قدر مراهقة

الجزء 65

#قدر_مراهقة
الجزء 65
انا قاعدة فوق السرير والباب يطبطب روحت فتحتو لقيتها ختو نرجس ومعاها مرام جابولي بلا تاع لفطور _صباح الخير _صباح النور _كي شفناك مهبطتيش طلعنالك لفطور هنا خير وعلى حساب لبستك راكم رايحين _ ايه مجد قالي نروحو اليوم ، فوتو اقعدو معايا. فاتو حطو البلا فوق الطابلة وقعدو فوق الفوتاي وانا دراوني في نصهم طلبو مني السماح مع انو هو حاطين وهكذاك وطلبوه لبنات هذو يهبلو يهبلو ربي يحفظهم صح منعرفهمش مليح بصح قلبي رتاحلهم ومن قبل رنيم ديما تشكر فيهم وجامي لا حكات على سماح تقول ماهي بنت عمها وكامل يتجنبو يحكيو عليها لانها مسمامة وتاع مشاكل. قدت فطرت كليت حتى شبعت ولبنات يشايخو قعدو شوي كي جا مجد خرجو على حسب ماشفت يحتارموه بزاف ويحشمو منو وهو قل منهم . واجدة _ ايه واجدة _علبالك وش راهمي قولو علينا لتحت ولينا حديث الساعة _علاه وش درنا _ سماح قالتلهم كامل بلي انت مكبوتة وتضلي لاصقة فيا وتبوسي عليها انا هابل عليك ومنخلي حتى واحد يقيسك يالوكان بكلمة _اويلي وشنو هذا والله غير عيب عليها وش البخصة هذي _ الناس كامل حاسدتنا يشوفو غير للمظاهر لوكان يعرفو الحقيقة يوليو يشفقو علينا وبالأخص انا _ علاه يشفقو علينا شبينا حنا وانت وش خصك راك لباس كي الحلوف لبراري _ حاكمني الجفاف العاطفي وريقي نشف ومع الصيف هذا خلات عليا _ مفهمتش قصدك _ متفهميش خير هيا خلينا نروحو رنيم اي لتحت تستنى فينا _ ايه هيا راح الحال . هبطتنا لتحت ودعناهم يماه طلبت مني سماح وحشمانة بزاف عمايل بنتها خلاوها مترفدش راسها هي والله متستاهل عاقلة وحنينة. خرجنا هو رفد الفاليزة وانا من وراه لقيت رنيم راكبة من لور نزلت سلمت عليا وكي عوايدها ماتجي تطلڨني بشق النفس روحي نحسها حاتخرج مني وفي فمها نفس الجملة اسمحيلي مكنتش معولة هك ومقصديش _ معليش كلش فات _سامحتيني من قلبك ياك _ايه هيا برك كي نوصلو لدار ونحكيو مليح مليح ونتفاهمو على كلش ونصفيو حساباتنا. ركبنا ديمارا ديراكسيو دارنا ، في طريق حبس جابلنا لغدا وكملنا وصلنا جوايه 12 كان حايدينا لدار نحطو قشنا ومن بعد نرجعو نشريو لحوايج رفضت انا وقولتلو نروحو نشريو خير نتهناو منهم .
#فريال