The Mysterious Girl of Terrensia Academy [Completed]

Chapter 53: Water Kingdom

SHAMIERE'S POV

Napatigil sa ere ang mga sandata ilang dipa ang layo mula kay John nang marinig ko ang malakas na pagsigsw na 'yon.

Napalingon ako sa gilid at mula sa labas ng force field ay nakita ko si Dawn na kinakalampag ang harang at pilit itong sinisira. Nagtaka ako sa ikinikilos niya, tinapunan ko siya nang naggugulumihanang tingin at agad itong ibinalik sa kaharap ko.

Ano ang relasyon niyong dalawa?

"Shamiere!" sunod kong narinig ang boses ni Theo na tinawag ang pangalan ko kaya muli kong nilingon ang pwesto ni Dawn at do'n ko nakitang kasama na niya sina Theo at ang iba pa.

Seryoso at nag-aalala ang ekspresyon ng mukha niya. At nang dahil sa naagaw nila ang atensyon ko ay nawala ang pokus ko sa lalaking nasa harapan ko. Nabalik lang ito nang sunod-sunod kong marinig na nagsibagsakan ang mga sandatang nakalutang sa ere.

Isang ngisi ang ipinamalas niya at akmang susugod na pasulong sa akin ngunit mabilis akong nakabuo ng kadenang gawa sa apoy at walang pag-aalinlangan itong ipinulupot sa katawan niya.

Sa sandaling iyon ay naglaho ang force field na gawa sa itim na enerhiya. Pilit siyang pumapalag mula sa pagkakagapos sa kaniya ng kadena pero hindi niya magawang kahit na ang makagalaw man lang.

Nakita kong papalapit na sina Dawn sa 'min kasama sina Theo maging ang iba pang mga estudyante.

"John? John?!" agad na sinubukang hawakan ni Dawn si John pero napahiyaw lang siya nang mahawakan niya ang kadenang gawa sa apoy na binuo ko.

"Parang awa mo na, kunin mo 'tong kadenang 'to. Baka masunog si John!" pagbaling sa 'kin ni Dawn. Ngunit hindi ako makapag-isip ng maayos.

Bakit ganito na lang siya kung umasta pagdating kay John? Kaano-ano niya ba siya?

"But, Dawn! That's not John! Someone's using his body!" biglang sabat ni Serene. Maluha-luha namang napatitig sa kaniya si Dawn.

"Get out of my way!" narinig ko ang papalapit na boses ni Professor Harson. Nang makalapit na siya ay seryoso siyang tumingin sa 'kin bago niya balingan ng tingin si John.

Wala pa rin ito sa sarili niya.

"Someone's manipulating his body." wika ni Theo habang nakatingin sa propesor. Tumingin naman ito sa kaniya pabalik.

"I know. The creature who's controlling him is a Zokusian for sure, we need to take the black smoke out of his body. Kung tatagal pa 'to sa katawan niya aymaaari niya itong ikamatay."

Nakita ko naman ang panlalaki ng mga mata ni Dawn na lalong nagbigay pagsasapantaha sa akin.

"A-Ano?! Kailangan natin siyang iligtas!"

"Calm down, Ms. Devons. He will be okay." paniniguro nito sa kaniya at humarap kina Theo.

"Tulungan niyo akong dalhin siya sa clinic. Tingnan natin kung may magagawa ang mga Derrians at ang mga healers."

"ARGHHHHH!!!"

Lahat kami ay muling natuon kay John ang paningin nang kumawala sa bibig niya ang napakalakas na sigaw na tila ba'y gustong wasakin ang kadenang nakapulupot sa kaniyang katawan. Wala na akong pagpipilian pa kung kaya't agad akong bumulong sa hangin ng kung anong salita dahilan para matumba siya sa damuhan at tuluyang mawalan ng malay.

* * * * *

"Napalabas na namin sa katawan niya ang itim na usok na siyang dahilan kung bakit siya nagkagano'n." sambit ng Derrian.