قدر مراهقة

الجزء 102

#قدر_مراهقة
الجزء 102
هو يحكي وانا ولا على بالي كي قالي راهو لباس صاي محبيتش نفهم كثر ودعاويا خرجو فيه يستاهل كلب. قولتلهم ربي يشفيه ونضت للكوزينة نوجد فلعشا حطيت وعيطتلهم جاو بالسيف ماكلاو يماه غير تبكي قولتلها ياك راهو لباس متقلقيش روحك كولي واشربي دواك وهو ذوك يرتاح ومش راح يرضى يشوف يماه مريضة _صح عندك الحق. بقينا ناكلو كملنا خوه رجع لسبيطار يماه ناضت ديتها لشومبرة شربت دوا تاع رقاد ورقدت وبقيت انا ورنيم نلمو في طابلة قالتلي وش بيك كي شغل مهمكش متآثرتيش بشي الي صرا مع مجد _ عادي _ وشنو الله يمهل ولا يهمل، كل واحد غلط في حقي سلك في الدنيا قبل الاخرة. نحس حاجة داخلي تكسرت ميرال لقديمة ماتت وجات وحدة في بلاصتها بلا قلب لدرجة واحد يصارع فالموت قدامي ومهمنيش وحتى نقول يستاهل راني نستشفى فيه ولوكان نشوفو يتح. رق قدامي نزيد نلوح عليه ليسونس يستاهل يستااااااهل جرحني بزاف وانا من قبل كنت نسامح بسهولة وننسى بصح بعد وش صرالي وليت قاسية وحقودة. وش من نيتك تستشفاي فيه _لا نوض نبكي عليه خير يستاهل كثر من هك لوكان غير مات _اواه انت هبلتي ولا كشما شربتي عليها راكي تقولي هكا_لا مشربت والو راني في كامل قواي العقلية_ ميرال لقديمة مكانتش هكا كانت تبكي على القط اذا مات وكي تسمع بكاش آكسيدو صرات تبقى تدعي وتقول ياربي اشفيهم مستحيل تكوني نفسك الطفلة الي عرفتها والي كبرت معاها _عندك الحق ميرال لقديمة كانت بغلة تمشي بقلبها وعواطفها اما الجديدة تمشي بعقلها وقلبها برد وتحجر _ملقيت مانقولك ربي يهديك وصاي علبالي غلط معاك اما خلي قلبك كبير وسامحيه المسامح كريم _نسامحو هههههه واش من نيتك نسامح الشخص الي دمرلي حياتي وخذا مني كلش جاتك ساهلة تقوليلي سامحيه _علبالي صعيبة بصح حاولي تسامحيه مكانش قصدو يدير هكا وانت ستفزيتيه بكلامك وأي واحد في بلاصتو يقدر يدير هكاك ولا كثر _مهما جرحتو بكلامي مكانش عليه يديرها قتلني دمرني _حاولي تنساي الوقت كفيل باش ينسيك كلش _نهار تطحتي في نفس موقفي ولثم شركي فمك_مستحيل نتحط في نفس موقفك كعاد انا حاكمة فمي وحتى وتحطيت فيه راح نسامح اذا جاني ندمان ودار المستحيل باش نسمحلو _ البارح برك قولتيلي منقدرش نسامح شتي كل مرة براي _ ميرال _ بلعيه متقلقينيش وطيري من قدامي خيرتلك.  هي راحت وانا فت لشومبرة رقدت معندي مندير هو بحر عليه برد قلبي يستاهل.
#فريال