The Mysterious Girl of Terrensia Academy [Completed]

Chapter 68: Time

SHAMIERE'S POV

Matapos ang anunsiyo ay agad na kaming nagsilabasan ng gymnasium.

Nagkita-kita kami sa labas nila Theo at kagaya nang nakasanayan, maging si Dawn ay nandito rin.

"Hey." salubong sa 'kin ni Theo at ginawaran ako ng isang mabilisang halik sa pisngi. Ginantihan ko naman siya ng isang pilit na ngiti.

Hindi pa rin mawala-wala ang kakaibang nararamdaman ko sa inilathala sa amin.

Gayunpaman, kahit na bumabagabag ito sa 'kin ay pilit ko itong iwinaksi mula sa isipan ko at itinuon na lang ang atensyon ko sa mga kasama ko.

"Cafeteria muna tayo! Gutom na 'ko!" anyaya sa 'min ni Eros habang nakaakbay kay Bea.

"Ha? Kakakain lang namin sa dorm, eh." sagot naman sa kaniya ni Bea na bahagya pa siyang tiningala.

"Ede, samahan niyo na lang kami."

Hindi ko na lang sila pinakinggan pa at tumingin na lang kay Theo.

"Ikaw? Kumain ka na?" tanong ko sa kaniya. Hinawakan naman niya ang kamay ko at marahan itong pinisil bago ako gawaran ng munting ngiti at umiling.

"Just seeing your beautiful face makes me full already." banat pa niya na agad kong ikinapula't ikinatawa.

Ngunit agad 'yong naputol nang agawin ng kung sinuman ang atensyon ko.

"Ah, Sham?" magkasabay kaming  napatingin kay Mitch nang tawagin niya ako.

Base sa sinabi nila kahapon ay tila malalim daw ang iniisip nito, at kung titingnan siya ngayon ay parang may matinding iniisip nga siya.

Abala pa ang iba sa pakikipag-usap kung kaya't walang nakakapansin sa aming tatlo rito.

"Ano 'yon, Mitch?" agad kong tanong sa kaniya.

"A-Ah, ano, k-kasi." tila'y nagdadalawang-isip pa siya kung sasabihin niya sa akin ang dapat niyang sabihin.

At dala ng matinding kuryusidad na namayani sa sistema ko ay agad kong ginamit ang abilidad ko sa kaniya.

"Sasabihin ko ba o hindi? Pero paano kung magalit siya 'pag hindi ko sinabi? Pero gusto kong malaman kung ano ang nakapaloob sa bagay na 'yon."

I read her mind.

Agad na lang na napakunot ang noo ko dahil sa mga nabasa ko.

Ano ang bagay na tinutukoy niya?

"A-Ah, wala, wala." pinal at hindi makatingin sa mga mata kong anas niya at mabilis na naglakad papunta sa direksyon nila Bea.

"What's wrong with her?" mula sa kawalan ay naibulalas na lang ni Theo.

Hindi naman naalis ang paningin ko kay Mitch.

Something's bothering her.

Hanggang sa tuluyang lumampas ang mga mata ko mula sa kaniya at agad na dumapo kay Dawn na sa hindi ko inaasahang pangyayari ay kasalukuyan na ring nakatitig sa akin.

Walang makikitang emosyon na nakapaskil sa kaniyang mga mata ngunit nang makita't tuluyang maproseso sa kaniyang isipan na nakatingin din ako sa kaniya ay agad-agad siyang napangiti bago marahang kumaway sa akin na ginantihan ko lang ng isang marahan na pagtango.

Ipagpatuloy mo lang ang ginagawa mo at tinitiyak ko sa 'yo, may araw ka rin sa akin.

"Let's go." walang ano-ano'y saad ni Van at nagpaumuna nang maglakad na agaran namang sinundan ng iba pa sa amin.

Nagulat na lang ako nang akmang maglalakad na kami ni Theo pasunod sa kanila ay biglang may kung kaninong kamay ang agad na pumulupot sa braso ko.

Paglingon ko sa kung sino ang may-ari no'n ay do'n ko nakita si Amanda na maarteng nakatingin sa likod ni Dawn. Maya-maya pa'y tumingin siya sa akin at matamis na ngumiti.