قدر مراهقة

الجزء 40

#قدر_مراهقة
الجزء 40
دخل من ورايا خلعني حتى تخطفت من بلاصتي لانو هو كي يمشي ميديرش الحس ومتفيقيلوش مش كيفي انا نحط خطوة وحدة كامل يسمعوني، باسم الله الرحمن الرحيم دير شوي صوت باش متخلعش الناس الي معاك_هذا يوم كبير ميرال كامل خافة ظهرتي فيك غير الفم وكي توصل للصح مكان والو خوافة كبيرة تزيدي شوي ديريها تحتك _ناناك الخوافة انت متعرفنيش مليح عليها تحكي هك_نعرفك ونعرف كل صغيرة وكبيرة عليك_شكون قالهملك_عندي مصادري الخاصة وهوما خبروني بكلش _اويلي متقوليش برك انت مشعوذ ايما ارواحي طلي عليا ديت سحار يخدم بجنون توخذت في عمري ذوك يسحرني ولا يمدني قربان لجنون تاوعو ولا يشرب دمي. طحت فلرض نندب على زهري الحلوف الي طيحني فالسحار ظهر صح شيطان ميتعاشرش وانا الي كنت نسب فيه ونطيحلو وهو غير ساكتة كان يستنى فنهار يكتمل القمر ويقدمني لجنونو باش يعاونوه ولا يمدولو القوة باش يزيد يعيش 100سنة اخرى ولا باش متبانش علامات الشيخوخة عليه. كملتي النديب تاعك ولا مزال _بعد برك عليا ياسحار مشعوذ _هههههه حبسي المسلسلات الهندية لانو اثرو على حبة القهوة الي في راسك_وشنو حاشاك اذا عندي حبة قهوة في راسي او عندي مخ في راسي مخ خير من تاعك يالحمار _بديتي تتحلي بزاف ايا لمي كرعيك لا نس. لخك الليلة _حڨار كي شفتني ولية وضعيفة وبعيدة على والديا جبتني لولاية منعرف فيها والو قررت تضربني لهيت مدرتهاش لانو كنت تخاف من خاوتي وبابا وذوك تفرعنت عليا والله وتضربني غير نشكي بيك نلم الناس عليك ونديرلك فضيحة. جا يقدم يوقفني عيطت  بعد بعد عليا خلاص يالمشعوذ _بلعي ر* فمك ونوضي تتعشاي_اخرج خليني نبدل قشي _متخافيش مش راح ناكلك انا نحب اللحم مش لعظم كيفك _بعدني برك. هو خرج وانا بدلت قشي لبست بيجامة وقولت غدوا نفرز جهازي كلش محطوط لازملي يومين باش نكمل مع انا كسولة خلات عليا. خرجت غسلت يديا وفت للكوزينة لقيتو حاط لعشا ويستنى فيا(جاب زوج طاكوس وبيتزا وزوج همبرغر وقرعة كوكا كبيرة علبالو نخلصها كامل) ، بدينا ناكلو في سكات هو خلص قبلي ومتوشاش البيتزا. انا بقيت ناكل حتى خلصت كلش مخليت والو الي يشوفني هك يقول خارجة من عام الشر وانا الصباح برك ضربت شبعة. قعد غير يشوف فيا مخلوع انا وتخلعت في روحي لانو جامي كليت هكا موالفة ننقب برك. غير الخير وش خصك_خصيتيني انت حاب ناكلك_كول نعيك _بديتي ثاني وكتاه تعدلي فمك وتخلينا نحكيو كي الناس العادية_نهار تولي انسان عادي ومش مشعوذ لثم نحكيو كيف الناس الطبيعية بصح مدامك سحار فمستحيل نتفاهمو_شكون قالك بلي انا سحار _ها باينة دارك كامل كحلة وكي نسبك تسكت مديرلي والو تستنى الوقت المناسب باش تمدني قربان لجنون وتربح خدماتهم _ ربي يهديك ابنتي انا ساكتلك لانو مش حاب نحط يدي عليك لانو يدي ثقيلة نهار نحطها عليك ندخلك لسبيطار _برررر نعيك لوكان تحط يدك عليا والله منزيد دقيقة عندك نوض ونخليك وخليها تخلى ميهمنيش انا لبلاصة الي نتضرب فيها نوض منها ومنرجعش _شدي فمك نشد يدي_منشدوش وجرب تشو تضربني لوكان منخليكش تجري ورايا وتحلل باش نرجعلك_ڨد مانقدر راني نحكم في روحي بصح منضمنلكش نقدر نزيد نصبر كثر ونحمل هبالك يجي نهار وين ندير فيك يدي ونوصلك للموت، وصح كان عند كلامو ووصلني للموت بقات بيني وبينها شعرة صغيرة وكيف العادة دايما انا الغالطة وهو مظلوم ضحية غضبو.
#فريال