عشق محرم

الحلقة 39

شمس جديدة و نهار جديد اليوم الخميس النهار لي يستناو فيه الكل (ههه تي حتى أنا لي نكتب و نستنى فيه) عيشة قامت تزغرط ودخلت على بيت مريم بالبخور و تحل فالشباك متع بيت مريم
عيشة: وررررررراي ورررررراي
تزغرط و تهز فالغطاء على مريم و أميرة لي مزالو راقدين : أوووووه أميي تي صكر الشباك الزح الشمس ضربت فيا
عيشة: وه شنيا صكر هذي يا بنتي تي قوم ما بقاش وقت راهو
مريم: بفففف يامي تي خليني نزيد شويا مزال بكري
أميرة قامت : أمي عيشة صباح الخير
عيشة: صباح الخير بنتي الغالية إنتي أرجع أرقد مزال بكري هاك تشوف نفيق في مريم ما حبتش
تي قوم
مريم : أمييييي
أميرة: مريومة عزيزتي قوم ما بقاش بكري خلينا نفطرو و نحضرو رواحنا
عيشة: أي بنتي يقوي سعدك فيقها إنتي أنا غلبتني و أخلطو عليا للكوجينا بش تفطرو
عيشة مشات تحضرلهم فالفطور و أميرة قعدت تفيق فيها
مريم: بفففف ياربي ياخي لازم منها هالخطبة واللهي ندمت
أميرة :ههههههه موش على كيفك للا مالك يستنا بالدقيقة و الدرج و الدار كاملة خايضة على خاطرك حتى من خطيبي جاي
مريم: هههه مقوى سعدي......أميرة ياخي نتي عندك خطيبك
أميرة: هه أي نقعد كان أنا
مريم: ههههه يطلع منك
أميرة أيا قوم قوم و خلينا نمشيو أنا وياك للپاتيسري ناخذو شويا كرواسون نفطرو بيهم و شويا حلو للخطبة
مريم قامت تنفخ :أميرة ياخي علاه المصروف هذا الكل من ٱمس ونتي تصرف على خاطري تي فلوسك شتوفيهم في خطبتي
أميرة: أووووه هذا تسميه مصروف زيد تهنا فلوس پا ما توفاش ههههه راي خطبة أختي الغالية
مريم هبطت راسها: عيشك أميرة والله ما نعرش كيفاه شنجم نرجعلك شويا ملي عملتو معايا