The Mysterious Girl of Terrensia Academy [Completed]

Chapter 55: Sea Monsters

MITCH'S POV

Napapikit na lang ako nang biglang humampas sa amin ang napakalaking alon.

Naramdaman ko ang agarang pagdampi nang malamig na tubig sa katawan ko at ang biglaang pagsakop nito sa kabuuan ko.

Ngunit naimulat ko ang dalawa kong mga mata nang may maramdaman akong humawak sa kamay ko. Nang tingnan ko ito ay hindi ko pa maaninag kung sino ito dahil sa tubig na namutawi sa amin, ngunit nang aninagin ko itong nang mabuti ay nasilayan ko si Theo. Kinampay niya ang kaniyang kabilang kamay para hindi kami tuluyang mapailalim. Halata na sa mukha niya ang labis na pag-aalala para sa iba pa naming mga kasama.

Nagsimula na rin akong lumangoy paibabaw.

Nang makaahon kami ay napaubo pa ako ng tubig.

"W-Where are the others?" tanong niya.

"Hindi ko alam. Bigla na lang tayong nagkahiwa-hiwalay nang humampas ang alon kaya-"

"Dito!" agad kaming napalingon ni Theo sa sigaw na 'yon. Do'n namin nakita si Gino na kakaahon lang din mula sa ilalim. Lumangoy siya papunta sa amin.

"Nasaan sila? Sina Shamiere? Si Dawn?" sunod-sunod kong tanong ngunit isang iling lang ang isinagot niya sa akin.

Hindi pa man din kami nakakalapit sa kinaroroonan ng Aquos ay ganito na ang nangyari.

Ilang saglit pa ay isang tunog galing sa tubig na tila ay may sunod-sunod na umahon ang nakaagaw sa pansin naming tatlo.

Nakahinga ako nang maluwag nang makita ko sina Serene, Eros, Lash, Megan at Kianah.

Lumangoy kami papalapit sa kanila. Uubo-ubo pa silang lahat bago nila kami makita.

"Mitch! Thank goodness you're okay!" ani Serene.

"Salamat din at ayos kayo."

"Where's Van?" biglang singit ni Megan. Agad naming inilibot ang paningin namin ngunit hindi namin siya makita.

"Si Shamiere? Si Dawn?!" nag-aalala ng tanong ni Lash.

Ang kabang bumalot kanina sa akin ay muli na namang nanumbalik nang mapagtantong wala nga silang tatlo rito.

"Serene can you use your ability?" biglang sabat ni Theo. Alinlangan namang tumingin si Serene sa kaniya bago dahan-dahang tumango.

"Susubukan ko."

Maya-maya pa'y pumikit na siya at nagpokus sa ginagawa niya.

Telepathy.

Kaya niyang makipag-komunikasyon gamit ang isip ngunit hindi niya pa ito lubusang nagagamit dahil hindi niya ito kontrolado.

Nang magmulat siya ay mahahalata sa mukha niya ang pagkabigo. Unti-unti siyang umiling.

"Subukan mo ulit, we have to make sure that they're safe."

Makikita sa mukha ni Serene na hindi niya talaga kaya ang ipinapagawa sa kaniya ni Theo, akmang sisingit na 'ko sa usapan nang makarinig kami ng pagkampay sa tubig. Napatingin kami sa likuran ni Theo at do'n namin nakita sina Van kasama si Dawn at parehas silang lumalangoy papunta sa gawi namin.

"Where's Shamiere?!" tumaas na ang tonong tanong niya.

"I-I didn't saw her." dismagadong sambit ni Van.

"Damn it!"

Susulob na siya pailalim ng tubig nang bigla siyang hawakan ni Megan.

"Where are you going?" may bahid ng pag-aalalang tanong niya.