The Mysterious Girl of Terrensia Academy [Completed]

Chapter 81: Terrensia's Magissy Ball Part II

THIRD PERSON'S POV

NASA harap na ng isang napakataas at napakalaking doubledoor sina Bea at Yvonne kasama nina Eros at Gino.

Nang sandaling kumatok si Eros sa pintuan ay siyang pagbukas nito.Tumambad sa harap nila ang isang napakalawak na silid na punong-puno ng mga mamahaling kagamitan.Napaka-engrande nitong tingnan na labis na ikinamangha ng dalawang dalaga.

"W-Wow." Walang boses na naibulalas ni Yvonne habang tinitingnan ang buong silid.

"A-Ang ganda." Nakangangang sambit ni Bea na ikinatawa ng dalawang binata.

"Shall we?" Tanong ni Eros na iminuwestra pa ang kamay papasok sa nasabing silid.Dahan-dahan namang tumango ang dalawa sa kanila.

Inalalayan nilang dalawa sina Bea papasok ng GrandHall.

Dumaan muna sila sa isang malawak na mwebles na sahig at habang naglalakad ay hindi pa rin mapigilan ng dalawa ang mamangha.Halos ginto ang lahat ng bagay na nakikita nila, hindi na nila mapigilan ang sarili sa sobrang pagkamangha sa nakikita.

Ngunit napatigil sila sa gitna ng paglalakad at sabay na napatingin sa itaas.Sabay silang dalawa na napaawang ang labi nang makita ang isang napakalaki at napakaengrandeng chandelier sa taas.Kulay ginto din ito sadyang kakaiba ang ilaw na nanggagaling dito.Sadyang nakakamanghang pagmasdan.

Tatawa-tawang napapailing sa kanila ang dalawang lalaki at muli na silang inakay papunta sa sarili nilang mesa.Nang marating ito ay dun nila nakita sina Mitch at ang iba pa.Tumayo ang mga ito at binati sila.

"Wow!You look so gorgeous in that gown,both of you." Papuri sa kanila ni Serene habang nakangiting pinagmamasdan ang mga suot nila.Gaya ng lahat ay nakasuot din ito ng kulay itim na Ballgown na may palamuting kulay asul na mas nagbibigay pansin sa kaniyang kasuotan.

"Salamat! Ang ganda ganda mo rin ngayon." Sagot sa kaniya ni Yvonne.

"Ngayon lang?" Pabalik na biro sa kaniya nito dahilan para magtawanan sila.

"Pero seryoso,ang gaganda niyo rin talaga ngayon." Sambit ni Bea na pinasadahan pa sila isa isa ng tingin.

Kakaiba ang mga damit nila dahil sa bukod na kulay itim din ang mga ito ay umiinggat ang mga elementong tanyag nila sa sariling kasuotan.Sa isang tinginan pa lang alam na alam na kung anong kapangyarihan ang meron sila.

"Salamat." Nakangiting sagot ni Mitch sa dalawa.

"Nasaan na nga pala si Theo? Bakit wala siya dito?" Tanong ni Gino nang mapagtantong kulang sila.Luminga-/linga pa siya sa paligid.

"Hindi ba kayo nagkita? Ang sabi niya kasi susunod nalang daw siya,pupuntahan niya pa raw si Shamiere eh.Hayst, naaawa ako kay Shamiere." Si Megan.

"Ha? Hindi eh,hindi namin siya nakita,baka nagkasalisihan kami.Pero kung pupuntahan niya si Shamiere,wala siyang aabutan dun.Wala si Sham sa dormitoryo nila eh,umalis raw sabi ni Bea." Pahayag naman ni Eros kaya sabay sabay silang napabaling ng tingin kay Bea.

"Saan siya pumunta?" Magkakasabay nilang tanong na ikinagitla ng dalaga.Akmang sasagot na siya nang maunahan siya ni Kianah.

"Andyan na si Theo oh!" Turo nito sa isang binatang naglalakad papalapit sa kanila na nakasuot ng itim na Tuxedo na umaapoy sa parteng dulo nito.

Habang naglalakad ito papalapit sa kanila ay hindi naman maawat sa paghiyawan ang mga kababaihan dahil sa porma nito.Hindi ito pinansin ng binata at nagpatuloy nalang sa paglalakad papunta sa mga kaibigan.

Nang marating nito ang pwesto nila ay siya namang pagbati at pagpuri ng mga kaibigan niya sa kaniya.

"Ang gwapo natin dre ah!" Ani Gino na tinapik pa siya sa balikat.