قدر مراهقة

الجزء 57

#قدر_مراهقة
الجزء 57
جات يماها توقفها دزتها طاحت ويا ربي ربي على الجاست هذي تلاحت نرجس ومرام فتتوها فتات فتات هذي تضرب من وهذي من ومجد يتفرج وعاجبو الحال جاو نسا خاوتو يفكوها قالهم خليو الكلبة تتربى باش متزيدش ترفد يديها على يما الخامجة بعد واش دارت كامل ومزال عندهما الوجه باش تڨابلنا بيه وتزيد تحاسبنا مليحة هذي نوضي اضربينا خير. عيط على لبنات فرد عيطة حبسو وبعدو عليها، شوفي فيا مليح مليح باش تجي وحدة خامجة كيفك انت وتسب مرتي وتسبني هذي منسمحش بيها تغاضيت عن كل اغلاطك وسامحتك بصح انت غير كل ماتتفرعني وتتماداي انا قولت بعد الفضيحة الي درتيها راح تتعقلي وتحطي رجليك فلرض بصح لا صرا العكس زدتي طغيتي وجاية بوجه صحيح تحاسبي فيا وفي مرتي كي بستها واااش دخلك ر** فينا نبوس نحضن نعض نرقد انت وش دخلك شفتينا فوتي وديري روحك مشفتيش علاه حتى تعيطي وديري فضيحة فنص الليل وش يبالك حا تحشميني قدام بابا بهاذ الطريقة ياو يكون فعلمك انت الي طحتي من عينيو بنتو جاية بوجه صحيح وتقولو ارواح تشوف ولدك او يبوس في مرتو وتزيد طيح قدامو  خاوتها رجال قد الحيط ويحشمو حتى يعيطو قدام باباهم وانت ياالخامجة جاية بوجه صحيح تعيطي وتسبي وفوقها تتلاحي تضربي مرتي. لوكان مضرباتكش هي اني قتلتك الليلة وفوقها تزيدي دزي يماك الكلبة الي ديما دافع عليك نهار جا بابا يذب. حك هي الي وقفت في وجهو ونقذاتك منو نهار كانو خاوتك يضربو فيك هي الي تلاحت في النص وبعدتهم عليك وتجي انت دزيها امليحة هذي زيدي اضربيها خير. بلع برك كي شغل انت مغلطتش ها باينة بلي درت حاجة في الطفلة حتى قبلو مدوهالك ودرت العرس في شهر وش يبالك فيا بغلة باش نصدق حكاية انو نتوما لزوج تحبو بعض وتزوجو ومصرا والو. صدقي ولا اقعدي السفيه يقرا مافيه وانت كعاد خامجة ورخيسة وق*** يبالك النسا كامل كيف بلا كرامة يمدو رواحهم لرجال يشبعو منهم ويطيشوهم لوكان ماعيطتيش انت وحكمناك معاه كان حايرميك كي الكلبة ومتلقايش الي يلمك خماجة كل مانتفكر بلي وحدة كيفك طيحت بسمعتنا وعفست على شرفنا وفاتت نحب نقتلك علبالك، نقولو غلطتي معليش كامل يغلطو بصح باش تبقاي معاه عام كامل وهو يدي فيك من بلاصة لبلاصة وناس كامل شافوكم هنا تحبس لازم تموتي وفوقها ملقيتي غير صاحبي ياو خويا هذاك وغدرني وانت سبابو تظلي دوري عليه حتى لصق فيك ولعب بيك وشبع وكان حايرميك من بعد كي تكشفتي قررتي تلعبي دور الضحية وتقولي بلي هو الي جبرك وغتا. صبك وكي وقفت معاه وصدقتو غاضك الحال، علبالك علاه وقفت معاه ولا معلبالكش _ كعاد انت تكرهني ومتحبنيش عليها صدقتو _ راكي غالطة انا كنت مصدقك وروحت ليه دڨدڨتو وكنت ناوي نقتلو بصح كي جبد ليفوطو ووراهملي لثم حبست وندمت الي صدقتك لانو انت متستاهليش، وصح هو صحح غلطتو وتزوجك بصح الناس مزالها تحكي وابسط حاجة اهلو لحد الان ميحتارموكش ويقولو عليك ق***، ومع انك مريتي بهاذ المىحلة وجاية ذوك تتاهمي غيرك وش دارتلك ميرال حتى كرهتيها هك وتظلي ترمي سمك عليها قولي كشما غلطت معاك_مغلطت ماوالو بصح مدامك انت تحبها وتهتم بيها فأنا كرهتها كل حاجة تحبها انا نكرها وراح نحاول نحيهالك باش تحس بنفس شعوري نهار سبني راجلي ليلة عرسي ورخسني وذلني لانو شاف تعاملك معايا كيفاش، من قبل كان يخافك ويديرلك الف حساب كلمة قودي ميقولهاليش بصح من نهار ذليتني قدامو ولا تفرعن ومرات يوصل حتى يضربني _وشنو_ايه كيما راك تسمع يضربني ويقولي واحد مابغاك ولوكان مش انا راهم قتلوك حتى من خوك وعفك ورماك ليا_ علاه مجيتيش قولتيلي نربيه الكلب_هذا ماخص نجي ليك باش تكمل عليا روح  اخطيني برك.
#فريال