عشق محرم

الحلقة 90

يمشيو ورا بعضهم و التليفونات على وذنيهم ، عمر راكب بحذا مالك، و امين من تالي قاعد فالوسط حاط يديه عالكراسي الزوز (كرسي عمر و مالك)
مالك: اميرة شعملت
اميرة: شي يا مالك ما فماش
مالك ضرب الفولون
عمر: مالك، موش فما واحد قريب لبوك عاللخر في الشركة، شنوا اسمو يا ربي، ااا أي حسام، قلها تمشيلو تسالو
مالك: بربي، ونتي ذيكا نيتك شيستعرف، تي كان تحطو تحت تهدبد السلاح لا يقول كلمة، مستحيل يبيع پاا
اميرة: اااا اي ياا مالك عمر عندو الحق اتو نمشي للشركة و نحاول نعصرو بالكشي يقول حاجة
مالك: فاش تحكي يا بنتي مخلية الأوتال و ماشية تحوس فالشركة
اميرة: تي يا مالك هاو قتلك ما فماش و زيد حسام يقلي انا اسمعني تبعني و اسكت
مالك: اووف يا ربي هالطفلة بش تهبلني
اميرة دورت الكرهبة و مشات ديراكت للشركة
وصلت لغادي هبطت تزرب هي شافت العساس و هي بدات تتصرف عادي مالك و عمر حبسو بعيد و بقاو يستناو فيها
اميرة: اهلا عم حسن
عم حسن: اهلا اميرة بنتي، صافا كانك جاية تطل على بوك راو موش لهنا عندو جمعة ما جاش للشركة
اميرة:اااه لا عم حسن فيبالي پاا مسافر هالايامات عندو خدمة، انا جيت حاشتي بحسام، امم هو هوني تواا؟
عم حسن: ياخي ما فيبالكش بيه مسافر
اميرة: شنوواا ؟؟، مساافر امم لا ما فيباليش؟ وقتااه سافر و وين
عم حسن: عندو نهارين توا، خلط على بوك
اميرة حبت تسالو وين خاطر موش عارفة بوها وين اما ما نجمتش : ااااااا لالمانيا معناها (قالتلو هكا خاطر طارق ديما يسافر لالمانيا)
عم حسن: تي امااا المانيا يا بنتي لبريطانيا ياخي ما قلكش بوك
اميرة تربثت: اااا أي تي لبريطاناا، لا قلي انا غلط، امم، لحاصيلو نخليك انا عم خسن، اصلا موش حاجة مهمة جيست كنت بش نسالو سؤال، يعيشك عم حسن منغير ما تقلو لي انا جيت، تو تعطلهم عالخدمة و زيد على حاجة فارغة اياا باي و دارت و مشات
عم حسن بقا شاكك فيها تحكي بربثة و زيدما هياش نورمال: باي
مالك وعمو كانو يسمعو خاطر كانت حالة التليفون
مالك: بريييطاااانيااا شيحكي هذاا؟؟
امين: و طونطون طارق شعندو يعمل غادي
عمر: واللهي غريبة، بالكشي موصين حسن يحبو يتوهونا
مالك: فاش تخرف نتي زادا، ياخي فيلم هوا، ملاا بريطانيا هذي اي كيفاه بش نعملو احنا تو