قدر مراهقة

الجزء 16

#قدر_مراهقة
الجزء 16
انا مع تخمامي فاقت اسيل ديراكت مبدات تسقسي فيا_صح راح تتزوجي_ايه_وعلاه قبلتي مزالك صغيرة وش مزربك عليه _وانت وعلاه قبلتي تتزوجي_اولا انا كثر منك وثانيا نحبو _انا بعد نحبو ومستحيل نلقى واحد كيفو في حياتي _ااااا واخيرا لالة ميرال عتارفت ياخي كنتي تقولي الحب مكانش وغير تمسخير وش الي بدلك رايك _راكي قولتيها كنت فعل ماضي وذوك، رانا في الحاضر حاجة ماتبقى على حالها كلش يتبدل _اهيه عشنا وشفناك تحكي بجدية وبلا تمسخير ياك ماتكوني مريضة ولا طحتي على راسك عليها تعقلتي، ناضت وجات عندي حطت يدها على جبهتي وتقيسلي فالسخانة _اوووو راكي لباس وش الي صرالك. فلحظة هذيك كنت راح نطرطق ونحكيلها كلش بصح تراجعت حتى ونقولها مش راح يتغير والو بالعكس يزيد الوضع يتعقد راح يسمعو دارنا وبصراو مشاكل والكلب هذاك قالي حتى ويسمعو نقولهم دارت كلش بارادتها وانا معنديش دليل وفمجتمعنا يوقفو مع الراجل ويصدقوه ويلقو اللوم على المرا. مابيا والو غير راني نخمم كيفاش نقدرو نوجدو رواحنا للخطبة قالو غدوا يجيو _ايه فكرتيني نوضي ازربي نروحو نخرجو نشريو _خليني يرحم باباك راني تعبانة نحب نرقد حابة تخرجي روحي وحدك_كيفاش نخرج انا وحدي الخطبة تاعك لازم انت تخيري لحوايج على ذوقك_روحي برك انت وخيريلي والله ماني قادرة _ميييرال نوضي متقلقينيش على الاقل اخرجي خيري وش تلبسي وحنا نكملو الباقي _منرررروحش ياو متفهميش خليني بغيتي تخرجي روحي محبيتيش اقعدي وبلعي علينا فمك.حنا هكاك وتدخل ماما_وش بيكم تعيطو صواتكم واصلة للتحت غير الخير خليتكم دقيقة رجعت لقيتكم تاكلو في بعض، نطقت اسيل ماما بنتك محبتش تخرج معايا باش نجيبو لحوايح للخطبة _ميرال وعلاه محبيتيش تخرجي معاها _تعبت اماما نحب نرقد وراني مريضة _اذا مريضة ومتقدريش نعيطلهم ونأجلوها _لا مكلاه خلي يجيو ونتهناو_وعلاه راني حاسة بلي مكيش فرحانة وكي شغل مسيفين عليك.. اذا مش قابلة نعيط ذوك لباباك يحبس كلش راحتك اهم عندنا_لافرحانة برك متوترة شوي نخاف منعجبهمش_بوووه عليك وعلاه متعجبيهمش راكي انت بلا والو تهبلي وينك ياتعدلي روحك تجي بوبية. نطقت اسيل راني هنا ولامنبانش _انت ثاني تهبلي بنتي لكبيرة البوبونة_ماما احشمي والله عيب_هيا خلاص البسي قشك نخرجو انا وياك نشريو وختك نخليوها ترتاح_اوك معليش _ميرال حنا نخرجو ذوك وانت اقعدي ارتاحي وعسي ريتال لاتخرج تعرفيها تحب تهمل برك_راني نجيبلك لحوايج على ذوقي ومن بعد ماكلاه تبداي تندبي ومعجبتنيش وبدلوها، تلبسي وتسكتي _جيبيلي حاجة مستورة منحبش نتعرا _ايه معليش.
#فريال