قدر مراهقة

الجزء 84

#قدر_مراهقة
الجزء 84
فليل جا مجد ومعاه وائل جابو لعشا من برا رنيم محبتش تخرج قدامهم لانها حشمت وخافت يعرف مجد وش صرا وتكبر لحكاية وميقبلوش يمدوهالو الكلبة تحوس غير على زواج مكبوتة ظهرت تاع صح طايحة فيه طيحة الاعمى في البير . تعشاو هتما مع بعض وانا ديت لشومبرة وتعشيت معاها محبيتش نقعد مع وائل بعد الشي الي صرا اليوم وكي ضربتو بالمقلة حشمت منو . هوما كملو قصرتهم وانا تكيت قدام رنيم ورقدت ولا نقولو دخلت في غيبوبة. فاتت سمانتين فوتهم في سراط لقيا من جيهة والدوخات وزدت كرهت ماكلة الدار ورجعت سمينة بقرة حتى من دوارة خرجتلي وتبان من لبعيد قلقت خلاص وكرهت حياتي معاناة ومجد وين مايدخل يلقاني في حالة يقعد معايا حتى نرقد هو يديني لدوش ويجبلي ناكل يمشطلي شعري بقا غير تدواش مخليتوش يدوشني نحشم منو وكي زدت سمنت صاي من سابع المستحيلات نخليه يشوفني بهذيك الكرش الخارجة الي تبخص. فهاذ الفترة الي فاتت روحنا رنيم وحضرنا خطبتها هي ووائل وقبل كلش كي روحت دارت حجاب شرعي وتفاهمو بعد شهر يديرو الفاتحة وبعد 3 شهر ولا 4يديرو العرس لانو ماما قالتلهم لازم نديرو عرس أسيل ونتهناو. فقت الصباح كيف العادة ديخانة نمشي ونترامى فت دوشت بطلعو الروح، كي خرجت طيشت روحي فوق سرير فشلت يدي مش قادرة نحركها ، دخل عليا مجد لقاني شبه ديخانة ماحكا معايا ماوابو راح لخزانتي جبد حجابي وجا لبسهولي انا مقدرتش نرفض ولا نتعافر معاه. جابلي بشماقي لبسهولي ورفدني بين يديه ، علبالي حايديني لطبيب لانو طول هاذ الفترة يجي يديني وانا نقولو لا منحبش السبيطارات. وصلنا قدام لاكلينيك بريفي كي قريت الاسم عرفتو تاع صاحبو. هزني وهبطني الناس كامل تشوف فينا تقول رانا نديرو فحاجة تاع عيب ولا (هذي هي طبيعة الشعب تاعنا يظل يعس في ناس وعيوبهم ومخلي عيوبو). فوتنا ديراكت للبيرو تاع طبيبة طبطب فتحتلو سلام سلام وش حوالك فوت حطها كنت نستنى فيكم حطني وراح قعد فوق الكرسي مقابلني من لهيت. جات الطبيبة تسقسي فيا وش بيك وش تحسي قداش عندك وانت بالحالة هذي وانا جاوبتها. والي حبسلي راسي طول كي سقساتني على آخر مرة جاتني فيها مدام غوج عجزت نجاوبها اصلا وش دخلها في مرضي وزيد منيش شافية خلاص على اخر مرة جاتني فيها لتيت مع المشاكل ونسيتها ( راح تقولولي كيفاه تقدري تنساي حاجة كيف هذي وهي مهمة بزاف علبالي متصدقونيش بصح والله غير نسيتها طول عمري منحسبلهاش كي نحس بالسطر نعرف بلي جاتني) عندي بزاف _ شحال هكاك _ والله ماني شافية. طلعتلي الحجاب وجابت الايكو هذاك ولا منعرف وش اسمو وحطتلي الحال هذاك على كرشي وبقات تمشي فيه وتشوف وتتآكد جابت شي 10دقايق وهي تشوف من بعد مدتلي بابي وراحت للبيرو تاعها.
#فريال