عشق محرم

الحلقة 119

يدور فالفولون :بش نمشيو لدار ماماتك
أميرة هزت جواجبها: ماماتي ؟؟
طارق: تي أي نقصد لي رباتني
قص عليهم التليفون
اميرة: وي مالك
مالك: أميرة سافا وينكم انتوما توا
أميرة سافا مالك سافا هانا مع پا ماشين لدار ماماتك ولا شكون
مالك : ماماتييي ؟؟؟
أميرة: تي أي يا مالك قلك وحدة ربتو
قص عليها طارق : وكانت مرت عزيزك زاداا
أميرة: شنواااا
و بعد هدات اصل ما لازمهاش تتصدم لازمها تعود تتوقع كل شي خاتر معاش عارفة شنوا لي يتصدق و شنوا لي لا
أميرة: تي الحاصل يا مالك توا بعد نكلمك نحكيلك هيا باي توا لازمني نعلق
داخل بكل ثقة راسو مهزوز و هوما يمشيو وراه و يشوفو فالدار
شنواا هذا ملا هيلمان و ملا دنيا
مريم تفكرت حياتها، تفكرت عيشتها، و تفكرت دارهم ، دارهم لي كانت ما تبعدش برشا عالقصر لي ترا فيه عي توا ، ياسر يشبهلو ، القصر متاعهم كان أضخم قصر في بريطانيا الكل ، وصلو يجيوه السياح بش يتصورو فيه
وقفت و هي تخزر ، راسها الفوق ، شادا الصاك بيديها الزوز و روحها مهدودة، تنهدت تنهيده عبرت عالوجيعة لي في قلبها ، تنهيدة تهد الجبال كاينها تقول آاااه يا حياتي قدااه توحشك، آاااه يا پااا قداه متوحشتك و متمنية نراك ولو لحضة فالمنام ، آاااه يا أمي قداش شاهية نعنقك و نشم ريحتك ، دمعتها نزلت منغير ما تشعر
تلفتت أميرة لقاتها واقفة و تخزر رجعتلها: مريم سافا
آهااا تبكي شبيك مريومتي
مسحت دمعتها : شي أميرة تفكرت عيشتي و تفكرت دارنا لي عديت فيها صغري ، كانت تشبه للفيلا هذي بالضبط، كانت أضخم فيلا في بريطانيا الكل
أميرة: شنيييه ؟ و غمضت عينها و شدت راسها : لحظة لحظة مريم يعيشك بشوية عليا و عاودلي شقلت ؟؟قتلي ، قتلي لي انتي كنت تعيش في بريطانا هكا و لي الفيلا متعكم لي عديت فيها صغرك كانت أضخم فيلا في بريطانيا الكل si ؟
مريم تنهدت : أي أميرة هكا بالضبط
أميرة عاودت غمضت عينها و شدت راسها ، مريم فهمتها تصدمت خاتر ما كانتش تعرف ،عيشة رجعتلهم البنات شبيكم وقفتو
مريم بنتي سافا
أميرة وهي مصدومة : سافا سافا أمي عيشة هانا جايين
مريم تلفتت لأميرة لي مزالت موش مستوعبة لي قالتو : شقولك نمشيو و توا مبعد تفهم كل شي
أميرة شارتلها بيدها بمعنى امشي انتي و بقات واقفة مصدومة و حالة فمها يا ربي شنوا هذا ، يا ربي شنوا لي قاعد يصير راني معاش فاهمة شي
تسمع في الصوت هبطت : جيييت
طارق يحكي و الضحكة في وجهو موش عارف علاه أما حاس روحو لي هو بش يقهرها بعملتو هذي و موش بش تنجم تعمل حتى شي : أي جيت
فاطمة: وه و شبيك فرحان انتصرت على أعدائك   !
طارق: فرحان خاترك بش تتعرف على ضيفانك لي جبتهم معايا
فاطمة مشا فيبالها لي قالها بكري جيست كلمة طلعو ضيفان بالرسمي ياخي تصدمت : أي وينهم
طارق تلفت : هام البرة مزالو جايين
و تعدا من بحذاها جاء بجنبها و وقف فاطمة تخرلو و هو يخزلها و يضحك
واقفين الزوز قدام الباب يستناو فيهم يدخلو
وفجأة جاها شلل بالرسمي و طارق خزرلها قعدت حالة فمها داخلين يكركرو في فاليز موش مصدقة لي ترا فيه ، عينيها محلولين و فمها زادا ، ريقها نشف في فمها دارلها طارق
: آآآ ظاهر فيها عجبتك السيربريز
يخزرلها و الضحكة على وجهو ما فرقاتوش ، شادة روحها ، تبلع في ريقها بالسيف و تحاول تتصنع في التبسيمة
واقفين في الباب ماهمش فاهمين شي ، ماهمش عارفين يدخلو ولا ياقفو يخزرو أكهو
طارق: موش لازم نسألك من وجهك ظاهر فرحانة ، أيا يا جماعة أدخلو شبيكم حاشمين ، أهااا ما قدمتكمش لبعضكم مدام عيشة هذي آآلا فاطمة ، كانت تخدم في دارنا قبل و بعديكا خذات بابا المهم خديمتنا القديمة و مرت بابا سابقا ،مدام فاطمة نقدملك عيشة جدة مريم أكيد عرفتها موش هكا و هذي مريم بنت خويا الله يرحمو خطيبة مالك ولدي و على قريب بش يعرسو موش هكا مدام عيشة ،( هو يقهر في فاطمة وخاف لا عيشة تعكسو فقالت أي ) و ما نحكيلكمش عالفرحة لي كانت فيها مريم وقت لي قال بش يعرسو تصدمت و قعدت تخزرلو و في عينيها لمعة تعبر على فرحتها صحيح مزالت موش مستوعبة حكاية لي هوا عمها أما ميسالش تو تتعود
طارق : مريم ياخي ويني أميرة
فاطمة سمعت على أميرة قبل أما ما راتها حتى مرة
مريم هاي البرة و تلفتت اههها هاي جات
أميرة : hello
طارق : لا تكلم نورمال المدام تونسية ، أياا يالا نقدملك بنتي لي هي بمثابة حفيدتك أما عمرها ماهي بش تكون
أميرة عسلامة ططا
فاطمة باهتة تخزرلها ملا ضخامات عليها و ملا وهرة موش مصدقة هذي بنت طارق
تحكي في قلبها آآآه يا أميرة سمعت عليك لي انتي قوية و تهد الجبال ندرا كيف بش تسمع بعمايل بوك مزلت بش تهد الجبال ولا نتي لي بش تتهد مسكينة ( فاطمة بدا مخها يخدم صارا هكا يا طارق تغزل فيا و في مخها ألف طريقه تنجم تعذبو بيها كمل لي هي وياه قبل حاطين اليد في اليد و ڤارنين الراس على مريم و عايلتها زعما كان يسمعو شنوا ينجم يصيرك يا طارق يا عايشي أه )
تبسمت تبسيمت خبث مبنية عاللي كانت تخمم فيه الكل ، تقلبت 360" عالوضع لي كانت فيه ، و فرحت خاتر العملة لي عملها طارق واللعبة لي حب يلعبها هو لي بش يدخل فيها و ماهياش بش توفى هوني اللعبة مزالت كي بدات
صحيتك يا طارق حليتلي طريق