قدر مراهقة

الجزء 41

#قدر_مراهقة
الجزء 41
هو ناض راح لدوش يتوضا وانا لميت الطابلة ورميت لبايط فلابوبال وروحت لشومبرة تكيت على سرير ودخلت في غيبوبتي حتى الصلاة ومصليتش ربي يغفرلي وفرات تعبت بزاف وعجزت نوض البارح واليوم مصليتش ركعة غدوا نقضيهم كامل. فقت الصباح نحس بحاجة ثقيلة فوق صدري ويد محطوطة تحت رقبتي حليت عينيا نلقى الكلب تاع مجد حاط راسو فوقي ورجليه فوق رجليا يبان مكبلني عيت نتحرك قعدت ندز فيه والو يبان فيل راقد فوقي، كي يآست منو حكمتو من شعرو ونجبد فيه ناض مخلوع هز راسو لقاني نشوف معاه _شبيه قسامك على صباح ربي وش كلبتي _بعد برك عليا خليني راك غميتني يبان عجل راقد فوقي مش عبد وش تاكل برك حتى ثقلت هك _خمسة في عينيك حاسدتني على صحتي _منحسدك والو بعد برك عليا يافيل تظل تبلع عليها ثقلت هك عشر رجال ميهزوكش_بصحتي وربي يزدلي هكا باش نقدر نهزك  يابقرة تظلي تبلعي وانت زي المطرق تاع شوا منعرف وين تروح الماكلة الي تاكليها_تروح لنعيك حاسدني على شويتح ماكلة كليتها _لا مش قضية حاسدك كولي حتى تشبعي بصحتك عمري _منيش عمرك متبقاش تقولي هك_وش نقولك عينيا _عينيك ام لاصقين في وجهك_قلبي _او عندك _لا مش عندي قلبي راو عندك ملكتيه وتربعتي على عرشو _نوض برك بزايد ماتخرط _يجي نهار وترجعي تعشقي الكلمات هذو الي راكي تقولي عليهم خرطي وتستناي فيا نقولهملك _بعيد الشر لا نستناك تقولي حبي وعمري ونمي. خبطني بيدو على فمي _رب الكلمة هذي متزيديش تعاوديها سمعتي مكيش راجل حتى طيحي هك _بعد بعد على قسامي كلب رخيس تضرب فيا حڨار كي شفت دارنا بعاد قولت نحڨرها ماعندها ماديرلي. بقا يحكم فيا وانا نطير ونزعبت تحتو _اهداي اربك احبسي بزايدي من تفرفيط _بعد برك والله منقعدها عندك ياكلب حڨار تستقوا على نسا بصح والله ماصرات مش انا الي نتضرب ونسكت... بعد خنقتني بععععد خليني نروح لماما _ابكي خير_ناناك الي ي بعد نروح لدارنا وهاي ليك اقعد فيها وحدك _احلمي احلمي لانخليك تروحي ليهم _رايحة بالسيف عليك_تفوتي عتبة الباب وتخرجي تشوفي وجهي الثاني_للحظة تفكرت دارو الي كلش فيها كحل خفت من الي جا في بالي. ناض من فوقي وانا رحت  نجري لدوش الكلب حڨار اصبر لوكان منربيكش ونوريلك كيفاه تضربني لفمي انت بديت لول انا كنت عاقلة مدرت والو بصح انت مركحتش من اليوم بدات الحرب بيناتنا ونشوفو شكون يربح بصح اول حاجة لازم نتأكد من شكوكي ونعرف السر ورا اللون لكحل الي مسيطر على حياتو وحتى كي كان يجي لليسي وين كنت نقرا يلبس غير لكحل، نتمنى برك ميكونش صحيح تخمامي لثم نكون حصلت معاه حصلة كبيرة ومستحيل نتفك منو وراح نبقى مربوطة باسمو طول عمري.
#فريال