عشق محرم

الحلقة 27

أمين : تي هاو جوك فالبيان مع القطوسة و خطبة زادا
مالك: أأأ مالا ش فيبالك ، فيبالك نتي ما نجمتش تحكي كلمتين مع نور
أمين وجهو لخلخ أما شد روحو: و شكون قالك أنا ما حكيتش معاها
مالك تلفت لأمين : ياخي حكيت معاها
أمين: هه تنجم تقول و بدات تتضرب فيا زادا
مالك: ههه هيا باهي أذاكا شحاجتنا أحنا ووقتاش حكيت معاها بربي و شحكيتو
أمين ما عرفش شيجاوبو
أمين: ااااا كيف خرجت نتي لبارح أما شحكينا موش لازم تعرف و غمزو
مالك: هههه الله الله مالا جوكم حفالي
أمين: امممم موش برشا أما على قريب نشالله
حقا مالك ياخي وين مشيت منين قتلي شنجيب الشيبس
مالك: تي ماي أميرة طاحت پان أنا راجع من بيتها و هي كلمتني ياخي رصاتلي ماشيلها و فلخر تطلع موش پان الكرهبة ناقصة ماء
أمين: أأأأ هههه
مريم:أميي...أميي...تي وينك
عيشة: ها ها هنعم شبيك تعيط
مريم: أمي خارجة أنا ومالك شنلبس هاذم ولا هاذم
عيشة بقات تخزر لمريم و تتبسم
مريم: تي أمي شبيك
عيشة: هه شي أما نتي ماللي عرفت مالك و مخك موش فوقك ديما سارحة تخمم و ما يتعداش نهار منغير ما تراه وليلة ما نغير ما تكلمو...
مريم حلت فمها كيفاه عيشة فايقة بيها
عيشة: شبيك تخزرلي هكا مانيش صغيرة راني ولا راقدة على وذني نعرف كل شي نسمع فيك كل ليلة تبات وت وت فالتليفون ما تقليش.......
مريم حشمت هبطت راسها
عيشة: هه واللهي عرفتك طحت على راسك...
مريم: تي أمي يزي عاد ما تحشمنيش
عيشة ضحكت و مشات
مريم: يا أمي تي وين ماشية ما قتليش اشنلبس
عيشة: البس لي تحب كل شي يواتيك
مريم: بففففف

سروال دجين ماشي مع بدنها مريول روج الفاسون متاعو يطيح عالأكتاف (أما مريم ما طيحتوش هازتو الفوق) صباط بلون فيه بالروج منتالي( alexender mQueen) عملت ظفرة حطتها على جنب كالعادة و إيشارب فوق راسها comme surtette و مكياج خفيف طلبها مالك قلها أخرج عملت بارفان و هزت صاك و خرجت

