The Mysterious Girl of Terrensia Academy [Completed]

Chapter 94: Exposed

SHAMIERE'S POV

NARAMDAMAN ko ang pag-iba ng kulay ng mga mata ko.Kagaya ng pakpak ko ay naging kulay ginto ang mga ito.

Nang tingnan ko ang mga reaksyon nila ay inaasahan ko nang gulat ang sasalubong sa akin.Hinanap lang ng paningin ko si Theo at nang makitang ligtas naman siya ay mabilis kong binuka ang mga pakpak ko at walang pasabing lumipad pabalik sa himpapawid.Iniwan ko silang laglag ang mga panga at hindi makapaniwala sa kanilang nasaksihan.

Kailangan ko ng tapusin ang kasamaan ni Zokus.

Mabilis kong pinagaspas ang ginintuang mga pakpak ko.Sumasabay naman sa hangin ang malaalon kong kulay gintong buhok,mas tumingkad ang pagiging kulay ginto nito kumpara kanina.

Nang sandaling makarinig ako ng pag pagaspas din ng pakpak ay bumuo agad ako ng atake,gamit ang elementong tubig at ang bolta-boltaheng kuryente ay agad ko itong pinakawalan sa pinagmumulan ng tunog na narinig ko.Pero nang tingnan ko iyon ay wala akong ibang nakita.

Subalit nang lumingon ako pabalik sa harapan ko ay may pabulusok nang mga sandatang gawa sa yelo at apoy papunta sa akin.

Mabilis kong hinarang ang pakpak ko upang maprotektahan ang sarili ko.Napangiti nalang ako nang hindi nagkaroon ng pinsala ang mga ito nang tumama ang ginawa niyang atake.

Ilang saglit pa ay pinikit ko ang mga mata ko at dinama ang paligid.Hindi nagtagal ay napangisi ako nang mapag-alaman kung nasaan ang kaniyang kinaroroonan.Pinalaho ko ang sarili ko at lumitaw sa harapan niya na hindi lingid sa kaalaman ko ay ikinagulat niya.Mabilis akong kumilos at sinipa siya ng makailang ulit bago ko siya sapakin ng pagkalakas-lakas.Alam kong nasaktan siya sa ginawa kong yun,Hari man siya ng kasamaan ay alam kong nanghihina din siya.

Pero hindi pa ako tapos.

Biglang nagkaroon ng espadang gawa sa metal sa kaliwang kamay ko,marahas ko itong tinapon sa taas at sinalo gamit ang kanang kamay ko at dagliang tinutok sa leeg niya.

"Isang maling galaw mo lang,hindi ako magdadalawang-isip na pugutin ang ulo mo." Seryosong sambit ko sa kaniya.Ngunit ang akala ko ay matatapos na ang laban,pero nagkakamali ako.Masyado ko siyang minaliit.

Nakarinig ako ng papalapit na bagay mula sa likuran ko,umikot ako para tingnan ito at mabuti na lang ay nakayuko ako kundi siguradong putol na ang ulo ko.

Ang Zokus na nakarap ko kanina ay isa lang palang clone.Dahil ang totoong Zokus ay nasa harap ko na ngayon.May hawak-hawak siyang mahabang itim na espada at sa dulong hawakan nito ay may disenyong gawa sa bungo.

"Akala mo siguro ay basta-basta mo nalang akong matatalo." Nakangising bigkas niya.

"Hindi hamak na mas malakas ako sa'yo!" Sigaw niya at hinagis ang espada patungo sa direksyon ko na agad ko namang nailagan.

Kinuha ko ang opurtunidad na yun upang atakihin siya habang wala pa siyang sandata.

Ngunit bigo na naman ako.Bago pa man ako makagawa ng hakbang ay hindi ko na maigalaw ang buong katawan ko.Minamanipula niya ang katawan ko!

Tumawa siya na umalingawngaw sa buong himpapawid.Ngayon ko lang napansin na nasa harapan mismo kami ng napakalaking pulang buwan.

