قدر مراهقة

الجزء 60

#قدر_مراهقة
الجزء 60
طلعت لشومبرة لقيتو قاعد فوق السرير وحاط راسو بين يديه وباين عليه قلقان لوكان كشما نقولو يقتلني هناامالا حفاظا علىروحي العزيزة نتجاهلو خير. فت بالشوي هزيت بيجامتي ورحت لدوش كان في شومبرة بعد تابع ليها ، بدلت وروحت تسطحت لقيتو خرج لبرا احسن حاجة دارها هكا مايدور بيا ماندور بيه خليه يتنحى غشو ويرجع خير ما يفرغو فيا . حاولت نرقد مقدرتش بقيت نتقلب ونعاود قلقت بزاف موالفة ليه ليه نرقد واليوم مقدرتش منعرف وش بيا، هزيت تليفون فتحت الفيس بديت نطلع ونهبط لقيت رنيم باعثة عرام ميساجات تقريبا ملي تزوجت مفتحتو اصلا مقعدتش خلاص نظل هاملة. دخلت قريتهم كامل اعتذارات وياربي وش تحكي كارثة باعثة فايت 150ميساج ماجيت نكمل نقراهم لقيت مجد داخل هز قشو وخرج يبدل ورجع تلاح على سرير بجنبي يرقد، انا بقيت نسب في رنيم فرصة ولقيتها جبتهالها من جد جدها وجيت حتى وصلت ليها _ يا الكلبة الخامجة الرخيسة ربي يعطيك ضربة ان شاء الله تتمرمدي كيما تمرمدت انا وتدي طريحة تاع الموت هكا باش تحسي بواش عشت ومريت في اللحظة هذيك (وهذا الي صرا حتى هي عندها ماعانات وتجرحت) _ وهي غير صح عندك الحق اسمحيلي مكانش علبالي بلي ناوي يدير فيك هك ولا والله منخليك معاه وحدك _ذوك طفرت صرا الي صرا وانا الي دمرت حياتي مش انت _ اسمحيلي _ منسمحلكش حتى نرد ضربتي باش نسمح _ راني واجدة ديري فيا الي بغيتيه _ايه متخافيش نهار نحكمك نعجب فيك _ اذا حابة نجيك برجليا بعد _ايه ارواحي مذابيا بصح ارواحي لداري لهيت في&&& مش هنا منحبش نشوهك قدامهم _اوك نجيك كي تروحو فوتو عليا وانا نحاول نقنع ماما ولا قولي لخويا يقنعها هي تسمعلو وتاخذ برايو، خليتلها هكاك معلقة وحطيت التليفون درت على جنبي وتقابلت مع مجد هو يخزر فيا وانا نخزر فيه ونحاول نحفظ ملامحو ونشبع منو منعرف علاه راني ندير هك ووشنو هو السبب بصح الي يهمني ذوك هو نملي عينيا بيه. هز يدو حطها على خدي وبقا يمشي فيها انا غايسة مش جايبة خبار لواش راهو يدير تركيزي كامل على عينيه هبلوني هوما وشعرو لوكان نلقى نظل نشوف فيه وميبعدش على عينيا ، اسمحيلي _ وشنو _ كيما سمعتي اسمحيلي _على واش _ الشي الي صرا لتحت _نو عادي مكانش مشكل اصلا مش غلطتك. حط يدو على شعري ويمسح عليه _وجعاتك كي جبدتلك شعرك _لا مش بزاف _ اصلا مخليتيهاش تجبدهولك ليه ليه عطيتيها بونية لخشم رعفتيها الله يبارك وش يدك ثقيلة _تحب تجرب _اذا حابة نكسرهالك جربي وحطيها عليا ، رفدت يدي وحطيتها على كتفو _ هاني حطيتها عليك كسرها تراه _ انا قولتلك لوكان تحاولي تضربيني نكسرهالك وانت حطيتيها بلحنانة برك ومذابيا تحطيها ديما هك نجيب عمري كامل معاك _ متحشمش خلاص اي فرصة تجيك تستغلها _ايه لازم كي تكون مرتي فريجيدار حاجة باينة نولي نستغل الفرص ولا نموت شايح _عيب عليك تحكي معايا هك _ وينو العيب ياك مرتي حلالي نقولك وش نحب وندير معاك وش نحب ، نبوس نحضن نحكي نتمعشق ظهرو شواربك عسل بصح متعرفيش تبوسي لازم نعلمك  _ ياااا احشم علاه عليك ، درت على جنبي وغطيت راسي علبالي الليلة مش حاتفوت على خير ورايح يخرج البوسة هذيك من عينيا وصح هذا الي صرا.
#فريال