တစ်နာရီတစ်သိန်း အစားထိုးချစ်သူ

အခန်း၅၃

ခြေလက်ဆေးပြီးနောက် ကျီဖန်ယင်းသည် အိပ်ယာပေါ်တွင် လှဲလျောင်းကာ အိပ်ရာမဝင်ခင် လုပ်နေကျအတိုင်း 'အိမ်ပြန်ဖို့ရန် ဖျားယောင်းသွေးဆောင်ခြင်း'ရှိ မှတ်တမ်းများကို စစ်လိုက်သည်။

သူမ မှတ်တမ်းကို ကြည့်ရင်း ထူးခြားချက်တစ်ခုကို သတိပြုမိလိုက်သည်။

သူမသိပင်မသိသောသူများဆီမှ ယနေ့နေ့လည်မှစ၍ စိတ်ခံစားချက်အမှတ် အနည်းငယ် ရရှိနေပြီး ပုံမှန်ထပ် သုံးပုံနှစ်ပုံလောက်ထိ နည်းပါးပေသည်။

ကျီဖန်ယင်းသည် ခဏလောက်စဉ်းစားပြီးနောက် သူမ Weiboကို မသေချာမရေရာစွာ စစ်ဆေးကြည့်လိုက်သည်။

သူမထင်ထားတဲ့အတိုင်းပင်၊ သူမနေ့လည်က တင်ခဲ့တဲ့ ရုပ်ရှင်သုံးသပ်ချက်က ပျံ့နှံ့သွားခဲ့သည်။ shareပေါင်းတစ်သောင်းကျော်ရှိပြီး likeများက ပိုတောင်များသေးသည်၊ ထိုပိုစ့်သည် အခုထိ အရှိန်သေသေးပုံ မပေါ်ပါ။

စိတ်အားထက်သန်သော ကောမန့်အများအပြားလည်းရှိနေခဲ့ပြီး အချို့မှာ အပြုသဘောဆောင်သော်လည်း အချို့မှာတော့ အဆိုးမြင်ကြသည်... သို့သော် ကျီဖန်ယင်းအတွက် အရေးမပါပေ။

သူမသည် shareထားသော ပို့စ်များကို အေးအေးဆေးဆေး တိတ်တဆိတ် စစ်ဆေးခဲ့ပြီး မကြာမီတွင် ထိုရုတ်ခြည်း နာမည်ကြီးလာမှု၏ အရင်းအမြစ်ကို သိသွားသည်။ နာမည်​ကြီးတစ်ဦးသည် သူမ၏ရုပ်ရှင်သုံးသပ်ချက်ကို likeလုပ်ခဲ့ပြီး ခုထိ likeကိုမဖြုတ်သွားသေးပေ။

ထို့ကြောင့် ကျီဖန်ယင်းသည် ထိုနာမည်ကြီးနှင့် သူမသိသလားဟု သိချင်တာကြောင့် ရှာခဲ့သည်။ သူမသည် ဤကမ္ဘာရှိ ရုပ်ရှင်အများအပြားကိုကြည့်ဖူးတာကြောင့် လေးကြိမ်တိုင်တိုင် 'အကောင်းဆုံးဇာတ်ဆောင်' ဆုကိုရရှိခဲ့သည့် ရှပ်ရှင်းမင်းသား ဟဲရှန်ဆိုတာ သိလိုက်ရသည်။

ကျီဖန်ယင်းလို အနုပညာ​လောကအတွင်းရှိလူတစ်ဦး၏ ရှု့ထောင့်မှပင် သူ၏သရုပ်ဆောင်စွမ်းရည်သည် အရမ်းကောင်သည်ဟု ခံစားမိခဲ့သည်။ တကယ့်ကို အနုပညာရှင်လို့ ခေါ်ထိုက်တဲ့သူဖြစ်ပါသည်။

ပိုတောင်ရှားပါးတာက သူက ရုပ်ရည်လည်း ချောမောသည်။

သူမသာ အနုပညာလောကထဲရှိနေရင် သူနဲ့အတူသရုပ်တောင်ကြည့်ချင်ပေမဲ့ အခုလောလောဆယ်မှာတော့ မဖြစ်နိုင်သေးပေ။