Natigil lang siya sa pagtawa nang may tumamang kidlat,apoy,hangin,tubig,lupa at iba't iba pang mga salamangka na ikinasalubong ng husto ng mga kilay niya.Napatingin siya sa ibaba na agad kong sinundan,doon ko nakita ang mga kasamahan ko.

Wala sa sariling napangiti ako.

Dahil sa ginawa nila ay nawala ang atensyon sakin ni Zokus,dahilan ito para makawala ako mula sa pagkokontrol niya sa katawan ko.Mabilis akong kumilos nang akmang magpapakawala siya ng itim na mahika papunta sa kanila,bago pa niya ito tuluyang magawa ay isang gintong enerhiya na ang pinakawalan ko pabulusok sa gawi niya dahilan para dire-diretso siyang bumagsak paibaba sa lupa.

Kinontrol ko ang mga malalaki kong pakpak upang makababa din,nang makaapak na ang mga paa ko sa lupa ay pinalaho ko ang mga pakpak ko at tiningnan ng mariin ang nilalang na ngayon ay nakatayo na at galit na galit na nakatingin sa akin.

Nagsimula akong maglakad papalapit sa kaniya.Ilang kilometro pa ang layo ko nang magsimula siyang magpakawala ng sunod-sunod na itim na salamangka paatake sa akin.Pero gamit lang ang paningin ko ay agad na itong nagsisilihis ng direksyon.

Nang makarating sa gitnang parte ay tumigil ako.Hindi ko inaalis ang paningin ko sa mga mata niya.Nanatili itong nakadikit sa kaniya.

Matapos kong gawin yun ay pumaskil sa labi ko ang kakaibang ngisi,ang ngising sinisigurado kong huli na niyang makikita bago magwakas ng tuluyan ang kaniyang buhay.

THIRD PERSON'S POV

GUMAWA ng barrier ang dalaga kung saan kinapapalooban nilang dalawa ni Haring Zokus upang hindi madamay ang iba niyang mga kasamahan sa kung anuman ang mangyayari.Sinubukan itong tibagin ng kaniyang mga kaibigan ngunit kahit anong gawin nila ay hindi nila ito masira-sira.Wala silang nagawa kundi ang isigaw ang pangalan ng dalaga na ngayon ay kaharap na ang Hari ng Kadiliman na walang iba kundi si Haring Zokus.

Subalit nagtaka silang lahat nang biglang lumiwanag ang buong katawan ng dalaga.Sadyang napakaliwanag na tipong napapikit sila sanhi ng nakakasilaw nitong anhag.Saktong pagmulat ng kanilang mga mata ay siyang pagkawala ng kakaibang liwanag dahilan para makita nila ang panibagong anyo ng dalaga.

Napakurap-kurap sila sa nakita.Hindi nila gustong maniwala sa kanilang nakikita.Gusto nilang isipin na isang imahinasyon lang ang imahe ng babaeng nakikita nila.

Dahil ang babaeng ngayo'y kanilang tinitingnan ay mayroong siyam na mahahabang kulay puting buntot ng isang lobo.

Kitang-kita nila ang bawat paggalaw ng mga buntot nito na tila sumasabay sa pagkumpas ng hangin sa iba't ibang direksyon.

Nasaksihan din nilang lahat kung paanong umanhag sa pagiging ginto ang mga mata nito.

"Sh-Sham?" Halos walang boses na lumabas sa bibig na usal ng binatang si Theo habang hindi inaalis ang paningin sa dalaga.

Maya maya pa'y yumanig ang paligid nang sumigaw sa galit si Haring Zokus habang nanlilisik ang mga matang nakatingin kay Shamiere.Buong lakas nitong kinontrol ang lupa na nasa harapan mismo ng dalaga upang sana'y tapusin na ito nang mabigla silang lahat sa sunod na eksena.

Kasabay ng ginawang pagtalon ng dalaga sa napakalaking tipak ng lupang nasa harapan niya ay ang pagkawasak ng buong kasuotan niya at tumambad sa harap ng lahat ang isang napakalaking puting lobo na may siyam na mahahabang puting buntot.