قدر مراهقة

الجزء 38

#قدر_مراهقة
الجزء 38
كملتلي شوي هك دخلت ختو لكبيرة سماح تسلم عليها وتحضن ظهرو صحابات وانا نقول علاه مشنفة وتبرڨڨ. هوما خرجو وانا لبست غوب صواري فالاورونج جاية من لفوق مزيرة ومن بعد لارج وبكتف واحد سامبل خلاص اصلا هذا هو ستيل تاعي منحبش حاجة شارجي بزاف، لبست صندال تاعي وخرجت مع رنيم كامل يزغرتو عليا واكثر وحدة فرحتلي صح خالتو لكبيرة وجداتو. روحت قعدت معاهم وتعرفت على بنات خالاتو وخوالو كاين لملاح وكاين الي متكبرين اما بنات عماتو بزاف عيت نلحق نتعرف عليهم يجي نهار ونتعرف عليهم راهم في جيش عرام كثر من تاوعنا. شوي هك جاو دارنا نسمع فالبارود وزغاريت نشوف في ريتال جات تجري عندي رفدتها حضنتني وتبكي وتبوس تقول عندها عام ماشافتني، لحقت ماما وختي وخالاتي وعماتي ونسا عمومي وخوالي جداتي كامل جاو سلمت عليهم وريتال لاصقة فيا محبتش تنزل قعدت معاهم ماما سقساتني كيفاه فاتت ليلتي محشمت منها ماوالو اصلا ملي كنت وجهي مقزدر، فاتت هايلة تهبل وش نقول روعة لوكان علبالي بلي الزواح هك راني تزوجت من سنين منستناش للوقت هذا_اسكتي فضحتينا احشمي شوي راني يماك عيب تقوليلي هك_اي انت سقسيتيني كيفاه فاتت ليلتي وانا قولتلك بلي اجمل ليلة بالنسبة ليا_نطقت اسيل ايه روعة مام انا لازم نزوج في اسرع وقت نتمتع شوي_ياربي صبرني على لمهابل هذو لا حشمة لا حيا. سكتنا شوي هك ناضو خالاتي وماما يوجدو لغدا ويحطو (جابو كلش لغدا والقهوة هكا عاداتنا) حطولهم ياكلو ومن بعد كي كملو زادو شطحو شوي انا نوضوني نشطح روبلتها انا ورنيم مقعدناش طول حتى وجعوني رجليا من الشطيح باش قعدت وسماح الكلبة قاعدة غير تكيل فيا من لتحت للفوق وتقلب في شنايفها شنايف لفروطوار. خطولنا قهوة وضيافتها بالطبع والشان دارولي كلش مخلاو ماجابو، دخل ولد خوه يجي هكاك11سنة حزملي بالمحزمة تاع ذهب وسلم عليا مديلتو كادو وخرج شوي هك روحو دارنا مبكيتش عليهم خلاص ودعتهم وزدت سلمت على خاوتي وبابا.حتى من لفامي تاع لعجوز روحو بقاو غير بناتهم وختها الي جات للخطبة وعمتو وحدة وجداتو الباقي تفركت. دخلت نحيت لمحزمة هذيك وروحت نرجعها ليماه، خالتي هاكي _هذاك نهار وش تفاهمنا تولي تعيطيلي _ااا نسيت هاكي ماما_هاذي احكميها عندك _علاه وش ندير بيها_هذي تاعك _منيش جاتني _شوفي بنتي انا كل عروس دخلت لداري نديرلها محزمة تاع ذهب في الصبوحي تاعها كادو _كثر خيرك ماما بصح منقدرش نحكمها _اعتبريها كادو من ماماك واقبليه_شكرا حضنتها وبستها على راسها لمرا هذي حنينة تقتل متبانش ام الكلب هذاك.نطقت سماح _المحزمة تتمد لعروس الجديدة في الصبوحي تاعها كي يدخل عليها راجلها مش تتمد لوحدة راجلها مامبا متوشهاش ولا توشاها ولقاها طريق لوتوروت انا من الشوك مقلت والو بقيت ساكتة طارت فيها رنيم تسب وتعاير يالغيارة الكلبة ياالي متحشكيش قليلة لحيا.
#فريال