တစ်နာရီတစ်သိန်း အစားထိုးချစ်သူ

အခန်း၇၈

ဘိုင်ကျိုးက အချိန်အတော်ကြာပြီးနောက် စကားပြောလာသည်။

သူသည် "ငါ့အဖေမှာ တရားမ၀င် သားတစ်ယောက်ရှိတယ်တဲ့။" ဟူသော သတင်းထူးကို ထုတ်ပြောလာသည်။

ကျီဖန်ယင်းက သိပ်ပြီး မအံ့သြသော်လည်း မျက်လုံးပြူး​ကာ "ဘယ်လိုဖြစ်တာလဲ။ ဒီ​နေ့မှ​သိ​လာ​တာ​လား။"

"သူက ငါ့ထက် သိပ်တောင်မငယ်ဘူး။" ဘိုင်ကျိုးက လှောင်ပြောင်ကာ "သူက အဘိုးကြီးနဲ့ တစ်ပုံစံတည်းပဲ။ အတွင်းရေးမှူးလီက ဒီနေ့ အဘိုးကြီးက ငါ့ကိုမိတ်ဆက်ပေးစရာ လူနှစ်ယောက်ရှိတယ်လို့ပြောတုန်းက အရေးကြီးတဲ့လူတွေလို့ ထင်ခဲ့တာ။ တကယ်မိတ်ဆက်ပေးတာက သူ့အငယ်အနှောင်းနဲ့ တရားမ၀င်သားနဲ့လေ။"

ကျီဖန်ယင်း : 'သေချာပေါက် အထက်တန်းလွှာအသိုင်းအဝိုင်းက ရှုပ်ထွေးတာပေါ့။'

"ငါတစ်ယောက်တည်းပဲ အမွေဆက်ခံသူပါတဲ့…" ဘိုင်ကျိုးက လှောင်ပြောင်ပြီး  "သူ့ရဲ့ပိုက်ဆံ​တွေနဲ့သာဆို သူတို့နှစ်ယောက် တစ်သက်လုံး ကောင်းကောင်းနေနိုင်မှာပဲကို။"

ကျီဖန်ယင်းသည် လုံးဝမအံ့သြပါပေ။

ဘိုင်ကျိုး၏မိဘများကဲ့သို့ စုံတွဲတစ်တွဲဟာ အိမ်ထောင်​ရေးကိစ္စများကို မျက်ကွယ်ပြုဖို့ သဘောတူလိုက်တဲ့အခါ၊ တစ်ယောက်မဟုတ် တစ်ယောက် တရားမ၀င်ကလေးရှိတတ်ကြပါသည်။

တရားမ၀င်ကလေးများသာ အမွေများကို စိတ်မဝင်စားလျှင် ကံကောင်းတာသာဖြစ်ပြီး အများစုသည်တော့ အမွေများကို လုကြပါသည်။ ကျီဖန်ယင်း သူမရဲ့အရင်ကမ္ဘာမှာ ဒါမျိုးတွေကို အများကြီးတွေ့ဖူးတယ်။

"သူတို့ကို ငါနဲ့တောင် လာမိတ်ဆက်ပေးတယ်ဆိုတော့ 'အမေ' နဲ့ 'ညီလေး' လို့ခေါ်စေချင်​နေတာလားပဲ။" ဘိုင်ကျိုး ခွက်ကို တင်းတင်းကျပ်ကျပ် ဆုပ်ကိုင်လိုက်သည်။  "ဒီနေ့ သူသာ ငါ့ရှေ့မှာ ပေါ်လာခဲ့ရင် သေချာပေါက် ထိုးခဲ့မှာ။"

သူမ နားလည်သွားပြီ။ ဒါက ဒီနေ့ ဘိုင်ကျိုး ရန်ဖြစ်တဲ့ အကြောင်းရင်းပေါ့။

ကျီဖန်ယင်း စိတ်ထဲတွင် သက်ပြင်းချလိုက်သည်။

သူမသာဆိုရင် သူ့ရဲ့စိတ်ပျက်စရာကောင်းတဲ့ မိဘတွေနဲ့ သူတို့ရဲ့ကိုယ်ရေးကိုယ်တာကိစ္စတွေကို ခေါင်းထဲထည့်ပြီး ဂရုစိုက်နေမှာမဟုတ်ပေ။ ဘာပဲဖြစ်ဖြစ် အချိန်ဖြုန်းနေတာသာ ဖြစ်လိမ့်မည်။