قدر مراهقة

الجزء 94

#قدر_مراهقة
الجزء 94
شفت عينيه مفيكسين جيهة صدري كي هبطت راسي لقيت شوي منو يبان بحكم البيستي جا مزير وانا سمنت بزاف _ سمنتي بزاف الله يبارك تعمرتي من كل النواحي هذا وين شفتك مليح _ ايه بزاف لوكان تشوف رجعت بقرة لازم نلبس لعريض وياربي _ نوضي وريلي تراه نشوف كيفاه رجعتي، انا على نيتي وقفتي وحطيت التليفون مقابلني وقاعدة نوريلو وندور والراجل سكت كي شغل بلع لسانو _ وين رحت شت كيفاه رجعت سمنت بزاف لازم ندير الريجيم نكمل على الحالة هذي نرجع دبة _ واحلى دبدوبة مسمنتيش بزاف غير تعمرتي فلبلايص الملاح اقعدي هك خير _ لا منقدرش عيب بزاف _ وينو العيب ياك تلبسي لعريض قدام الناس وتتعراي غير في داركم وحتى قدام راجلك متتعاريش وحارماتو من كلش _ لا مش هكاك هو انا نحشم منك _ وذوك كي راكي قدامي بنص شليڨة وتحكي محشمتيش كلش فيك مفصل ولا انت تحشمي غير كي نوقف قدامك _ اي انت مفهمتنيش _ اسكتي عليا برك وش داني نعيطلك الليلة لعبتي بحوالي طيري ترقدي واستري روحك اخر مؤة تعيطيلي وانت باللبسة هذي منضمنلكش وش ندير. كوبا عليا وانا بقيت نخمم وش بيه هذا علاه تقلق هك ياك مسبيتوش وحاولت قد مانقدر نسايرو ونحكي معاه باحترام، انا مع تخمامي وهي تدخل اسيل كي شافتني هكاك قالتلي وش كنتي تحكي مع حبيب القلب _ ايه حكينا شوي وكوبا عليا منعرف شبيه تقلق مني تبالي كي شافني سمنت كرهني _ وين شافك هو _ ذوك قعدت نوريلو كيفاه وليت بقرة _ ياخي مهبولة قاعدة قدامو باللبسة هذي وتقوليلي علاه تقلق اي باينة لحكاية _ وش الي باين هو يقولي لعبتيلي بحوالي ومتزيديش تعيطيلي كي تكوني باللبسة هذي وكوبا في وجهي _ باينة ابنتي لحكاية انت معرية على صدرك وقاعدة دوري قدامو اكيد يتقلق ويزيد راكي بعيدة عليه وتلعبي بحوالو الراجل قامت نفسو عليك وميقدر يدير والو وانت بعيدة عليه فهمتي ذوك _ مفهمتش _ ياووو الراجل باين حاب يتوشيك ذوك كي شافك هك معرية وعليها تقلق _ اااا وانا وش دخلني فيه ياك هو الي جابني هنا وزيد نلبس وش نحب يروح يقود _ اقعدي بالعقلية هذي حتى يروح من يديك باين عليه تغبن معاك بغلة لازملك دروس بزاف باش تتريڨلي _ روحي اخطيني برك تعبت حابة نرقد _ منعرف كيفاه حتى رفدتي بالحمل باين تعبتيه بزاف نشفتيلو ريقو _ بونوي. طفيت الضو وتغطيت بدا يبرد الحال مع حطيت راسي رقدت ديراكت.
#فريال