قدر مراهقة

الجزء 64

#قدر_مراهقة
الجزء 64
فقت الصباح على صوتو ينوض فيا مبغاش يسكت نوضي نوضي حتى عيطت عليه_بغيت تنوض نوض شكون راهو حاكمك اخطيني خليني نرقد _ بعدي برك عليا ذوك نوض _ علاه وش درتلك انا ياك خاطياتك _ راقدة فوقي وتقوليلي خاطياتك هيا نوضي راني زربان عندي شغالات _وين في نعيك قالو راقدة فوقي انا مس حاملة حتى صوتك  _ حلي عينيك ذوك تشوفي _مع نحل عينيا ونتفاجأ راقدة فوق منو راسي حاكاتو في رقبتو ويديا دورتهم عليه محضناتو  تقول خايفة يهرب زربت بعدت عليه ودرت على جنبي حشمت مت البارح برك كنت نسب فيه وصبحت راقدة فوقو (بصح بيناتنا الرقدة عندو تهبل لوكان منوضنيش والله منوض احلى رقدة). راح خرج دوش ورجع دخل رفد مفاتحو وتليفونو وجا خارج وعاود رجعلي _اسمعي نوضي وجدي روحك نروح نجيب رنيم ونجيك ومكلاه طولي عليا ياربي مانوصلو ونروح نشري شوي حوايج لدار بسلامتك مخليتي فيها والو _ياك قولتلي نزيدو يومين ونروحو _لوكان نزيد نهار واحد هنا نرتاكب جريمة _ شحال الساعة _ اي 7تاع صباح _اخلايا عليك والله متحشم انا ياربي رقدت شويتح وجيت انت نوضتني عيب عليك _من 3وانت راقدة وين تزيدي _ مشبعتش الرقاد كان لازم عليك تصبر ومتفيقنيش تخليني نوض وحدي _لوكان ستنيتك تفيقي منا لغدوا صباح وياربي نعرفك تموتي على رقاد _ وش دخلك فيا ياك رقاد مش بدراهم _ ياريت جا بدراهم على الاقل تسلكي عليه وتربحي حاجة منو _ الحمدلله دراهم بابا يكفيوني واذا حتجت كاش حاجة نقولو يشريهالي منستنى حتى واحد يدير فيا مزية _نزيد نسمع الهدرة هذي نقسمك على زوج نوريلك بابا يصرف عليا هذيك كانت قبل زواجك بصح من نهار تحط اسمك مع اسمي ورجعتي مرتي صاي وليت انا المسؤول عليك وعلى صوالحك اي حاجة بغيتيها نجيبهالك ومش ندير فيك مزية لا هذا واجبي ونلبيلك رغباتك بلا مزيتي _ تسمى اي حاجة نبغيها ديرهالي _ اي حاجة في حدود المعقول مكلاه تتجاوزي حدودك _ايه متخافش هيا ازرب روح جيب رنيم وانا نوجد قشنا باش نروحو نحب نشبي حوايج لدار يهبلو اذا ممكن طبعا _ ايه وش تحبي اشري الدار دارك والشور شورك. هو خرج وانا فت لدوش دوشت خرجت شيحت شعري ولميت قشنا ورتبت الشومبرة ولبست حجابي وقعدت نستنى فيه منيش حابة نهبط لتحت بعد الشي الي صرا.
#فريال