(ဂုဏ်ယူပါတယ်…………ကစားသမားဖူအန်…………….’လုံးဝသုည’ ဂိမ်းကို အောင်မြင်စွာနဲ့ ကျော်ဖြတ်နိုင်ခဲ့ပါပြီ………………..
ဤတစ်လှည့်ဂိမ်းအတွက် ရမှတ် ၂၀ ရရှိမှာ ဖြစ်ပါတယ်………..
တစ်ချိန်တည်းမှာပဲ ဒီတစ်လှည့်ဂိမ်းမှာ သင်ဟာ အရန်ကိုယ်စားလှည် ၆ ယောက်ကို သုတ်သင်နိုင်ခဲ့တဲ့ အတွက် အပိုရမှတ် ၆၀ ကို ရရှိမှာ ဖြစ်ပါတယ်………..)
ဂိမ်း၏ပင်မနေရာလွတ်ဆီသို့ပြန်ရောက်လာသည်နှင့် ခန္ဓာကိုယ်မှာ ချက်ချင်းပင် ပြန်လည်ကောင်းမွန်သွားသည်။
ဖူအန်၏တင်းကြပ်နေသည့်အမူအရာများမှာ အနည်းငယ်သက်သာရာရသွားသည်။
ငါဒီဂိမ်းထဲမှာ သေတော့မလို့ပဲ………….
တော်သေးတယ်……..မြန်မြန်ပြီးသွားလို့………
သူမအသက်ပြင်းပြင်းတစ်ချက်ရှုလိုက်ပြီး ရှေ့မှ အိုင်ဒီကတ်ကိုကြည့်လိုက်၏။
အပေါ်ရှိအချက်အလက်များမှာ အနည်းငယ်ပြောင်းလဲသွား၏။
ရမှတ်များမှာ ၈၀ တိုးလာသဖြင့် စုစုပေါင်း ရမှတ် ၄၅၀ ဖြစ်သွားသည်။
စွမ်းရည်နေရာတွင်လည်း အနည်းငယ်ပြောင်းလဲမှုရှိနေသည်။
နေရာလွတ်စွမ်းရည်အဆင့်မှာ အဆင့် ၁ မှ ၂ သို့ပြောင်းလဲသွားသည်။
ဖူအန်က အဆင့်ဖော်ပြချက်ကိုကြည့်၍………
“စွမ်းရည်အဆင့်က ဘယ်လိုတိုးသွားတာလဲ?”
အဆင့် ၁ ကနေ အဆင့် ၂ ပြောင်းသွားတာ…………..ငါ့စွမ်းရည်က ဘာမှ ထူးထူးခြားခြား မပြောင်းသွားသလိုပဲ?.............
(စွမ်းရည်အဆင့်မြှင့်တာဟာ ဂိမ်းစနစ်ကနေ ကစားသမားတွေအတွက် ဆုံးဖြတ်ပေးတာဖြစ်ပါတယ်………..
စွမ်းရည်အဆင့်မြှင့်မှုဟာ ကစားသမားရဲ့ စွမ်းရည်ထိန်းချုပ်နိုင်မှု၊ တိုးတက်မှုနဲ့ အသုံးပြုမှု စတဲ့ အချက် ၃ ချက်အပေါ် အခြေခံနေပါတယ်…….)
“ရှင်ပဲမှန်တယ်……”
ဖူအန်က အသေးစိတ်ပြောလိုက်၏။
“ဒါက စွမ်းရည်အဆင့်ဟာ ရှင့်အပေါ်မှာပဲ မူတည်နေတယ်လို့ ပြောတာလား?”
(စနစ်ရဲ့ဆန်းစစ်ချက်တွေဟာ လုံးဝကို တိကျမှန်ကန်ပါတယ်)
ထိုစာကြောင်းပေါ်လာပြီးနောက် ဖူအန်မှာ ဂိမ်းနေရာလွတ်ထဲမှ ကန်ထုတ်ခံလိုက်ရလေသည်။
