တစ်နာရီတစ်သိန်း အစားထိုးချစ်သူ

အခန်း၄၆

ကျီဖန်ယင်းသည် အလုပ်ချိန် ပြင်ပဖြစ်တာ​ကြောင့် သူနဲ့ စကားပြောဖို့ကို စိတ်မ၀င်စားပေ။ သူမသည် ဘိုင်ကျိုးကို သူစိမ်းတစ်ယောက်ကဲ့သို့ တစ်ချက်သာကြည့်လိုက်ပြီး သူမရဲ့ ငရုတ်ဆီကြက်သားမွှကြော်ကို ယူဖို့သွားလိုက်သည်။

ဒါပေမယ့် သူမ ခြေလှမ်းအနည်းငယ်လှမ်းပြီးတာနဲ့ ဘိုင်ကျိုးက ရုတ်တရက် သူမကို လှမ်းဆွဲလိုက်ပြီး "စုန့်ရှီးယွီနဲ့ တွေ့မလို့လား"

ကျီဖန်ယင်း မျက်တောင်ခတ်လိုက်သည်။

သူမရဲ့ ဝတ်စားဆင်ယင်မှုပုံစံက ကျီရှင်းရှင်းနဲ့ သိသိသာသာ ကွဲပြားနေ​လေ့ရှိတာကြောင့် ဘိုင်ကျိုးက အခုလို ကောက်ချက်ချတာ အံ့သြစရာတော့ မဟုတ်ပါဘူး။

ဘိုင်ကျိုးသည် ကျီဖန်ယင်း၏ ဖုန်းစခရင်ကို တစ်ချက်ကြည့်လိုက်တော့ သူမ စေ့စပ်စွာ တည်းဖြတ်ထားသည့် သုံးသပ်ချက်ကိုဖွင့်ထားဆဲဖြစ်ပြီး စကားတစ်ကြောင်းကို မြင်လိုက်ရသည်၊ 'ငါဒီလို မဝမ်းနည်းခဲ့တာ ကြာ​ပြီ။'

သူသည် ချက်ချင်းပင် စုန့်ရှီးယွီဘက်မှ မကျေမနပ်ဖြစ်ခဲ့ပြီး အပြစ်တင်ခဲ့သည်ဟု သဘောပေါက်လိုက်သည်။

ဘိုင်ကျိုး၏ စူးစိုက်ကြည့်မှုအောက်တွင် ကျီဖန်ယင်းသည် ဖုန်းစခရင်ကို တည်ငြိမ်စွာပိတ်လိုက်ပြီး အိတ်ကပ်ထဲသို့ ထည့်လိုက်သည်။ "မနေ့ကလို၊ ငါ့ဖောက်သည်မှာကိစ္စတစ်ခုရှိလို့ အလုပ်က စောထွက်လာတာ။"

ဘိုင်ကျိုးက သူ့လက်တွေကို အိတ်ကပ်ထဲကို ထည့်လိုက်ပြီး "အဲ့တော့ စုန့်ရှီးယွီ မင်းကို ပစ်ထားလို့ ငိုနေတာပေါ့"

ကျီဖန်ယင်းသည် ဤနေရာတွင် ကြီးမားသောသ နားလည်မှုလွဲမှားမှု​ကြီးရှိနေမှန်း သိသော်လည်း ရှင်းလင်းရန်ကို လုံးဝစိတ်မ၀င်စားသလို နားလည်းထောင်ချင်မနေပေ။

"မင်းသူ့ကို အဲ့လောက်ကြိုက်တာလား။ ကြိုက်တယ်ဆိုရင်လည်း မင်းသူ့ကို ရအောင် နည်းလမ်းရှာလေ။" ဘိုင်ကျိုးက ပြောသည်။

ဘိုင်ကျိုးဟာ သူ့ရဲ့ချစ်သူပြိုင်ဘက်တစ်ယောက်ကို ဖယ်ရှားဖို့ သူမကိုအသုံးပြုဖို့ ရည်ရွယ်နေတယ်ဆိုတာ ကျီဖန်ယင်းက ချက်ချင်းနားလည်လိုက်ပါသည်။ သူမသည် နည်းနည်းစဉ်းစားပြီးနောက် တင်းမာသောလေသံဖြင့် "အဲ့လိုသာရရင် သူအစောကြီးကတည်းက ငါ့ကိုပြန်ကြိုက်နေပြီ" လို့ ပြန်ဖြေလိုက်ပါသည်။