قدر مراهقة

الجزء 33

#قدر_مراهقة
الجزء 33
وصلنا للاوتال نزل ونزل لفاليزة مدها لراجها دخلها وجا عاوني هبطت كي طلعت راسي وشفت وين جابني تخلعت لانو لقيتو كامل مزين من برا ومكتوب مبروك الزواج انا حسبت كاش واحد دار عرسو هنا بصح طي دخلت لداخل ليقت الورد والحالة مزينة والموظفين كامل واقفين يستناو فيه يبان كش وزير وهو غير كلب مجروب. فات سلم عليهم وباركولو كاين واحد الراجل لثم يجي هكاك في الخمسينات يضحك معاه قالو درت كيما قولتلي بعد ياك عجبك _ايه غاية اسمحلي عمي تعبتك معايا_هذا واجبي درت خدمتي وفرات وانت المدير اي حاجة تطلبها لازم تتنفذ_لا حاشا عمي متقولش هكا_المهم هاو المفتاح انا ذوك نروح لا تقلتني المدام_ههههه ايه روح باي. جا عاوني طلعنا فالاسانسير مام هو لقيتو مزين بالورد، طلعنا للايتاج السادس فتنا لشومبرة لقينا الراجل يستنى فينا، فتح الباب ودخلت الصراحة عجبتني وبزاف كلش فلحمر ولبيض النفايخات والورد فكل بلاصة الشموع منظر رومانسي بامتياز اما معايا انا مش راح يقدر يتهنى بيه.وش عجبك الديكور_تاعمن الاوتال هذا _تاعي_امممم _اذا معجبكش نبدلوه _لا عادي مليح مولاه الي مش عاجبني وحابة نجيفو_الله غالب منقدرش نبدل مولاه _انت متقدرش بصك انا نقدر نبدلو_ميرااال شوفي شهر وانا متحمل هبالك وطول لسانك وساكت نقول خليها تحكي وش تحب وتفرغ قلبها راك انت الغالط بصح توصل بيك تقوليلي نبدلك بواحد خلاف هذي منقبلهاش وراني حاكم روحي عليك باش منسلخكش الليلة_قيضني تراه لوكان منلمش الناس عليك، بدا يقرب ليا وانا نرجع للور حتى حكمني من يدي وجبدني ليه، راسي جا عند صدرو حضني بزوج يدين وانا نحاول ندز فيه بصح هو كي اللصقة محبش يطلقني _اشششت خليك هكا _بعد برك عليا _منبعدش خليك عندي شوي _منحبش بعد عليا ياك قولتلك متوشينيش اخطيني بعد بعععد عليا، باسني على راسي وطلقني بعدت نرجف خفت منو يعاود الشي الي دارو فيا هذاك النهار والله نقتلو ونقتل روحي، هو صك قربو عجبني وريحتو تهبل لوكان غير بقا محضني بصح كرامتي فوق كلش ومستحيل نضعف قدامو ونخليه يوصل لواش حاب كلش كلش وكبريائي وكرامتي على جالهم نتخلى على كلش. ندخل ذوك ندوش ومن بعد ادخلي انت باش نصليو_روح برك ومطولش راني تعبت نحب نرقد _ليلة عرسك ورايحة ترقدي_علاه وش بغيت ندير نشطح ياك الشي الي لازم يتندار الليلة انت درتو قبل امالا نروحو نرقدو خير _ لوكان متفزديش اللحظة تموتي _نطرطق لوكان منقلقكش_وتفرحي كي تقلقيني_ماشي غير نفرح _امالا قلقيني كيما تحبني انا الي يهمني فرحتك_روح برك رام الحال نحب نرقد انا. دخل دوش 10دقايق خرج مطولش بزاف مش كيما انا نجيب سوايع، خرج لابس سيرفات وتريكو تاعها جا يهبل مع شعرو مشمخ هابط شوي على عينيه بقيت نشوف معاه للحظة جيت نروح نعضو لانو غرت منو وبزاف، ادخلي تدوشي ذوك _ايه راني رايحة.
#فريال