عشق محرم

الحلقة 108

: شنوا سي البطل، مستغني على حياتك
تسمع في خطواتو و هو جاي تجاهها، الخوف تملكها، هذا انسان موش نورمال خايفة لا يحطلها كرطوشة في راسها من تالي، ركبتها عالارض و يديها التالي ورا راسها و ترعش بكلها
يمشي تجاهها بكل خطوات ثابتة، و هي عاطيتو بالظهر، تحب تتصرف اما موش عارفة شتعمل
انطونيو: فيبالك ماو ٱخر واحد دخل لدار البوس شصارلو؟
بعديكا وقف سكت شويا و بقا يخمم
: ما نعرش حتى انا نسيت اما صارتلو حاجة، و نتصور موش باهية، كيما لي بش يصيرلك ، اما موش توا خاتر لاهي عندي ما نعمل يمكن غدوة نتفاضالك ولا حتى الجمعة الجاية ما نعرش ما نعرش المهم تو نتفاضالك ..
لولاد تعرفو خدمتكم، و ما تنساوش التليفون، و بعديكا ميسالش كيما قتلكم بكري تنجمو تهبطو تسهرو شويا موش مشكل اما تلهاولي بيه قبل أه
و دار و مشا، و لتوا حتى وجهها ما عراش عليه ولا حتى وقف قدامها بش تراه، يحكي و هو وراها و ماشي فيبالو لي هو طفل ، خاطر لبستها لكلها أوڥر حتى السروال
الحراس هزوها و هي ما حبتش تقول حتى كلمة ماشية بهواهم موش منجمة تعمل شي، صحيح خايفة، اما لا تنجم تصيح لا تتصرف بالضرب كيما عادتها خاتر حتى الضرب ما ينفعش لا يزي هي وحدها و هوما برشا و كمل الكلهم بالسلاح موش بش يترددو كان يقتلوها
هزوها و دخلوها للبيت يدزو فيها، ٱي أوروزمون تضهر البيت لي فيها مريم و عيشا، مكتفين، حالتهم حليلة شعرهم مشبشب ، و فمهم مسكر بالسكوتش، اميرة موش مصدقة لي ترا فيها، مريم و عيشة كانو مطبسين روسهم مساكن كانو راقدين الباب تحل و هوما تفجعو،
اميرة موش مصدقة لي ترا فيه، اميرة و عيشا فينالمون اي اوروزمون عينيها وساعت و لمعت بالفرحة كيف راتهم اما ما نجمتش تتكلم، شدت روحها بالسيف خاتر مزالو ما عرفوهاش لي هي طفلة، و مزال زادا ما يعرفش لي هي جايا على خاترهم دونك سكتت و بش ما تشلقش دورت وجهها، لصقوها عالحيط فركسوها و نحاولها التليفون، اميرو معاش عندها ما تعمل غير انها تسلم امرها لربي بالحق المرة هذي حبست موش نورمال ما لقات ماتعمل كان عندها امل في التليفون، قعدوها عالكرسي و هي ساكتة،و ربطوها بحبل هوما يربطو فيها و هي تدعي لربي بش ما يكملوش ينحيولها الكابيش و يفيقو بيها ولا الكاشكول و يراو وجهها، كملو ربطوها و لاخر بدا يحل في السكوتش و الزوز الاخرين واقفين يستناو و شادين السلاح، اميرة عرفتهم شيسكرولها فمها هي زادا كيف ما عاملين لمريم و عيشة، دورت لسانها على فمها بش الصكوتش ما يلصقش كان مالأجناب، و مزالت تترعد موش عارفة مصيرها ولا شنوا بش يصير معاها كيف يعرفوها، سلمت امرها لربي و حطت الموت بين عينيها
لاخر لي قاعد فالارض يربط فيها ، هبطلها الكاشكول من على فمها لرقبتها، كيف هبط الكارشكول مسح البزاق لي عملتو اميرة على فمها بش السكوتش ما يلصق و ديراكت دار خذا السكوتش من صاحبو و لصقهولها على فمها و لتوا لا راها واحد ولا فاق بيها الحمدلله، اما شنوا الحل كان عندها امل فالتليفون رزاوها فيه، اما ما هزوهش معاهم، فما طاولة محطوطة على جنب فالشونبر حطو غاديكا و خرجو، وصكروه الباب بالمفتاح، اميرة حبت تحكي مع عيشة و مريم اما ما نجمتش، بقات تخرج في صوت، وتتنفض من على الكرسي اما شي ما فهموهاش، قاعدين مبهمين يخزرولها ماشي فيبالهم ضبعت