عشق محرم

الحلقة 141

نهار جديد ، شمس جديدة اليوم
الدنيا مزالت مفرعسة الناس الكل داخلين بعضهم
مريم راقدة بحذا أمها في الفرش ، امها لي مزالت بالمكينة ، و بوها بحذاها زادا
فاقت الصباح راسها يوجع موش عارفة حتى كيفاه رقدت(من حرابش مهدئ عطاهولها عمر) موش حابة تبكي و لا تكسر راسها معاش عينها بش تعيش صدمات أكثر من هكا ، همها الوحيد تاقف قدام بوها و تتبرأ منو ، تطلب فيه تليفونو مسكر، تحب تاقف قدامو ، تسمع منو الحكاية، تحبو يقلها لا انا خاطيني، أنا عمري ما نعمل هكا في خويا أنا مانيش قتال رواح، نحب مخها يرتاح ماتخمام و قلبها يطمان لبوها و تسامحو خاطر موش ناوية تصدق فاطمة و لي سمعتو منها ولا حابة تصدقها و لا حابة تقوم من فرشها و موش حابة ترا حتى شي ، بلعكس تحب ترجع ترقد ، تحب تدخل في غيبوبة و ما تفيقش منها بش ما تعيشش الكوابيش لي عايشتها توا ، طلبتو مسكر ، طيشت التليفون
عمر بايت ليلة كاملة ما رقدش قاعد عند راس عايشة لي هزوها للدار و جابولها طبيب ركبلها سيروم على بلاصتها ، هذي دار بريطانيا ، الفيلا لي شراها بوها ، حتى مشا فيبالهم بش يلقاوه هوني موش موجود لا هو لا حسام ، كان الخدام ا
أمين واقف عند راس مالك لي بات واقف في البلكون يخمم

عيلة كاملة داخلين في حيط مرش عارفين شنوا لي صارلهم بين ليلة و نهار
بسمة تطلب متحيرة مالك عطا التليفون لأمين : شد جاوبها ، و احكيلها كل شي بالتفصيل و ما تخبي عليها شي
امين بهت بقا ساكت
مالك : أمين أعمل لي قتلك معاش نحب نكسر راسي و نكذب قلها عالموجود خليها تعرف شحاسين
أمين حكالها كل شي