قاعد فالكرهبة حاط مرفقو عالشباك و يدو في خدو يخزر القدام و يستنى فيها مريم خرجت و صكرت الباب دوب ما سمع صوت الباب تلفت سرح في مريم قداش محلاها تبدلت كومبلاتمون باللبسة قعد سارح يخزرلها لين ركبت فالكرهبة
مالك: محلاك
مريم حشمت هبطت راسها: عيشك نتي زادا محلاك بالشوميز النوار ياسر واتتك
مالك كان لابس شوميز نوار مكبوسة على بدنو مبينتلو عضلاتو الكل و سروال ڨري شاربون و صباط نوار پلا Hermes
مالك تبسم : هه هييه هاك وليت تقول كلام حلو شنوا طارت الحشمة
مريم حشمت تبسمت : مالكك تي يزي ما كانش نبطل راهو
مالك بقا شايخ عليها بالضحك
مريم: تيي يا مالك شبيك تضحك
و مالك بقا يضحك و هي كتفت يديها و بوزت فمها كوم كوا متغششة مالك عجبتو الفازة بقا يعمل كيفها و شايخ عليها طريق كامل
وصلو لصالوندوتاي هبطو خذاو طاولة و قعدو
مريم :مالك شنيا الحاجة لي حبيت تقولهالي
مالك: مريم أنا و پا و ما شنجيو نخطبوك نهارت الخميس
مريم قامت من على الطاولة وعيطت: شنواا
العباد الكل بقات تخزر مالك تفجع خاف منها لا تقلو لا ولا تبطل الخطبة
مالك: مريم شبيك
مريم جرات المالك حملتو بالقوي: يااا بالحق مالك يعيشك والله مانيش مصدقة
مالك تصدم من ردة الفعل متاعها سخن عاللخر و بدنو الكل ترخف كي حملتو فرح و عرفها تحبو تبسم و حملها الفرحة لي في قلبو حتى حد ما ينجم يفكهالو فرحتو بالدنيا الطفلة لي عشقها و عشق ريحتها طلعت تحبو و فرحانة بخطبتو منها مالك فرح عاللخر
مريم نسات روحها و بعد فاقت من سرحتها و فاقت بلي عملتو بعدت بالشوي بالشوي على مالك و وجها حمار ورجعت قعدت
مالك عرفها حشمت ضحك و قعد
مريم: ااا مالك تي شبيك قعدت وه هيا فيسع نروحو لازمني نحضر روحي ما بقاش بكري هزت ساكها و قامت

مالك: هههه يا بنتي أقعد وين ماشية
مريم: تي يا مالك الخطبة نهارت الخميس و أنا حضرت شي تي قوم
مالك شاخ بالضحك: ههههه تي يا بنتي أقعد مزالو أربعة أيام عالخطبة
مريم قعدت: بففف تي أي يا مالك يحبلي باش نحضر روحي شبيك
مالك: ههههههه يا بنتي مزال عندك الإثنين و التلاث و الإربعاء و زيد شعندك بش تحضر ياخي
مريم : تي يامالك لازمني نريڨل روحي و نظف الدار و....
مالك بقا يضحك مريم حشمت وتبسمت و سرحت تخزر للبحر ،مالك عرفها تخمم : مريم شبيك فاش تخمم
مريم:مالك ياخي أمك و بوك موافقين...نقصد حكيتلهم على حالتي وقتلهم لي أنا.....
مالك حط يدو على فمها: شششش
مريم ذابت من لمست مالك ليها و يدو السخونة لي تحطت على فمها بدنها قشعر بكلو و فمها ولا يرعش
مالك شدلها يدها: مريم ما تحط شيء فيبالك پا وما موافقين و زيد أنا بش ناخذك إنتي بش ناخذ روحك و قلبك موش بش ناخذ شعندك والي تكسبو
مريم فرحت و تبسمت و مالك تبسملهاو قلها : أأأأ حقا مما بش تجي غدوة هي و أختي بش تتعرف عليك
مريم كانت تشرب في ال jus شرقت : شنوا.. تحكي بجدك
مالك: ههه مريم بشويا راك شرقت و مد يدو يمسحلها في فمها
مريم سرحت معاه وبعد قتلو: اااا مالك ياخي شنوا إسمها أمك
مالك كان ياكل تفلق بالضحك
مريم: تي يا مالك ياخي شبيك تضحك قلت حاجة تضحك
مالك: هههههه لا ما قلت شي just خطبتك نهارت الخميس و إنتي لتوا ما تعرفش إسم حماتك هههههههه
مريم: هههه تي يا مالك ياخي منين بش نعرف أنا ما جاش لمخي حتى مرة باش نسألك و زيد نتي ما قتليش
مالك: ههه إسمها بسمة
مريم: بسمة محلاه إسمها بسمة لازمني نحفظو باش ننساشو غدوة و بقات تعاود فيه بسمة،بسمة،بسمة،
و مالك عاود تفلق بالضحك
مريم:تي يا مالك تي شبيك تضحك ياخي
مالك هههههههه لا شي و بقا شايخ عليها بالضحك
وهي تبوز في فمها و هو ميت بالضحك