قدر مراهقة

الجزء 99

#قدر_مراهقة
الجزء 99
جريت روحي وطلعت لشومبرة طلقت روحي ديراكت على سرير احسن حاجة نديرها هي ترقد معنديش حل اخر حتى ونوض نعيط نكسر راح نضر غير روحي ونضر بنتي معايا احسن حاجة نتجاهلو ومنحكيش معاه يروح يرنك خماج كعاد بنت خالتو رايح يجيبلها حقها وكي جات في ميرال بحر عليها خليها برك ندير فيها كلش وواحد مايسمع ومن بعد نلعبها نصحح غلطتي ونتزوجها هذا كامل درتو كعاد نحبها ينعل الحب واصلو وجدو وينعل زريعتك الفايحة زريعة لكلاب حاشا الي ميستاهلوش . رقدت يوم كامل مافقت غير على صوت الباب يطبطب نضت ديخانة بالسيف مافتحتو قابلتني ختو نرجس وفي يدها بلا تاع ماكلة _ نقدر نفوت _ ايه فوتي عادي، فاتت حطت البلا فوق الطابلة قولتلها نغسل ونجيك فت لدوش غسلت مشطت شعري وخرجت قعدت معاها. جيت قبيل طبطبت حتى كرهت _ كنت راقدة انا هك نرقد مانفيقش تقول ندخل في غيبوبة _ شيء طبيعي بسباب الحمل هيا كولي قبل ماتبرد الماكلة عندك من صباح ماكليتي والو _ علاه قداش الساعة _ راهي 17_ اخلايا وش رقدت بزاف _ ترقدي خير ماتنوضي الجو مكهرب في دار واحد ماهو حامل خوه _ ايه صح عندك الحق والله ناكل ونرقد نفيد روحي ونفيد بنتي _ اهم شيء راحتك انت وبنت خويا. بديت ناكل وهي كي شغل حابة تقولي حاجة وعيات كيفاه تقولها _ احكي وش حابة تقولي علاه راكي ساكتة _  هو حبيت نقولك ياك مجد الصباح خرج كان رايج للخامج تاع توفيق _ ايه وش صرا _ تضاربو ومجد فزدلو خليقتو وهذاك الكلب شكا بخويا وحكموه لابوليس _ يستاهل _ وشنو قولتلك يستاهل لوكان زاد كسرو خير باش يعرف كيفاه يلعب ببنات ناس خامج _ متخافيش بابا وخاوتي راهم عندهم معارف وقالولنا يومين ويخرج هذا اذا كثر خلاص انت متتقلقيش ارتاحي برك _ اوك. كملت كليت هي هبطت لتحت وانا نضت دوشت توضيت صليت وجبت تليفوني قعدت نكونيكتي ولا على بالي بالعكس عاجبني الحال لوكان غير يحكموه كاش شهر ولا شهرين في الحبس باش يتربى الكلب. فليل هبطت لتحت قعدت مع لبنات هوما يوجدو في طابلة وانا قاعدة معاهم شوي هك وتدخل سماح تضحك قالت لخواتاتها شتو ماشي غير انا الق*** في العايلة هذي ام كامو بزاف كل مرة تخرج وحدة ودارت ليا قالتلي غير شدي راجلك وروحو منا اذا بقيتو هنا راح يباصي كل ما طفلة من لفامي دير زبلة هو يروح يتضارب ويجيبلها حقها ومن بعد هي تتزوج وهو يحصل في المشاكل لهذا احسن حاجة احكمي راجلك. سكت ماجاوبتهاش خليتها اصلا الطفلة هذي جاية وقحة بزاف تهدر بلا فرانات ماتحتارم حتى واحد . تلمينا على طابلة نصهم محبش ياكل غير انا وسماح ونسا خاوتو ناكلو ولا على بالنا انا شهيتي مفتوحة وزدت تهنيت من مجد لقيت راحتي. تعشينا تعاونت مع لبنات لمينا لماعن غسلناهم ورحنا لصالو نقصرو ولا نقولو نمنشرو جبدو كل المعلومات على توفيق هذا ظهر خلاط كبير وعندو دوسيات بزاف ، حنا هكاك نحكيو وهوما يدخلو علينا باباه وخاوتو ولعجوز وراهم . قعدو سقساتهم لعجوز على مجد وكتاه يخرج قالها غير غدوا يكون هنا ودار ليت قالي اسمحيلنا ابنتي والله ماهي بيدنا وش صرا وراجلك متخافيش يومين يكون في دار _ معليش اعمي مكانش مشكل الي فيها الخير ربي يكتبها ( وانا في قلبي نقول لوكان غير يقعد شهر نتهنى منو الكلب كرهتو منيش حاملة نشوف وجهو) قال لعجوز توجد شوي حوايج خفاف لدانيا تفاهمو يتزوجها غدوا يجي يقراو الفاتحة وغير غدوا يروحو يعقدو وتروح معاه واذا حبو يديرو عرس دبر راسهم ووالديها ام جايين فليل يوصلو ولا غدوا صباح. سكتت ماقالت والو ناضو كل واحد راح لشومبرتو انا نضت نتكركر بالسيف ماطلعت لشومبرة بدلت قشي ورقدت.
#فريال