قدر مراهقة

الجزء 85

#قدر_مراهقة
الجزء 85
مسحت كرشي وعدلت قشي ولحقتها قعدت قدام مجد الي باين من وجهو خايف عليا بزاف، وش عندها ياك لباس _ ايه لباس في زوج _ وش قصدك في زوج _ المدام ميرال والبيبي راهم لباس ولا نقولو هي وبنتها راهم لباس والدوخات الي تحس بيهم هذو نتيجة الحمل وباين بلي وحمها جا صعيب ومع لخر راح نكتبلها فيتامينات تشربهم وشوي دواوات يساعدوها. هي تحكي وانا مشوكية نضت وقفت وعيطت قولتلها تاعش الحمل هذا ووش من طفلة وش راكي تخرطي انت منين حاتجيني الطفلة هذي _ وش السؤال هذا باين منين حاتجي بما أنك متزوجة فشي طبيعي تجيبي ولاد الا اذا كنتي مدايرة احتياطاتك وهكاك وممكن يحدث الحمل. نطق مجد قالها شحال عمرو البيبي _ 15اسبوع  بقالها سمانة وتقفل 4شهر . معليش رفد الورقة وحكملي يدي وجرجرني من وراه كلمة ماقالها انا مزال مشوكية وحايرة وش الي صرا منين جا البيبي هذا كيفاه وش المصيبة هذي الي طاحت على راسي وكيفاه ذوك انا هازة بيبي في كرشي منين جا ونتيجة واش نتيجة الاغت. صاب في الوقت الي قولت فيه بلي كلش تسڨم وراح نبدا من جديد خرجتلي المصيبة هذي وحصلت فيها. مافقت غير كي قالي اهبطي رانا وصلنا طلعت راسي لقيتو مڨاري قدام دارنا هبطت بلا مانقول حتى كلمة وهو ورايا، دخلت نحيت حجابي وقعدت فوق السرير طاح عليا واحد الهدوء انا وحرت في روحي منين جا الفوضى الي في راسي ومع الدوخات خلاوني هادئة. هربت كيف عوايدي لرقاد لعلى وعسى يكون الشي الي سمعتو اليوم كابوس وكي نوض راح يروح، فقت على صوت الآذان كي شفت الساعة عرفتو العشاء نضت توضيت صليت ورجعت قعدت نخمم ونتفكر وش صرا اليوم كي شغل حلم وانا فقت منو. دخل مجد حط صاشي تاع دوا وجا قعد قدامي حكملي يديا في زوج _ علبالي وش حانقول ذوك كامل مش راح يغير والو بصح صدقيني غير ندمت على وش درت فيك ومكنتش ناوي نغلط هاذ الغلطة واذا حابة تحاسبيني راني جاهز بصح بنتنا خليها بعيدة على مشاكلنا ومتآذيهاي معندها حتى ذنب مزالها لحمة صغيرة وراهي تكبر بالشوي في كرشك، انا كي شغل فهمت ومفهمتش قولتلو يعني الشي الي شفتو وسمعتو كان حقيقة البيبي كاين في كرشي يعني ذوك انا هازة بيبي هنا وحطيت يدي على كرشيو، هو الفرحة باينة من عينيه ضحك وقالي هيه بنتنا راهي في كرشك تكبر بالشوي ، مع جا يحط يدو على كرشي ضربتهالو ونضت نعيط بعددد كلب رخيس بعددد قولتلك حيوان الله لاتربحك ان شاء الله الموت تديك ونتهنى منك امشي ضربة ان شاء الله كلب فرحااان اه قول فرحان بانجازاتك شوف ذوك عجبك الحال كي كرشتني وفي جرتك حانجيب ولد حرام بصح وش حايجي من واحد رخيس كيفك فوق من غلطتك وزيد فرحان بيها عاجبك الحال وتقول فيها بوجه صحيح بنتي ياوووو هذي كبولة تعرف وش معناها كبولة بنت حرام جات نتيجة اغت. صابك ليا ودير في بالك مليح مليح بلي مستحيل نخليها تجي لهاذ الدنيا غدوا نروح ندير اجهاض _ احلمي وزيدي قالو ندير اجهاض متقدريش اولا البيبي كبر بزاف وثانيا القانون ميسمحش بهاذ الشي وزيد حرام عليك تقتلي روح بريئة معندها حتى دخل في الشي الي صرا ملاك صغير علبالك هاذ الروح الي ناوية تقتليها غيرك راهو يبكي عليها ويدفع لملاير باش تكون عندو وانت رافضتها _ ايييه رافضتها ومنيش متقبلتها لانها مجاتش نتيجة حب وزواج جات نتيجة حرام واغت. صاب وكره وحطها مليح في بالك بلي الكبولة الي في كرشي مش حاتجي لهاذ الدنيا وراح نثتلها بيديا الزوج _ جربي ديريها وشوفي وش ندير فيك _ اخرج عليا منيش حاملة نشوف وجهك اخرررج براااا _ صاي راني خارج متقلقيش روحك _ معندو مدخلك برااا. هو خرج وانا طحت في لرض نبكي ياربي وش المصيبة هذي الي طاحت عليا كيفاه راح ندير ذوك كامل راح يعرفو وبواش صرا وحتى دارنا ويرجعو يكرهوني لازم نلقى حل مستحيل نخلي الكبولة هذي تجي لدنيا هذي مستحيل مستحيل.
#فريال