قدر مراهقة

الجزء 47

#قدر_مراهقة
الجزء 47
كوبيت عليها لقيتو ديجا الظهر آذن نضت توضيت وصليت وبقيت ندور في ديار ونشوف مع لحوايح الي فيها غير لكحل مكانش طول الالوان قلقت وتخنقت منو. قاعدة غير نخمم فلكحل هذا الي معبي الدار وياخوفي يرجع مغيم على حياتي والله نهبل لثم وطبيب مايلقالي حل، جات لبالي فكرة تهبل وقررت نفذها هكا نرد شوي من حقي ونبرد قلبي يالوكان شويتح برك. روحت للكوزينة رفدت موس مقص كبير وروحت لصالو طحت فليفوتاي هذوك خربتهم كامل تقول قط ولا كلب طاح عليهم وزدت رفدت الطابلة هذيك وخبطت طاح القزاز هذاك كامل فلرض شفت مع زربية ثاني كحلة، جبت الجافال وسيحتو عليها وفت لشومبرة طحت عليها كسر اخبط هز من واعطيه رديتها متنشافش ولقيت فلكوافاز صاشي كحلة كبيرة شوي كي فتحتها لقيت فيها دراهم بزاف وهذا الي آكدلي شكوكي وخلاني نعرف طبيعة عملو ومنين او يجيب في دراهم هذو كامل لانو راجل في عمرو مستحيل يكون عندو هاذ الدراهم وهو شهرين مخدمش وزاد داني نحوس وصرف عليا بزاف بالاضافة للعرس والشرط. رفدت الدراهم هذوك وديتهم للكوزينة طيشتهم فلابوبال وحرقتهم كامل ودورت لماعن هذوك كسرتهم كامل مخليتش حاجة تصلح باش نوريلو لحوايج الي شراهم بدراهم لحرام كيفاه يكون مصريهم. كملت فت لدوش دوشت لبست قشي شيحت شعري وصليت العصر شوي هك تفتح الباب دخل الزوج المصون، نستنى فيه يجي يقتلني ونتهنى منو لانو بكل صراحة كرهت من حياتي مكفاش طريقة زواجي ووش دارلي زاد فوقها ظهر مجرم يخدم مع المافيا ولا نقولو هو رئيسهم لانو من قبل قالي انا هو الشاف تاعهم. دخل لشومبرة متفاجئ كي شاف كلش مقلب وانا في نص الفوضى هذيك زرب جا وقفني وبقا يشوف مع يديا ووجهي خايف كشما صرالي. شكون دار هك شكون الع&& الي تجرا ودخل لداري وفزدها هك وخوف مرتي _نحي يديك برك عليا واحد ماخوفني ومستحيل نخاف انا وشكون يتجرأ يدخل لدارك اصلا شكون يقدر يدخل لدار زعيم المافيا المجرم القتال الي معندوش رحمة في قلبو.لدرجة هذي وليت بلا قلب بلا ضمير تقتل على جال دراهم لوكان قولت لباباك او يعطيك علاه عليك هكا دمرت الناس ووسخت يديك ووسختني معاك_ وش راكي تخرطي _ بلع برك انت الي تخرط شوف منكثرش معاك الهدرة بزاف اديني لدار بابا وصاي طلقني منقدرش نكمل حياتي مع واحد كيفك مجرم طحان كلب رخيس _ميراااال حدك هنا دخلت لقيت الدار مقلبة حاجة مابقات فيها وسكت سمعت كلامك التافه الي منعرف منين جبتيه وسكت بصح توصلي تسبيني هنا تحبس رخفتلك بزاف وانت تفرعنتي حابة تطلعي فوق راسي _ منتفرعن ماوالو رجعني لبابا وصاي _تحلمي بيها وذوك لمي قشك رايحين لدارنا راهم عرضونا وديجا منقدروش نقعدو هنا _مليح هكا خير اصلا ماما اي قالتلي ارواحي وهاي جات الفرصة باش نقولهم ونطلق منك يامجرم _وش راكي تخلطي اربي وش بيك هبلتي انت شكون قالك انا مجرم شكون شفتيني بعينك _لا بصح كل الادلة ضدك_وش من ادلة _اللون الاسود الي مخيم على الدار وحياتك وخدمتك الغامضة ودراهم الي راك تصرف منهم وميخلاصوش وانت شهرين مخدمت والشكارة الي لقيتها قبيل معبية دراهم _هههههه والله غير مهبولة كي شفتي كلش كحل رديتيني مجرم وزعيم العصابة ههههههه.
#فريال