ငါ့ဖိနပ်လဲရုံပဲလား………….
ငါနောက်ထပ်အဆူမခံရဘူးပဲ………
အစ်ကိုဖုက တကယ်ပဲ ပိုပြီးချစ်ဖို့ကောင်းတဲ့ပါးပါးတစ်ယောက်နဲ့တူလာတာပဲ……….
ဖူအန်သည် ဖုရီရှီအားကြည့်၍ တစ်ခစ်ခစ်ရယ်လိုက်၏။
ဖုရီရှိသည် သူမ၏အမူအရာကိုမြင်လျှင် အနည်းငယ်မျက်မှောင်ကြုတ်သွားပြီး လက်ဆန့်လိုက်ကာ သူမပြုံးနေသည့်အချိန်တွင်ထွက်ပေါ်လာသည့်ပါးဖောင်းဖောင်းလေးနှစ်ခုကို ဆွဲလိုက်၏။
“ဒီမှာ ရပ်ပြီး ဘာရယ်နေတာလဲ?...............
ဒီလိုပုံစံမတ်တပ်ရပ်ပြီး ရွှေရောင်ကြက်ဖမှော်ပညာကို သင်နေတာလား?”
ဖုရီရှီ၏ရင်းနှီးလှသည့်စကားပြောဟန်ကြောင့် ဖူအန်မှာ ချက်ချင်းငြိမ်ကျသွားသည်။ ဖိနပ်များလဲရန်အတွက် ဖုရီရှီ၏လက်ကိုဖြုတ်ရန်ပြင်နေစဉ်တွင်ပင် ရုတ်တရက်ရင်းနှီးလှသည့်ခံစားချက်ဖြစ်ပေါ်လာပြီး နှစ်ယောက်လုံး ဆိုဖာပေါ်သို့တစ်ချိန်တည်းမှာပင် လဲကျသွားကြတော့သည်။
………………………………………………………….
(ဟယ်လို………………….ချစ်ရပါသောကိုယ်စားလှယ်ကစားသမား…………….
အသက်ရှင်အောင် ရုန်းကန်ရမယ့်ဂိမ်းကနေ ပြန်လည်ကြိုဆိုလိုက်ပါတယ်……………..
ဒီတစ်လှည့်ဂိမ်းမှာ အန်ပီစီ ၃၀,၀၀၀ နဲ့ ကစားသမား ၉၉၉ ယောက် ပါဝင်ကစားမှာ ဖြစ်ပါတယ်………..
ရက် ၃၀ ကြာ အသက်ရှင်သန်နိုင်ဖို့ ကြိုးစားပါ…………ရမှတ် ၂၀ ရရှိမှာ ဖြစ်ပါတယ်……………
ရက် ၃၀ အတွင်း ဂိမ်းထဲမှာ သင် သေသွားသည်ဖြစ်စေ……….ဂိမ်းကိုရှောင်ရှားသည်ဖြစ်စေ လက်တွေ့ကမ္ဘာမှာပါ သေဆုံးမှာ ဖြစ်ပါတယ်………….
ဒါ့အပြင် အရန်ကိုယ်စားလှယ်တစ်ယောက်ကို သတ်နိုင်တိုင်းမှာ ကစားသမားဟာ အပိုရမှတ် ၁၀ မှတ်ကို ထပ်ဆောင်းရရှိသွားမှာပါ……….
စနစ်မှ သင့်ကို ရမှတ်ပိုများများရအောင်လုပ်ဖို့ အကြံပေးပါတယ်………….
ဒီတစ်လှည့်ဂိမ်း…………..လုံးဝသုည…..)
ဂိမ်း၏မိတ်ဆက်ပြီးနောက် အဖြူရောင်မြူခိုးများ ပျောက်ကွယ်သွား၏။
