The Mysterious Girl of Terrensia Academy [Completed]

Chapter 66: Founded

Mitch's POV

"Talaga lang ah?" Tukso pa niya na mas lalong nagpapula sa mukha ko.

"O-Oo nga!"

Napatawa siya sa sinagot ko.

"Oo na,naniniwala na ako."Aniya at tumingin sa mga mata ko.Palihim naman akong ngumiti pagkatapos kong umiwas ng tingin.

"B-Bakit mo nga pala ako gustong makausap?" Maya maya'y tanong niya.

"H-Ha? G-Gaya nga ng sinabi ko kanina,nakita lang kita kaya kita pinuntahan." Sagot ko ng hindi tumitingin sa kaniya.

"Ahhh." Nakangiting-loko niyang tugon.

"Iba yang iniisip mo ah! Sabing hindi nga ganun-"

"RAWWWWWRRR!!!" Naputol ang sasabihin ko nang makarinig kami ng isang malakas na pag-atungal.Nagkatinginan kaming dalawa at sabay na napalingon sa likuran namin.Doon namin nakita ang dalawang naglalakihang mga ogres.

Nakakatakot ang mga itsura nila at kakaiba ang kulay ng mga balat nila.

"Mitch!" Mabilis akong hinila ni Kean papunta sa likod niya.

"N-Nasa labas na pala tayo ng Akademiya,k-kaya pala may mga Zokusians dito." Saad ko.Kung nakinig lang sana ako sa sinabi ni Theo sakin kanina.

"Mitch kapag s-sinabi kong tumakbo ka,tumakbo kana." Narinig kong sambit ni Kean habang nanatiling nakaharap pa rin sa mga paparating ng mga kalaban.

"Ano?! Pano ka? Sabay na tayong umalis dito,o di kaya pareho natin silang labanan."

"Hindi Mitch, hindi sila pangkaraniwang Ogres, malalakas sila.Baka hindi natin sila kayanin."

"Pero Ke-"

"Makinig ka sakin Mitch, susubukan kong pigilan sila.Umalis kana!" Sigaw niya at bigla nalang tumakbo pasulong sa dalawang Ogres.Ngunit ganun nalang ang panlalaki ng mga mata ko nang bago pa man siya makalapit sa kanila ay nasaksihan ko ang pagkapunit ng kaniyang kasuotan at ang biglaan niyang pagpalit ng anyo.Bigla nalang siyang naging isang napakalaking lobo.

Kulay puti ang balahibo niya kaya sigurado akong hindi siya kabilang sa mga itim na taong-lobo na kapanig ng mga Zokusians.

Ibig bang sabihin nito...isa siyang werewolf?

Triple ng laki ko ang kabuuan niya.Nang lumingon siya sa akin ay nakita ko ang kulay dilaw niyang mga mata.Tila isang mensahe ang ipinahiwatig niya sa akin sa tinging iyon na umalis na ako.Ngunit ng dahil sa paglingong ginawa niya ay hindi niya nakita ang matulin na pagtakbo ng isang Ogre papunta sa direksyon niya at akmang hahampasin siya ng hawak nitong malaking pamalo.Mabuti nalang at mabilis siyang tumakbo at tinalunan ang Ogre.Nasaksihan ko ang pagsakmal niya sa leeg nito at ang pag-atake niya sa iba't ibang parte ng katawan nito gamit ang kaniyang naghahabaan at matatalim na mga kuko.

"Kean sa likod mo!" Dahil sa abala siya sa pag-atake sa isang kalaban ay hindi na niya namalayan ang paglapit ng isa pang Ogre sa likuran niya.Hahampasin na siya nito ng malaking pamalo ngunit mabuti nalang at mabilis akong nakagawa ng atake.

Isang ipo-ipo ang binuo ko at matulin itong pinabulusok papunta sa isang Ogre.

Mabilis itong tinamaan at tinangay papalayo ngunit nang akala ko'y tuloy tuloy itong masasaktan ay nagkamali ako.Dahil tama nga si Kean,hindi basta basta ang mga Ogres na ito.Sa isang hampas ng pamalo niya ay agad na naglaho ang ginawa kong ipo-ipo.Bumagsak siya sa damuhan at mabilis na tumayo at tumakbo papunta sa akin.Bago pa niya ako tuluyang malapitan ay bumuo nako ng mga air spears. Dahil sa gawa ito sa hangin ay hindi niya ito nakita.Nang bumulusok na ito sa direksyon niya ay muli siyang natumba.Puno na ng sugat ang buo niyang katawan.Akmang babangon muli siya pero agad kong pinalaho ang hanging nakapalibot sa paligid niya dahilan para suminghap-singhap siya.Tumagal ito ng ilang minuto at hindi kalaunan ay hindi na siya gumalaw,senyales na wala na itong buhay.