عشق محرم

الحلقة 135

جولييت تسمع في العياط و كذبت انا لا عاودت سمعت نفس الشي ، قامت تجري بش تشوف شفمها، لقات الباب السري محلول، تخزر و ماهياش مصدقة، صحيح توا وقت الانفرميار اما امبوسيبل تخلي الباب محلول فهمت كل شي ، مشات تجري بش تكلم فاطمة لازمها تعرف، قلبها فالميتين خايفة تدور فالفيكس و ترعش بكلها
طورينتو ، شنوا عاد ما قتليش ندمت علي تفاهمنا فيه
فاطمة: أنا عمري ما نندم على حاجة انا نقولها ، قتلك طارق بش نجيبهولك مسلسل، و ترجع منو الي فكهولك الكل اما بشرط
طورينتو: كيما يقولو في تونس ما فماش قطوس يصطاد لربي
فاطمة ضحكت و قص عليهاالتليفونلقاتها جولييت علقت: اييه ناقستني كان نتي انا تو ، عاودت طلبت صكرتو
جولييت علقت لازمها تتصرف و تقول لفاطمة اما كيفاه هاي بعثتها جملة و ما تعرفهاش حتى وين و ياسين امبوسيبل تقلو خاتو ما فيبالوش بيها الحكاية فيبالو لي هي بلحق قتلتهم تي هو ما تقبلها حكاية انو امو تقتل كان بالسيف و بعد برشا شهور بش رضا على امو و رجع للدار( ياسين قلبو بيه امبوسيبل يضر حد اما امو مسيطرة عليه اذاكا علاه ديما مخليها و هاج مالدار خاتر يكره شكون يتحكم فيه ) جوليت ما عندهاش حل اهر غير انها توا تهز روحها و تهرب عرفت روحها باصات كانت تقعد ما تعرفش شنوا ينجم يصير فيها في بلاصة فاطمة طلعت تجري هزت صاكها و خرجت الحراس ما خلوهاش تخرج كان كيف قتلهم المدام عيطتلي ايجون
أميرة تطلب في بوها بش تحكيلو الحكاية ما هزش عليها، مسكينة مزال ما فيبالهاش لي هو ورا هذايا الكل ، آه يا طارق اش بش يصير فيك كان تسمع
أميرة تدادي فالبيت تمشي و تجي شكون بش تكلم لازمهم يرقدو حلفة لفاطمة و يشدوها في دارها ،  خاتر كان تقلها تنجم تهرب و في نفس الوقت ما تحبش تكلم ال بي اي متع بريطانيا تحب هي تتصرف في عذابها خاتو ما لازمهاش تتعدالها بالساهل ،تفبري بكلها موش عارفة شتعمل داخلة بعضها كل شي هبط عليها ضربة وحدة، كل شي جاها بزربة و ماهياش محضرة روحها ،ولا مخططة كالعادة المرة هذي الصدمة قوية، وتوا شكون بش تكلم ، ما بقالها كان مالك
مالك:شنوا توحشتني
اميرة: امها و بوها عايشين، نحكي على مريم امها و بوها عايشين هام قدامي توا
مالك كان يمشي و شاد شاسي حبس بدل التليفون في بلاصت الساشاي
:فاش تحكي اميرة ياخي فالجنة نتي توا
اميرة: موش وقت ضمارك جملة ، نحكي بجدي عمك الفاضل و مرتو هام قدامي ، فاطمة خاطفتهم و مخبيتهم في دارها
مالك تصدم
مريم من كلام اميرة تفكرت همها، و تفكرت حرمانها منهم قوات في البكاء
مالك كلام اميرة لتوا يزن في وذنيه ، يا ربي شنوا قاعد يصير يا ربي ياخي نحنا في الواقع ولا نحلمو ، شنوا لي قاعد نعيش فيه
واقف في الشارع ما بين اكا العباد لي تمشي كراهب تزمر و هو لا علاقة ، يحبلو بش يستوعب لي كان يسمع فيه ، يحبلو بش يستوعب كلامها لي هبط عليه كالصاعقة ،كالكورون تعدا ديراكت لوذنيه ، الكراهب معاش مزمرين ولاو يبعدو و يتعداو ، وهو من بلاصتو ما تحركش
اميرة : الووو، ياخي تسمع فيا
مالك ترهوج جا على حافة المادة و قعد ، عباد تخزرلو ماشي فيبالهم هبل ، التليفون على وذنيه ما هبطوش من يدو رما روحو و فمو محلول ، اميرة ما جاوبهاش ساكت مصدوم
اميرة: امم عندك حق نعرف لي نتي مصدوم و موش بالساهل تستوعب اصل لازمك تتصدم حتى انا صارلي كيفك اما كمل في عقلك و يجاني لبريطانيا توا و ما تحكيلي حتى حكاية تصرف و كان تنجم مع امين و عمر ، تلفتت لمريم ترا في حالتها صعيب بش تفيق من صدمتها و كملت تحكي مالك بالحق راني مستحقتك مريم حالتها ما تعجبش بالكل و بوك نطلب فيه ما يهزش و زيد لازمنا نلقاو حل لفاطمة لازمها تتعاقب علي عملتو
مالك ضرب في مخو بوه ينجم يكون هو ورا الحكاية قلها : أميييييرة
هو قال اكاكا و أميرة فهمت كل شي ، فهمت فاش كان يخمم و ضربت في مخها اوتوماتيكمون الحكاية، حلت فمها ، كيفاه ما خممتش فيها هذي ، قول وقتاش بش تخمم وكل شي جاها بالزربة
اميرة : لا عاد كان يطلع هو المرة هذي وراس امي يا مالك ما نقتلو بيدي و منغير ما تتحركلي حتى شعرة والله يا مالك
هبطت التليفون و فمها محلول ، مخها وحل غادي، ينجم يكون هو ، موش هو لي حب يخطف مريم و زيد شمجيبو لفاطمة هو اميرة حلت فمها اكثر حستها صحيحة الحكاية ، عينيها تعبات بالدموع واقفة مصدومة ، زعما بوها يوصل يعمل هكا مجرد تخماا نارها شعلت و عيون انتقامها منو لمعت ، والله نقتلو