانع نديوها تقعد يامات ومنها تونسني انت ذوك ترجع تخدم وانا نبقى وحدي _ايه في مليحة كنت حانقولك نديوها من بعد خفت تتقلقي منها _ لا علاه نتقلق منها _انا قولت علاقتكم مزالها متوترة _لا تصلحت خلاص _ مليح فرحتيني هيا ارقدي غدوا عندنا طريق طويل ولازم نفوتو نشريو شوي حوايج لدار بسلامتك فزدتي كلش ماخليتي حتى حاجة تصلح كنعت غير لخزانة _عادي اصلا معجبنيش اللون لكحل _غدوا نروحو وخيري اللون الي يعجبك _اوك. بقيت نتلوى وندور عيت نرقد قلقت وخصتني حاجة مش عارفتها وشنو هي، طليت عليه لقيتو مغمض عينيه قربت ليه وحطيت يدي على شعرو ونمشي فيها عجبني هبلت عليه ماحسيت غير بيه جرني وجابني فوقو فمي جا قريب لقمو بدون مقدمات تلاح يبوس فيا انا جمدت وتشوكيت مكنتش متوقعة الحركة هذي منو وفي نفس الوقت ستحليتها تقول هذا الشي الي كان ناقصني ، حط يدو على ظهري ولوخرا على رقبتي شدني بيها جيت نبعد مخلانيش بقا مزير ويدو تلعب على ظهري وتهبط لمساتو جريئة بزاف ، بقيت نفرفط لين يديه قلبني على ظهري وطلع فوقي حط راسو في رقبتي وباسني منها فشلت خلاص نفسو سخون يضرب في رقبتي تبورشت منو قعد يطبع في بوسات على رقبتي نحالي تريكو بقيت بالبيستي هبط جيهة منو وتلاح يبوس في صدري شبع بوس وذوبني وليت زي الزبدة بين يديه احساس جديد نعيشو من جيهة خوفي منو ومن الي صرالي المرة الي فاتت ومن جيهة تشهيتو بزاف اليامات نحس حاجة داخلي بغاتو وهي الي تجبدني ليه وتخليني نذوب بين يديه.
#فريال