قدر مراهقة

الجزء 20

#قدر_مراهقة
الجزء 20
الصباح جات نوضتنا ماما بكري نبانو راح نحاربو لقيناها وجدت كلش _كعاد وجدتي وعلاه نوضتينا _توجدي روحك وتروحي تمشطي راني حكمتلك رونديفو على 11_منروحش نوجد فدار وصاي تعرفيني منحبش الي يخربلي في شعري _خلاص ديري الي يريحك، وانا محبيتش نروح باش واحد مايشوف ليطراس الي في رقبتي صدري  مزال ماراحو. روحت دوشت ومشطت وحدي درت مكياج سامبل منحبش نخلط بزاف، ماجيت نكمل طليت على الساعة لقيتها 14 ايه وش طولت بصح خرجت تحفة مهما نكون نكرهو مش راح نبهدل بروحي من بعد يقولو ميرال لقيناها مبهدلة ويحكموهالي ويجي نهار ويعايروني بيها. لبست غوب طويلة فالباج مستورة وتهبل وصندالة دومي طالو فلكحل مع اكسسوارات تاعها. جيت نهبل كي شافتني ماما وختي قعدو مصدومين منيش موالفة نعدل روحي هكا (ذوك راكم تقولو بعد ماغتا. صبك نضتي توجدي في روحك على جالو، لا منيش نعدل روحي على جالو عدلت على جال عمري وباش ميقولولوش بلي لقيناها مدمرة ومهمومة منحبوش يشوف ضعفي). وجدنا رواحنا وقعدنا نستناوهم شوي هكا جات جداتي وعمتي وخالتي باش يحضرو عيطتلهم ماما قالتلي عيب يجيبو الناس ويلقاونا وحدنا وصلو على 16هكاك جات يماه وختو الصغيرة ومرت خوه لكبير وعمتو وجداتو وخالتو وحدة منعرفهاش والرجال جا باباه وخوه لكبير وجدو وعمو وخالو. فوتو الرجال لصالة لكبيرة والنسا لصغيرة وجدت ختي القهوة وانا ديتلهم سلمت عليهم ويماه تحضن وتبوس ملي كانت تحبني وجداتو تاع يماه تبان عاقلة هو الصراحة لفامي تاعو يهبلو من غيرو هو يعيف. قعدت قدام جداتو تحضن وتبوس قالتلهم مجد يعرف يخير لوكان غير جاو كامل كيفو قعدت تشكر فيا. قصرنا شوي بعدها حكات عمتو لكبيرة_علبالكم علاه جينا اليوم باش نخطبو بنتكم ميرال لولدنا مجد، حكات جداتي وقالتلها من جيهتنا قابلين ومنلقاوش خير منكم بصح الكلمة الاولى ولخرا لباباها وحنا الرجال هوما الي يقررو _في حقك مام حنا هكا. شوي هك عيط بابا لماما وقالها رانا قابلين ناضو يزغرتو ولبستني جداتو خاتم تاع الشوفة وباستني ويماه مدتلي دراهم ختو الصغيرة مدتلي صاشي كبيرة وقالتلي بعثهالك مجد.  سلمو علينا وراحو روحو دارنا يشكرو ويعاودو فيهم وانا ساكتة ماقلت والو، اصلا منيش فرحانة وقاعدة نخمم كيفاش ندير ونرد اعتباري وضربتي ونبرد قلبي.
#فريال