عشق محرم

الحلقة 59

أمين لتوا واقف في بلاصتو موش عارف شيقول توا فهم الحكاية هي ماشي في بالها مالك وهو كالبوهالي صدق لي هي تحبو.  يحكي بينو و بين روحو: مبهمني قداشني دغفة أذيكا نيتي حبتني من النهار الأول و سلمتلي في روحها.. مبهمني..
نور : باللي بش تكذب بش تغطي على عملتك ما عندك وين توصل توا نحبل و تبان نتيجة التحليل
بسمة دارت لمالك: مالك فاش قاعدة تقول هذي  تحكي بجدها ياخي
مالك: مما ياخي أذيكا نيتك إنتي ما تعرفهاش كي تقلق تبدى تفلم و تهز و تصبط
أميرة: ياخي صفا پا نتي.. نورمال توصل تحكي بشرفك.. لاباس في مخك.. إحشم شويا عالأقل راك عملت العار.... ياسيدي موش من أمي وأحنا خاطر تعودنا بيك كان قلت الحيا.. إحشم مالرجال لي واقفين يتفرجو فالفضايح متاعك عالاقل!! ملا حالة فيك خييييت
عمر هبط راسو تالمون حشم ما لقا ما يقول
مليكة بقات واقفة حالة فمها فاللي تحكي فيه بنتها باللي تصورتها رخيسة موش لدرجة إنها تحكي بشرفها
بسمة: مليكة عيش أختي طلع بنتك خليها ترتاح شويا ظاهر فيها ماهياش لاباس بالكل و أخطانا مالمشاكل راو لي تعدا على راسنا موش شويا.. ونتي مالك إيجا أقعد عيش ولدي.. ش يهمك فيها ماك تعرفها ديما تحكي هكا
أميرة: شنوا أمي هذي ش يهمك فيها.. نورمال توصل تحكي هكا.. صحيح هيا رخيسة.. أما شرف خويا زادا لي تحكي عليه راو تحبنا نطفيو الضو و نحسبو ما صار شي المرة هذي زادا.. عاد هاي شتولي كل وين تقلق تمشي تحبل مالشارع و تقول مالك حبلني...كان ما جابتلناش بيباي فيدها المرة الجاية و تقول هذا ولد مالك
بسمة عيطت: أميييييرة
مليكة جبدت نور تكركر فيها من أكتافها و الدموع في عينيها تالمون رخستها و ذلتها
نور : تتهز و تتنفض: علاش ماكمش مصدقيينيي.....علاش ما يحب حد يصدقنيي....والله مالك إغتصبني..... والله.....
مالك كيف سمعها عاود قام مالكرسي : ياخي نورمال هذي
بسمة: هدي روحك عيش ولدي نور و تعرفها
أميرة: تسمع فيها أمي....و نتي عمر تسمع فيها.....أمين تسمع...مزالت تقول راو إغتصبني...نورمال باخي هذي
أمين فيقتو أميرة من سرحتو بعد ما بقا كان هو واقف حشم على روحو حك خشمو و رجع قعد و قعد يخمم كيفاه بش يتصرف ....امين عمرو ماكذب...كيف يعمل حاجة يقول راني عملت كان المرة هذي حب يتكلم اما ما لقاش كيفاه ....
نور بدات تبكي و مليكة زادا تبكي و تدز فيها بش تطلع الدروج
نورتبكي: بربي صدقوني....والله إغتصبني أعصابها إنهارت تقول فيها بصوت خافت دزتها مليكة دخلتها للبيت و صكرت عليها الباب و عطاتها كف طيحتها فالقاعة