The Mysterious Girl of Terrensia Academy [Completed]

Chapter 49: The Battle Ground

THIRD PERSON'S POV

Kitang-kita nilang lahat kung paanong pabagsakin ng dalagang si Shamiere ang lahat ng mga kalaban.

Kitang-kita nila kung papaano nitong nagawang kontrolin ang kalupaan na labis nilang ikinagulantang.

"Sh-Sham." tanging naibulalas nila.

Datapwat hindi sila nito pinansin at sa halip ay agad itong kumaripas ng takbo patungo kay Mitch na ngayon ay nakahandusay na't walang malay sa lupa. Gustuhin man niyang pagalingin ang kaibigan ay hindi niya magawa dahil alam niyang mas lalo lang magtataka ang kanilang mga kasamahan nila. Minsan na niya itong nagawa at hindi na niya pwede pang ulitin iyon.

"Dalhin na natin si Mitch pabalik ng academy! Van!" biglang sambit ni Theo na kasalukuyang buhat-buhat ang kaibigan nang tuluyang mahimasmasan sa mga nangyari.

Agad namang lumapit si Van sa kanila at muli silang humawak sa balikat nito.

Sa isang kisap-mata lang ay lumitaw sila sa harap ng tarangkahan ng akademiya. Mabilis silang nagsitakbuhan papasok sa loob, at kahit na pinagtitinginan man sila ay wala na silang pakialam pa basta maihatid lang nila agad ang kaibigan sa silid-pagamutan. Nakasunod lang sa hulihan nila si Shamiere na makikita sa mukha ang labis na pag-aalala't pagkabahala.

Akmang susunod na ito papasok ng klinika nang bigla na lang may kung sino ang humila sa braso niya. Hindi na siya napansin pa ng mga kaibigan niya sa labis na pagkabalisang nadarama nila kung kaya't hindi nila alam na wala na ito sa hulihan nila.

Nang iniharap niya ang taong humila sa kaniya ay agad niya ito nakilala, ito ay walang iba kundi ang kaibigan ni Amanda.

Si Rose.

Matalim ang tingin sa kaniya nito samantalang blangkong tingin lang ang iginawad niya rito.

Hinila siya nito at wala siyang ginawa kung hindi ang magpahila kahit na sa loob-loob niya ay nanggagalaiti na siya sa galit. Nag-aalala siya sa kalagayan ni Mitch pero nandito siya at hila-hila ng babaeng kaaway niya.

Nang makarating sila sa paroroonan ay patulak siya nitong binitawan. Agad niyang pinagmasdan ang paligid at doon niya napag-alamang nasa Battle Ground sila.

At mula sa hindi kalayuan ay nakita niya ang babaeng nakatayo roon at masamang nakatitig sa kaniya. Ilang saglit pa ay naglakad ito papalapit sa kaniya.

"What do you want?" malamig ang boses na tanong niya kay Amanda. Bahagya namang kinilabutan ang huli ngunit agad ding natauhan bago tuluyang sumagot.

"You! Because of you, nawala na nang tuluyan sa 'kin si Theo!" bigla nitong sigaw sa kaniya. Marahil nalaman na nito ang tungkol sa kanila ng kaniyang kasintahan.

"Ever since we were kids, gusto ko na siya! Till now! Pero nawalan na 'ko nang pag-asang makuha siya dahil lang sa isang katulad mo! You pathetic bitch!" sigaw nito at bigla na lang siyang sinampal.

Nagsimula nang magkumpulan ang iba pang mga estudyante papalibot sa kanilang dalawa.

Dahil sa lakas ng pagkakasampal ni Amanda ay bahagya pang napatagilid ang ulo ng dalaga. At nang ibalik niya ang paningin sa kaharap ay bigla itong napaatras nang makita ang poot at galit na nakaguhit sa ngayon ay kulay kayumanggi nitong mga mata.

"Are you done?" walang emosyong anas nito. Hindi nakasagot si Amanda at akmang sasampalin ulit ang dalaga nang madampot nito ang kamay niya.

"If you're angry just because my boyfriend chose me over you then why don't you just go ahead and kill yourself already?" nang-iinsultong pahayag niya. Kitang-kita naman niya ang pagngingitngit ng ngipin ni Amanda na nagpangisi sa kaniya.