قدر مراهقة

الجزء 55

#قدر_مراهقة
الجزء 55
لغدوا منو نضنا الصباح وجدنا رواحنا ورحنا لدار عمو لكبير ديجا اي قدامهم بعد كامل ساكنين في نفس الكارتي عمامو وخاوتو وولاد عماماو. تغدينا عندو ولعشية رحنا لعمو الصغير وهكا فاتو 10ايام وحنا من دار لدار ها عمو هاخوه خالتو خالو عمتو ولد عمو كامل عرضونا وروحنا ليهم عرام الله يبارك وكامل متفاهمين مع بعض، في الفترة هذي علاقتي انا ومجد مريڨلة بزاف اصلا منقعدوش مع بعض حتى نتقابضو من صباح لليل وحنا برا نروحو نرقدو وصاي وانا لميت شوي لساني لانو مش من مصلحتي ندير مشاكل قدام لفامي تاعهم ويبقاو ديما يعايروني بيها وشادينهالي.اليوم كامل تلمو عند لعجوز تغدينا مع بعض خاوت مجد ونساهم وولادهم وخواتاتو كامل تمينا لانو غدوا حانرجعو لدارنا انا ومجد. درنا لغدا مع بعض تغدينا قعدنا نقصرو والله غاية خواتاتو يبهلو نرجس ونيدال ومرام غير سماح ثقيلة تقتل بالكوكا ونتفوتش تعيف وهازة شنايفها وتتخنز فيا نبان قتلتها ليماها (نعرفكم شوي على خواتاتو كاينة نرجس لكبيرة 34سنة عندها زوج ولاد وطفلة ايوب5سنين وانيس3سنين وأميرة4شهر، مرام 30سنة عندها طفل3سنين وطفلة سلسبيل عامين ، سماح السامطة 27سنة عندها زوج بنات وزوج ولاد لارا واروى وساجد ويعقوب الصغير عندو عام) وكاين نسا خاوتو عرام عيت نحفظهم بصح كامل يهبلو عسل مقطر غير سماح. لحق وقت لعشا تعاونو لكبار وجدوه محبوش يخليوني نعاونهم قالولي جديدة وخلي مكلاه بصح انا رفضت ونضت نعاونهم لانو سماح هذيك تتخنزر وتقولهم خلوها تخدم وش يبالها الزواج غير رقاد وتحواس، خليتها تنبح وحدها ودخلت عاونتهم خلصنا وجدنا الطابلة وحطينا ناكلو الرجال وحدهم ونسا وحدهم ولولاد الصغار ثاني درنالهم وحدهم نبانو في عرس تالمو بزاف الله يبارك ربي يدوم لمتنا والله تهبل يوم فات هايل. كملنا عشانا لمينا لماعن تعاونا غسلناهم وفزرنا وسيقنا الكوزينة، روحنا لصالة تلمينا كامل قصرنا وانا ملي قعدت عيني على مجد وعلى فمو كيفاه يتحرك كي يهدر قعدت غير متبعاتو هو شافني بلي نخزر فيه وضحك خلاني نبان حاناكلو. واحد ماكان متولهلنا غير سماح ملي قعدت وهي متبعتني بعينيها حاتاكلني. قلقتني قولتلهم تصبحو على خير وخرجت لوكان نقعد ندير فضيحة منعرف وش بيا اليامات هذو كلبت تاع الصح نظل نشوف معاه ونشم في ريحتو ولاتلي ادمان. طلعت في دروج حسيت بواحد ورايا كي درت لقيتو مجد تقابلت معاه وجهي قدام وجهو كعاد في الدروج جيت ڨدو في لحظة احاسيسي ومشاعري تخلطت في بعضها ريحتو ليدخلت خشمي استحليتها انفاسو ليكانت مسموعة كعاد قريب مني هو كانو عينيه مركزين فيا بلا مايرمشهم مافقتش بروحي كيفاه ضعفت قدامو وتلحت ليه بستو ولا نقولو حطيت فمي على فمو برك لانو منعرفش نبوس، استسلمت ليه وحاربت عزة نفسي وكرامتي وجربت حاجة عندي شحال وانا متشهيتها وحابة نجربها. هو استغل الفرصة ثم ثم حكمني من شعري وجبدني ليه كتر ولصقني فالحيط وبادلني البوسة ولا نقولو هو الي يبوس انا جامدة قدامو منعرف والو غمضت عينيا بغيت نستمتع  بهاذ الشعور. كانت أول بوسة لينا ذوبتني وخلاتني نفشل لوكان مزربش حط يدو على مسلاني راني طحت ، اليوم وين جربت اول بوسة وحسيت بطعم الحلال ويا شحال يهبل لوكان نلقى ميبعدش خلاص ونبقاو هك . مافقناش برواحنا غير كيسمعنا صوت عياط وحدة تقول اجريو تشوفو الخامجين وش راهم يديرو تقول ماعندهم دار الله يمسخكم يما بابا اجريو تشوفو ولدكم المدلل وش راهو يدير.
#فريال