#قدر_مراهقة
الجزء 70
حط يدو على خدي ومسحلي دموعي وحضني انا مكنتش من المعاكسين بادلتو الحضن ونضت نبكي بالصوت نغرد وحدي الي يشوفني هك يقول ماتلها واحد عزيز عليها انا وحرت في روحي ياوو تخلعت منعرف شبيني نبكي عليه وانا الي كنت ندعي عليه بالموت. بعدني عليه وحكملي وجهي بين يديه وناض يضحك انا لثم قلقت تاع الصح انا نبكي عليه وهو يضحك عليا مليحة هذي ، ضربتلو يدو بعدت وجهي عليه _ وش يضحك فيك شفت مهرج قدامك ولا قرد عريان _ اولا القرد ديما عريان معندوش قش وثانيا المهرج او قدامي بعد _ وينو _ انت هي باين شكون من غيرك _ علاه وش بيني انا _ لوكان تشوفي وجهك في المراية تنخلعي. وقفت بزربة شفت وجهي وتخلعت اويلي وشنو هذا وليت زي الزومبي العيني منفوخين وحومر وجهي صفر شواربي بياضو وخشمي يسيل (منظر منتمناهش لعدوي بعد). هربت جرية لدوش غسلت وجهي ورجعت لقيتو فاسخ بالضحك وهو كي يضحك يتغلقو عينيه _ وش يضحك فيك ذوك من بكري عينيك مغلوقين زيد اغقلهم كثر _ خليني نضحك وش دخلك _ اضحك شكون شدك بصح متضحكش عليا _ وكي منضحكش عليك على من نضحك _ اضحك على عينيك المنفوخة ولا شواربك هذوك الي مضروبين _ وش معجبوكش _ ايه يعيفو _ صدقتك عليها كل ماتلقاي فرصة تتلاحي تبوسي فيهم _ بوستك باش ترتاح هكا ماما كانت ديرلي كي نتجرح تبوسلي بلاصة الجرح باش ميوجعنيش _ مليح والله طريقة تهبل وفعالة بوستيني برك تنحى لوجع لوكان غير تكملي خيرك وترتحيني _ قول والله كي بوستك راح لوجع _ ايه راح شواربك دوا لكلش، قربي كملي خيرك مدام بديتيه _ وين قربي ليا ذوك نوريلك . منعرف انا وش صرالي رحت كي الدابة ليه قعدت قدامو حط يدو على جبهتو بلا مايحكي قدمت بوستها وزاد هبط لعينو بوستها ولرقبتو كان فيها خبش صغير زدت طبعت بوسة عليها، منعرف وش صرالي بالزربة مفقت لوالو لقيت روحي قاعدة في حجرو وبلا ماينطق حتى كلمة حط يدو جيهة قلبو، حطيت يدي عليه وقولتلو ضربوك ثاني على قلبك _ ايه قلبي مريض _ سلامة قلبك وش بيك ولا عندك مرض مزمن _ ايه عندي مرض صعيب بزاف _ علاه متروحش لطبيب يمدلك دوا _ رحت لطبيب _ وش قالك _ مرضي معندوش دوا _ اخلايا وش بيك متقولش السيدا اويلي راح الراجل هذا مايكون غير من تخلاط تاعك مخلطها بكراع الداب ، تستاهل ما اكثر كلب عيفتلي قلبي. جيت واقفة زيرني ليه وغطس في شواربي وانا طبعا كيما موالفة زي البغلة يعجبني الحال ونروح فيها تقول ساحرني ولا مدايرلي تنويم مغناطيسي.
#فريال
أنت تقرأ
قدر مراهقة
General Fictionقصة حقيقية من الغرب الجزائري مراهقة غير مبالية للحياة تدمرت حياتها بسباب لسانها الطويل. عمرها 17سنة بين ليلة ونهار لقات روحها متزوجة بالانسان الي تكرهو ومتحملوش.ومع لوقت تبدلت نظرتها للحياة ورجعت انسانة واعية ومتفهمة وناضجة بعد مادات بزاف ضربات خلا...
