ဟော့ပေါ့ဆိုင်ထဲမှာ ဘာရှိတာလဲ?......
ဆီပူတွေ………
ပုံမှန်မဟုတ်တဲ့အချိန်မှာ ပုံမှန်မဟုတ်တဲ့လုပ်ဆောင်ချက်တွေနဲ့ပဲ ပြန်တုန့်ပြန်ပေးရမယ်…………..
ဟော့ပေါ့ဆိုင်ထဲသို့ ရန်ပြုလိုသည့်စိတ်ဖြင့်ဝင်လာသည့်လူများမှာ နာကျင်စွာအော်ဟစ်ပြီး ပြေးထွက်သွားကြသည်။
ဖူအန်မှာ နောက်မှလိုက်လာသည့်လူများကို နှင်လွှတ်ပြီးနောက် ဆိုင်လေးထဲတွင် လက်ထဲ၌ ဘာမျှမရှိတော့သည့်သံအိုးကိုကိုင်၍ ရပ်လျှက်ပင် ရှိသေးသည်။
ငါ့ကို အလွယ်တကူလာကြောလို့ရတဲ့လူများထင်နေတာလားမသိဘူး………….
အပြင်ဖက်တွင် နာကျင်စွာအော်ဟစ်သံများ ဆူညံနေသည်။ များပြားလှသည့်ဆူညံသံများကြောင့် စက်ရုပ်အများအပြားအာရုံစိုက်မိသွားသည်။
သူတို့ရောက်လာကြသည်။
ဖူအန်က သူမဆီမှလုယက်မည့်သူထဲတွင်အဆိုးဆုံးဖြစ်သည့်လူအားဆွဲလိုက်ပြီး ကြီးမားလှသည့်သံအိုးကြီးကို သူ့နောက်တွင်ဝှက်လိုက်၏။
ထို့နောက်ချက်ချင်းပင် လှလှပပခုန်လိုက်ပြီး ဟော့ပေါ့ဆိုင်၏ တံခါးထောင့်နေရာတစ်ခုဆီသို့ ရောက်ရှိသွားသည်။
“အား………..အား………….ကူညီကြပါအုန်း”
စက်ရုပ်များရောက်လာသည့်အခါ နာကျင်စွာအော်ဟစ်နေသည့်လူများက တုန်လှုပ်စွာဖြင့် အကူအညီတောင်းလိုက်ကြသည်။
ဖူအန်မှာ အမူအရာမပျက်စေပဲ ဆီများရွဲနေသည့်ကြမ်းပြင်ပေါ်တွင်လှဲနေသည့်လူအားလက်ညှိုးထိုးလိုက်ကာ ………
“သူတို့ရန်ဖြစ်နေကြတာ………..ကြောက်စရာကြီး”
စက်ရုပ်များမှာ ရပ်တန့်သွားပြီး နောက်သို့ပြန်လှည့်လိုက်ကာ ကြမ်းပြင်ပေါ်တွင်လဲနေကြသည့် လူ ၃၊ ၄ ယောက်ကို ဆွဲယူလိုက်၏။
သူတို့ရှေ့မှ ဖူအန်ထွက်လာသောအခါ ယခုလေးတင်နာကျင်စွာဖြင့် ပြေးထွက်လာခဲ့ကြသည့် ကစားသမားများမှာ ကြောက်လန့်တကြား နောက်ဆုတ်မိလိုက်ကြသည်။
